Силикон хүүхэлдэйтэй гэрлэсэн залуу

Германы зурагчин Сандра Хоён нийгэм, байгаль, хүний эрхийн сэдвээр зураг авдаг нэгэн. Тэрээр дэлхийн олон оронд ажиллаж байсан ба LensCulture сэтгүүлийн 2014 оны “Хамгийн авьяаслаг уран бүтээлч”-ийн шагналыг хүртжээ. Түүний уран бүтээлүүдээс уламжлалт сэдвүүдийг эвдсэн нэгэн цуврал танилцуулагдсан нь “Jenny’s soul” буюу силикон хүүхэлдэй Женни болон жирийн нэгэн залуу Дирк нарын амьдралыг харуулсан явдал байсан юм. “Түүнтэй холбоо тогтооход туйлын хэцүү байсан. Холбоо тогтоосны дараа Диркийг зургаа авахуулахыг хүсэхгүй байх гэж эмээж байсан юм. Женниг ч гэсэн зургаа авахуулах дургүй байна байх гэж айж байсан” гэж Хоён хэлсэн. Тэдний нөхцөл байдлыг ойлгоход хүмүүст хэцүү байж магадгүй юм. Гэхдээ фото зураг асар их зүйлийг хэлж чадна.

Хоён тэр хоёрын нөхцөл байдлыг “Гэмтэл, ганцаардлаасаа болж зовж байсан Дирк эхлээд Женниг худалдаж авахаар шийдсэн юм. Дирк өмнө нь хоёр ч эмэгтэйтэй дотно харилцаатай байсан ч түүний хайж байсан зүйл нь хань байсан юм. Женни түүний хувьд секс тоглоомоос гадна жинхэнэ хань нь болжээ. Эцэстээ Дирк түүнийг сонсож, түүнтэй ярилцаж, сэтгэлийг нь ойлгож чадахаар тийм дотно болсон” гэж тайлбарласан байна. Тэдний харилцааны үндэс нь Женнигийн түүнд бэлэглэж байгаа аюулгүй байдал ажээ. Тэд хамт амьдраад хэдийнэ 4 жилийг ардаа үдсэн байна.

Хоён мөн “Дирк Женнитэй байхдаа туйлын аз жаргалтай байдаг. Тэр Женнигүйгээр амьдарч чадахгүй” хэмээн тодорхойлжээ. Дирк гадаад ертөнцөөс өөрийгөө бүрмөсөн тусгаарлаагүй ба түүний зарим найз нөхөд нь түүнийг хиймэл хүүхэлдэйтэй амьдардгийг мэддэг. Женниг хүүтэйгээ танилцуулах цаг нь болоогүй гэж үздэг болохоор тэр хоёрыг ер уулзуулдаггүй ажээ. Хоён цааш нь ярихдаа “Дирк надаар зургаа авахуулахыг зөвшөөрсөн ч би айсаар л байлаа. Би түүнтэй хурдан хугацаанд найзууд болж чадсан ч Женнитэй танилцахаас айж байв. Хэрэв Женни нөхөртөө “Наад эмэгтэй чинь надад таалагдахгүй байна” гээд хэлчихвэл бүх зүйл дуусах байсан юм.

Иймэрхүү зүйлийг ойлгоход хэцүү ч уран бүтээлч хүний гярхай нүдээр бол аймшигтай байсан. Би тэр хоёрын хайрыг яг тэр байгаа хэвээр нь хүмүүст хүргэж чадах болов уу гэдэгтээ ч эргэлзэж байсан юм. Гэхдээ санасныг бодвол хурдан хугацаанд би тэдний ертөнцөд дассан. Нэг удаа Дирк Женни нарыг өдөр дуг хийгээд авахаар хэвтэх үед нь би Женниг сэрээхгүйн тулд маш зөөлхөн ярьж байгаагаа мэдээд их гайхсан юм. Тэгээд “Би чинь юу хийгээд байна аа?” гэж өөрөөсөө асуусан билээ. Ингэж л би ертөнцийг Диркийн нүдээр харж эхэлсэн дээ” гэж хэлсэн юм.

Хоён цувралаа хэвлүүлснээс хойш ч гэсэн Дирктэй сайн найзууд хэвээр үлдсэн бөгөөд тэднийг өмөөрдөг болжээ. Хүмүүс зүгээр л тэднийг ойлгохгүй байна гэж боддог болсон байна. Дирк муу юм хийгээгүй шүү дээ. Тэр хэнийг ч гомдоогоогүй. Орчин үед бидний амьдрал олон янз, нэг нэгээсээ ялгаатай байх нь хэвийн л зүйл болсон. Зурагчин маань зураг бүрээрээ тэдний биднээс өөр байгаа байдлыг гарган үзүүлэхийг хичээсэн байна.

1. Женни өөр ертөнцөөс ирсэн миний хань. Түүнд биднийх шиг тархи, мэдрэмж байхгүй ч түүнд асар их энерги байдаг

2. Өмнөх эхнэрүүдтэйгээ би үргэлж л хайрын төлөө тэмцдэг байсан. Харин Женнитэй байхдаа би тайван жаргалтай байдаг

3. Женни үнэхээр эмзэг. Түүнийг өөрчлөхийн аргагүй

4. Женни намайг тайтгаруулдаг. Түүн шиг сайн эмч хорвоо дээр үгүй. Түүний ачаар л миний амьдрал, үзэл бодол, эрх чөлөө, хайр дурлал, түшиг тулгуурын талаарх ойлголт бүрмөсөн өөрчлөгдсөн.

5. Женни ганган хувцаслах дуртай. Гэхдээ түүнд брэнд хамаагүй

6. Женнигийн бие төгс байхаа больжээ. Арьс нь хуулраад эхэлж

7. Би түүнгүйгээр амьдарч чадахгүй ээ. Ганцаардал намайг үгүй хийсэн.

8. Одоо надад өөр эмэгтэй хэрэггүй ээ. Би 2 эмэгтэйг хайрлаж чадахгүй.

9. Худалдаж авснаасаа хойш жилийн дараа тэд гэрлэжээ. Женни нөхрийнхөө бэлэглэсэн зүрхэн хэлбэртэй зүүлтийг хүзүүндээ зүүжээ. Силикон хуруунд нь бөгж таараагүй байна.

10. Дирк түүний хөлөнд тальк цацаж, массаж хийж өгдөг. Ням гаригт усанд оруулсныхаа дараагаар арьсанд нь анхаарал тавин зөөлрүүлж өгдөг ажээ

11. Женни надад аюулгүй байдлыг мэдрүүлдэг. Би түүнгүйгээр амьдрахыг огтхон ч хүсэхгүй байна. Түүний цэвэр ариун байдал, зөөлөн дулаан үгс миний сэтгэлийг хөдөлгөдөг.

12. Женни цонхны наана тэргэнцэр дээр сууж байна.
Женни 50 кг жинтэй учраас гэр дотроо түүнийг тэргэнцрээр зөөдөг байна. Цонхныхоо хөшгийг байнга хаалттай байлгадаг болохоор хөршүүд нь түүнийг хүүхэлдэйтэй амьдардгийг мэдэхгүй. “Женниг дагуулаад гадуур гарч болохгүй нь харамсалтай”.

13. Дирк эхнэртэйгээ амарч байна. Тэд өдрийн цагаар дуг хийдэг.

2

Харамсалтай

1

Тэнэглэл

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Буруу

Баярлалаа!