Дэлхийн хамгийн том мафийн бүлэглэлүүд

Гэмт хэргийн маш олон бүлэглэл байдгаас бид тэдгээрийг төдийлөн сайн мэддэггүй, тэд улс орны үйлдвэрлэлийг гартаа авч, кибер гэмт хэрэг, контрабанд хийж, бүр улс орны эдийн засгийг хүртэл удирдан залж байна.

1. Сицилийн мафи

19-р зуунаас эхлэн Сицилд үйл ажиллагаагаа явуулсаар 20-р зуунд олон улсын хэмжээнд тархсан. Анх байгуулагдахдаа жүржийн тариалангийн талбайтай их хэмжээний газар эзэмшигчдийг танхай этгээдүүдээс хамгаалах зорилготой байсан, тэр танхай этгээдүүд нь өөрсдөө юм.

Ерөнхийдөө рэкетлэх байдлаар ажлаа явуулдаг бүлэг. Төд удалгүй, Коза Ностра үйл ажиллагаагаа өргөжүүлэхээр шийдэж гэмт хэргийн ертөнц руу эргэлт буцалтгүй оржээ. 20-р зуунд Коза Нострагийн үйл ажиллагаа бандитизм төрөл рүүгээ шилжсэн байна.

2. Оросын мафи

Гэмт хэргийн хамгийн аймшигтай бүлэг. ТТГ-ын ахмад агентууд тэдгээрийг “Дэлхийн хамгийн аюултай хүмүүс” гэж тодорхойлдог. Баруунд “Оросын мафи” гэдэг нэр томьёон дор одоогийн Оросын ч бай, хуучин ЗХУ-ын бүрэлдэхүүнд байсан улс орнуудын, түүнчлэн алс дорнодоос цагаачилж ирсэн гэмт хэргийн бүлэглэлийнхнийг хамруулан ойлгодог байна. Зарим нэг нь иерархийг төрүүлэм шивээстэй байх бөгөөд цэрэг дайны үйл ажиллагаанд оролцох, захиалгат аллага гүйцэтгэдэг ажээ.

3. Мексикийн мафи (La eMe)

АНУ-ын Өмнөд эрэг хавийнханы Арийн ахан дүүсийн холбоо буюу гэмт хэргийн бүлэг. Хар тамхины зах зээлд өөрийн гэсэн орон зайтай. Цээжин тус газартаа шивүүлсэн хар гарны шивээсээр энэ мафийнханыг төвөггүй танина.

Мексикийн мафийн эхлэлийг Калифорни мужийн Трайси хотод байрлах Дьюэл шоронд ял эдэлж байсан гудамжны танхай этгээдүүд 50-иад оны үед тавьжээ. Үндэслэгчийн 30 нь Хойд Лос-Анжелаас гаралтай Мексик-Америкийн цус холилдсон Маравилийн бүлэглэлийнхэн байжээ. Тэд өөрсдийгөө Мексикчүүд гэх бөгөөд “зүрхэндээ Бурхан тээж яваа нэгэн” гэж эртний науатль хэлнээс буудаг ажээ.

4. Якуза

Японы гэмт хэргийн бүлэглэл нь Азийн зарим нэг улс орнуудад байхаас гадна барууны орнуудад ч байдаг. Тэдгээрийн үйл ажиллагаагаа явуулж буй байдал, нийгэмшил нь бусад гэмт хэргийн бүлгүүдээс ялгагдах онцлогтой: өөрсдийн гэсэн оффисын барилгатай, тэдгээрийн үйлдлийг хэвлэл мэдээллийн хэрэгслээр ил тод байнга мэдээллэж байдаг.

Мөн бүх биеэр өнгөт шивээстэй байх нь гайхамшигтай санагдах бөгөөд өнгө өнгийн бэхээр гараар шивээсийг хийдэг. Ирезуми гэх энэ шивээсийг хийлгэхэд маш их өвддөг ч өөрийн эр зоригийг баталж байгаа хэрэг болдог ажээ.

5. Хятадын триад

Триад – Хятадын гэмт хэргийн нууц бүлэг. Триадын бүлгийн нэр нь 3-ын тооны ид шидийн нууцад итгэж өгсөн нэр бөгөөд өнөөдрийн байдлаар Тайвань, АНУ болон Хятадууд цагаачилсан улс орнуудад хар тамхины наймаа болон гэмт хэргийн бусад үйл ажиллагаа явуулж байна.

“Триад” – маш их эх оронч үзэлтэй гэмт хэргийн бүлэг. Олон улсын арга хэмжээний үеэр бүлгийн дайчид гадаадын иргэдийн аюулгүй байдлыг хангахад ажилладаг бол, халдварт өвчин дэгдсэн үед уг өвчнийг анагаах эм гаргасан эмчид 1 сая долларын шан харамж хүртэл амлаж байжээ.

6. Тамын сахиусан тэнгэрүүд (АНУ)

Дэлхий дахинд өөрийн гэсэн салбаруудтай дэлхийн хамгийн том мото-клуб юм. Үүнд, Outlaws MC, Pagans MC болон Bandidos MC зэрэг outlaw-клубын “их дөрвөл”-үүд хамгийн нөлөөтэйд тооцогддог.

Хууль сахиулах байгууллага тэдгээрийг “мотоциклтэй гэмт хэрэгтнүүд” гэх бөгөөд хар тамхины наймаа, рэкет, хулгайн эд зүйлсийн наймаа, хүчин, аллага зэрэгт буруутгадаг байна.

Мотоклубын сайтад бичсэнээр, Дэлхийн 2-р дайны үед АНУ-ын нисэх хүчинд “Тамын сахиусан тэнгэрүүд” хэмээх бөмбөгдөгч онгоцны 303-р анги байжээ. Дайн дууссаны дараа тус ангийг тараасан тул нисгэгч нар ажилгүй хоцорчээ. Эх орон нүүрээ бууруулж хувь заяаных нь эрхэнд хаясан тул ажилгүй болсон нисгэгч нар “хэрцгий эх орныхоо эсрэг мотоцикл хөлөглөн босох”-оос өөр арга олдоогүй байна.

7. Mara Salvatrucha

Гэмт хэргийн энэ бүлэг хар тамхи, зэр зэвсэг болон хүний наймаа эрхэлдгээс гадна, дээрэм тонуул, рэкет, захиалгат аллага, хүн барьцаалах, сутенёр, машины хулгай, мөнгө угаах, залилан гээд гэмт хэргийн бүхий л салбарт ажилладаг.

Mara Salvatrucha-гийн газар нутаг дээр гудамжны наймаа, эсвэл жижиг дэлгүүр ажиллуулдаг хүмүүс орлогынхоо 50 хувийг тэдэнд татвар болгон хураалгаж бизнесээ явуулах эрхтэй болдог байна. АНУ-д амьдарч буй сальвадор хүн ямар нэгэн байдлаар татвар, төлөөс төлөхөөс татгалзвал эх орондоо үлдсэн хамаатан садныг нь устгадаг ажээ.

8. Монреалийн Риззуто мафи

Rizzuto – Монреалд байрлах гэмт хэргийн гэр бүл ч Квебек болон Онтарио мужийг захирдаг. Риззутогийн гэр бүлд хэдэн зуун саяар тоологдох үл хөдлөх эд хөрөнгө хэд хэдэн улс оронд байгаагаас гадна зочид буудал, ресторан, бар, шөнийн цэнгээний газрууд, барилга, хүнсний үйлдвэр, үзвэр үйлчилгээ болон худалдааны салбарт үйл ажиллагаа явуулдаг. Италид мебелийн үйлдвэрлэл эрхэлдгээс гадна Италийн тансаг амттаны үйлдвэртэй ажээ.

9. Мунгики (Кени)

Африкын уламжлалт шашныг сэргээхээр гарч ирсэн улс төр-шашин хосолсон бүлэглэлийн үйл ажиллагааг 2002 оноос эхлэн хориглосон. Мау-мау бослогоос эхлэлтэй бөгөөд хоморголон алан хядах ажиллагаа явуулж, цагдаа нартай тэрсэлддэг.

Мунгики өөрсдийгөө уламжлалт “Африкийн бурхан шүтэх арга, соёл, амьдрах ёс”-ыг хамгаалахаар тэмцэж буй шашны бүлэг гэж үздэг. Кени ууландаа залбирч шашны ёсыг гүйцэтгэж тахил өргөдөг ажээ.

7

Тэнэглэл

3

Гайхмаар

3

Ха Ха

3

Гоё

2

Хөөрхөн

1

Бахархмаар

0

Харамсалтай

0

Буруу

Баярлалаа!