Хуурамч Rolex цагийг хэрхэн таних вэ?

Rolex бол дэлхийн хамгийн алдартай дээд зэрэглэлийн цагны бренд билээ. Сэтгэл татам дизайн, хосгүй түүхтэй тус компанийн бүтээгдэхүүнийг хуурамчаар үйлдвэрлэж юм мэдэхгүй хүмүүст зарах гэж ихээр оролддог. Таныг чанаргүй цаг худалдан авахаас сэргийлж олон тооны мэргэжилтэн, цуглуулагч, цагны хорхойтнуудын бэлтгэсэн мэдээллүүдийг багцлан хүргэж байна.

Борооны цув

Борооны цув үргэлж борооны цув шиг харагдах албагүй. Хэрэв та eBay сайтаас цаг авахаар шийдсэн бол борлуулагчийг нь шалгаарай. Хэрэв олон бараа, хувцасан дотроос түүний зарж байгаа зүйл нь үнэтэй Rolex цаг байгаа бол сайны тэмдэг. Харин анх удаагаа бараагаа зарах гэж байгаа бол сэжигтэй шүү. Борлуулагчтай холбогдон асуухад “бэлгэнд өгсөн цаг” гэж хариулж байвал аюултай хэрэг. Мэдээллийг нь уншсаны дараа эргэлзээтэй санагдаж, дотор хүн чинь “дэмий” гэж хэлж байвал түүнийг сонсоорой.

Цагны жинхэнийг нь батлах бичиг нь алга болсон

Rolex-ийн бүх цаг жинхэнийг нь батлах бичигтэй байдаг. Хуурамч цаг үйлдвэрлэгчид үүнийг ч бас хуурамчаар хийдэг. Сүүлийн үеийн бичиг нь илүү хатуу хуванцар, зээлийн карт шиг болжээ. Хүмүүс ихэнхдээ бичгээ алга болгодоггүй учраас алга болсон гэж хэлж байгаа хүнээс худалдан авалт хийхгүй байх хэрэгтэй.

Үнэ нь буруу

Хэрэв та GMT-Master 2 загварыг 200$-оор худалдан авч байгаа бол яавч жинхэнэ нь биш байна гэсэн үг. Оригнал Air-King загвар нь наанадаж 2000$ байдаг юм шүү.

Секунд бүрт чаг чаг гэж дуугарах ёстой

Та хүмүүсийг юу ярихыг сонссоноор их зүйлийг сурдаг. Rolex-ийн цагийг ч гэсэн сонсоод үзэх хэрэгтэй байдаг. Секунд бүрт тод нэг хэвийн чаг чаг гэсэн дуу гарахгүй доголдож байвал хуурамч цаг гэж ойлгож болно.

Маш хөнгөн

20 жилийн турш нэр хүндтэй цагны компаниудад төлөөлөгч хийсэн хүний хэлж буйгаар цагийг нарийвчлан судлахаасаа өмнө юу мэдвэл зохих ёстой талаар тайлбарлаж өгсөн юм. “Сайн, муу гэсэн 2 төрлийн хуурамч цаг байдаг. Жин, чанар, танд мэдрүүлж байгаа мэдрэмжээр нь ямар төрлийн цаг вэ гэдгийг нь ялгах боломжтой. Мэдээж хэрэг нэг хуурамч, нэг оригнал цаг байж ялгааг нь хэлэх боломжтой” гэсэн юм.

Секундын зүү нэгэн хэвийн явж байх ёстой

Үүнийг шалгахын тулд бага зэргийн мэдлэг хэрэгтэй ч та чадна аа. Цагныхаа секундын зүүний хөдөлгөөнийг сайтар ажиглаарай. Rolex Oyster Perpetual загварын секундын зүү нь л гэхэд секундэнд 8 удаа хөдөлж байдаг юм. Хэрэв үүнээс цөөн удаа хөдөлж байгаа бол хуурамч байна.

Цагны ар тал дармал бичигтэй байна уу?

1930-аад оны үед хийгдсэн онцгой ховор загвар л биш бол тэдний цагнууд шилэн артай байна гэж огт байдаггүй. Үүнээс гадна цагны арын төмрийн гадна талд юуг ч дармалдаж бичдэггүй юм. Хэрэв танд цагны арыг онгойлгох багаж байгаа бол нээгээд шалгаад үзээрэй. Үргэлж “Geneva, Switzerland” гээд загварын дугаарыг тавьсан байдаг. Харин хүний нэрийг сийлж бичсэн байвал өөр асуудал шүү.

Сериал тоо

Орчин үед цагны дотор талын ирмэг дээр буюу 6 цагны харалдаа доод талд Rolex хэмээх нэрийг сериал тоотой сийлж өгдөг болжээ. Хэрэв та сериал тоогоо мэдэж байгаа бол интернэтээр шалгаж үзэх боломжтой.

Эргүүлдэг хэсэг дээр Rolex-ийн лого байх ёстой

Таны авах гэж буй цагны эргүүлдэг хэсэг дээр лого байхгүй бол хуурамч гэж ойлгож болох юм.

Томруулдаг байлаа гээд жинхэнэ биш

Өдөр харуулдаг цонхыг сайн хараад л жинхэнэ хуурамчийг нь мэдэж болно. Rolex-ийн цаг болгоны өдөр гардаг цонх нь томорч харагддаг. “Хуурамч Rolex-ийн томруулдаг шил 1.5 дахин томруулж чадахгүй болохоор өдрийг нь харахад төвөгтэй байдаг. Оригнал цагны бичиг нь гүдгэр байдаг юм. Эдгээрээс гадна өдөр болон хоногийг цагаан алт юмуу алтаар хийж өгдөг учраас хэзээ ч зэврэхгүй” гэж тайлбарлаж байна.

Rolex-ийн цаг төгс

Хорвоогийн олон зүйл төгс биш байж болно. Гэхдээ Rolex-ийн цаг бол үнэхээр өө сэвгүй. 1905 оноос хойш тус компани өөрийн бүтээгдэхүүнээ өө сэвгүй, төгс болгохын төлөө л ажиллаж иржээ. Тэд чанартай цаг үйлдвэрлэдэг гэдгээрээ үргэлж бахархдаг.

13

Бахархмаар

3

Гайхмаар

3

Хөөрхөн

3

Гоё

2

Ха Ха

0

Харамсалтай

0

Тэнэглэл

0

Буруу

Баярлалаа!