Оросын баячуудын хүүхдүүд жирийн хүний хүүхэд шиг зуныхаа амралтыг Крымд шинэ жимс идэж, кафед сууж хэрхэн өнгөрүүлж байгаагаа сошиал сүлжээнд зургаа тавьж хуваалцаж байна. Ялгагдах нэг онцлог: зурагны арын фонд үнэтэй машин, дарвуулт онгоц харагдах ажээ.
1. Диана Манасир
Forbes сэтгүүлээс зарласан Оросын хамгийн баян бизнес эрхлэгчдийн жагсаалтын 79-д бичигдсэн тэрбумтан, «Стройгазконсалтинг» холдингийн үндэслэгчийн охин Зияда Манасира (15 настай) энэ жилийн зуныхаа амралтыг Европ, Оросын эрэг хавиар наранд шарж амарчээ.
Охины инстаграмд наран шарлагын газарт авахуулсан селфи, шинэ жимс, орчин үеийн элдэв хэрэгсэл, гоёл чимэглэлийн зураг тавигджээ.
2. Юсуф Алекперов
Forbes сэтгүүлээс зарласан Оросын хамгийн баян хүмүүсийн 6-д бичигдэж байгаа “Лукойл”-ын Ерөнхийлөгчийн цорын ганц хүү инстаргамаа үнэтэй машины зургаар дүүргэжээ. Зүгээр ч машин биш Европ, Швейцарийн Альпийн нуруугаар аялж буй зурагнууд байхаас гадна спортоор хичээллэж, муураар зугаацаж алжаалаа тайлж буй зураг харагдана.
6-р сард Юсуф дарвуулт онгоцоор зугаалжээ.
3. Наталья Малофеева
Marshall Capital Partners хөрөнгө оруулалтын сангийн үндэслэгч, “Интернэтийн аюулгүй байдлын лиг”-ийн хүндэт гишүүн Константин Малофеевийн охин зуныхаа амралтыг Ялт дах “Крымский бриз” зочид буудалд амарч, Москвагийн гудамжаар сэлгүүцэхээс гадна Испани ороод амжжээ.
Долдугаар сарынх нь зурагнаас харахад аавдаа төрсөн өдрийн мэнд хүргэсэн байна. Эцгийг нь Украйнд болсон үймээнд холбоотой хэмээн үзсэн тул Европын холбооны санкцийн жагсаалтад нэр нь өнгөрсөн жил бичигджээ.
4. Борис Ельцин
Оросын анхны ерөнхийлөгчийн ач хүү Сербийн загвар өмсөгч Тамара Лазичтэй энэ зунжингаа зугаалсан зургаа тавьжээ. Тэд цугтаа АНУ, Европоор аялсан байна.
Тэдний хайр дурлалын тухай мэдээ 2014 оноос хэвлэл мэдээллийн хэрэгслээр гарч эхэлсэн. Борис энэ жил 34 настай, хувийн бизнес эрхэлдэг залуу юм.
5. Александра Жулина
Олимпын аварга, ерөнхийлөгчийн хэвлэл мэдээллийн нарийн бичиг Песковын эхнэр болсон Татьяна Навкагийн 15 настай охин гэр бүлийнхэнтэйгээ далайд хэрхэн амарч байгаа зураг, ээжийнхээ Сочид болсон хуримын зургийг байршуулжээ.
Охины зуны амралтын зургийг харж байхад Песковын амьдрал түүний орлогоос давсан нь харагдаж байна. Хуримынхаа дараа гэр бүлээрээ Газрын дундад тэнгисийн аялалд гарчээ.
Бахархмаар
Ха Ха
Гоё
Хөөрхөн
Гайхмаар
Харамсалтай
Тэнэглэл
Буруу
