Нохдын наслалт, өтлөлтийг харуулсан сэтгэл хөдөлгөм зургууд

Эрт цагаас эхлэн хүний үнэнч анд нөхөр байсаар ирсэн нохойг машид хайрладаг хүмүүс олон. Гэнэн хонгор гөлөг байхаасаа эхлэн эзэн хүндээ үнэнч байсан хайртай нохойгоо хорвоогийн хорьж болдоггүй хүчин зүйл нас хэмээх зүйлд даруулж, өтөл хөгшин болоод нөгөө ертөнцөд одохыг харах шиг харуусалтай зүйл үгүй. Яг үүнийг гэрэл зурагчин Amanda Jones гэрэл зургаараа илэрхийлжээ. Массачусетсийн уугуул тэрээр сүүлийн 20 жилийг нохойны зураг авахад зориулж ирсэн.

Lily нэртэй дашунд нохойтой байсан тэрээр өөрийн нохойныхоо амьдралын бүхий л үеүдийн зургийг авч байхдаа өөр нохойнуудын зургийг ч ийнхүү авахаар шийдсэн байна. Dog Years: Faithful Friends, Then and Now хэмээн нэрлэсэн төсөлд нь амьдралынхаа янз бүрийн үе шатуудад яг адилхан позоор зургаа авахуулж байгаа нохойнуудын зураг багтжээ. Төслийн зурагнууд нь нохой хэрхэн насалж, өтөлдгийг харуулсан байна. Түүнчлэн энэ зургуудтай хамт нохойнуудын эздийн амьдралд нохой нь хэрхэн нөлөөлж ирсэн тухай сэтгэл хөдлөм түүхийг өгүүлжээ.

6 болон 7 настай Maddie, Elle нар

13 болон 14 настай Maddie, Elle нар

6 сартай Via Rufus

13 настай Via Rufus

3 настай Audrey

12 настай Audrey

Clare Matschullat нэртэй эмэгтэй Maddy хэмээх холимог үүлдрийн нохойтойгоо амьдралын хүнд үеийг хэрхэн даван туулснаа өгүүлжээ.

“Бид хамтдаа өсөж том болохдоо би цус багадалтын улмаас бүтэн жил эмчилгээ хийлгэж, эцэг эх маань салж, сургуулиа төгсөж, нохой маань тунгалгын эсийн хавдартай хэмээн оношлогдон эмчилгээ хийлгэсэн. Хорвоо ертөнц тэр чигээрээ бидний эсрэг зогссон мэт үеийг бид хамт туулсан.”

5 настай Maddy

10 настай Maddy

Гэрэл зурагчны хувьд хэлэхдээ төсөлдөө тохирох нохойг олохын тулд өөрийн улсаар аялж хайдаг байсан гэнэ.

1 настай Bricoe

10 настай Bricoe

Jones энэ сарын 4-нд хайр татам эдгээр нохойнууд болон тэдний гайхалтай түүхийг агуулсан номоо гаргасан байна.

Тэрээр энэ 20 жилийн хугацаанд ноход болон тэдэнтэй үнэн сэтгэлээр холбогдсон эзэдтэй нь ажилласандаа өөрийгөө хамгийн азтай хүмүүсийн нэг гэж үздэг аж.

Харамсалтай нь энэ төслийн сэдлийг өгсөн Jones-ын нохой ном бүтээгдэж байх явцад 2013 оны 3-р сард нас барсан байна.

1 настай Petey

11 настай Petey

Тэрээр нохойгоо дурсан “Lily бидэнтэй 16 жилийн гайхамшигт амьдралыг туулсан. Энэ хугацаанд нөхөр бид хоёр ийш тийшээ нүүж, буцаж ирж, байшин худалдан авч, хүүхэдтэй болсон. Энэ бүх үеүдэд Lily үргэлж бидний дэргэд байж, бидний амьдралын адал явдлыг хуваалцсан.” гэж өгүүлжээ.

2 настай Violet

9 настай Violet

4

Гоё

2

Харамсалтай

1

Тэнэглэл

0

Ха Ха

0

Хөөрхөн

0

Гайхмаар

0

Бахархмаар

0

Буруу

Баярлалаа!