Эрчүүдэд зориулсан загварын зөвлөгөөнүүд

1. Нарийн зангиа

Нарийн зангианы үе эргэн ирсэн бөгөөд загварын ертөнцийг орхих болоогүй байна.

2. Бугуйн цаг

Barney’s & Nixon-ны дизайнаар бүтээсэн нисэх хүчнийхний загвартай бугуйн цагаар гангараарай. Өөр загварын болон өнгө өнгийн цагаар цагны шургуулгаа баяжуулахад та алдахгүй.

3. Нусны алчуур

Mad Men цувралын нөлөө биз. Халаасандаа нусны алчуур цухуйлгах нь цаг үеэ олоогүй ч сүүлийн үед маш их алдаршиж байгаа юм. Гэхдээ, сайхан л харагдаж байна.

4. Арьсан цүнх

Бүсгүйчүүд хээнцэр цүнх, хүүхдүүд үүргэвч үүрээд гангараад байхад эрчүүд яагаад ганцхан түрийвч төдийхнөөр хязгаарлагдах ёстой гэж. Хэдэн карт, багахан бэлэн мөнгөнөөс өөр авч явах зүйл байгаа бол арьсан цүнхээр гангараарай, The Leather Nomad-ийн арьсан цүнх танд тохирно.

5. Мөрөвч/татуурга

Татуурган мөрөвч нас тогтсон эрчүүдэд болон Steve Urkel-д л зориулсан эд гэж бодож байгаа бол эргээд та нэг бод доо. Өнөөдрийн гангаарааны жагсаалтын дээгүүр бичигдэж байгаа загварын ертөнцөд эргэн ирсэн хуучны хэрэгсэл юм.

6. Түрийвч

Та түрийвчиндээ элдэв зүйл чихээд байдаггүй байх. Төлбөрийн карт, үнэмлэх, бас бус бэлэн мөнгө, зураг. Энгийн арьсан түрийвч хэрэглэх нь өнөөдрийн моод болоод байна.

7. Шүхэр

Борооны улирлын үеэр сонгодог загварын даруухан өнгөтэй шүхрээр гангараарай. Шүхэр ганган залуу харагдуулахаас гадна таныг хуурай байлгана. Тансаг эдлэл бөгөөд таныг ажлаа урьдчилан төлөвлөж боддог гэдгийг харуулах эд дээ.

8. Нүдний шил

Та 2 дугаар ангид байхдаа шил зүүдэг байсан бөгөөд ангийн хүүхдүүд чинь шоглоод амар заяа үзүүлдэггүй байсан уу? Одоо тэгвэл ичиж зовох хэрэггүй болжээ. Нүдний шил гангарааны нэг хэрэгсэл болоод байна. Бага байхад таныг шоглодог байсан нүдний шил зүүдэггүй байсан хүүхэд хүртэл өнөөдөр шил зүүж байна.

9. Түлхүүрийн оосор

Гэрийн түлхүүр, ажлын, ширээний түлхүүрээ нэг юманд авч явсан дээр биз дээ? Арьсан түлхүүрийн оосор хэрэгцээг хангана бас өнөөдрийн гангараа болоод байна.

10. Гутал

Том загварын гутал эргэж ирлээ. Ковбой, цэрэг эсвэл Steampunk-ийн нөлөө ч юм уу, сайн мэдэхгүй юм, ямар ч байсан энэ гутлын загвар эргэж ирсэнд олон хүн баяртай байна.

11. Ороолт

Ороолтыг хүйтнийг улиралд зүүдэг. Таныг дулаацуулж тухтай байлгадаг, гэхдээ ороолтыг нартай өдөр ч зүүж болох гангарааны хэрэгсэл мөн. Хөнгөн, даавуун ороолтыг дулааны улиралд, харин зузааныг нь хүйтний улиралд тохируулаад зүүгээрэй.

12. Техникийн/таблетын гэр

Эр хүн өөрийн үнэт эдлэлээ хамгаалах ёстой. Таны iPad бол таны үнэт эдлэл, тэгэхээр үүнийгээ гоё гангараагаар хамгаалаарай. Арьсан гэр яг тохирно.

13. Бүс

Гутландаа тохирсон хар өнгийн бүс зүүх нь цаг үеэ өнгөрөөжээ. Хэлбэр загвар, материал зэргийг голчилж гангалдаг болсон байна шүү.

14. Малгай

Малгай загварын ертөнцийг хэзээ ч орхидоггүй. Өөрийн хувцасны шүүгээнд хэрхэн ханддаг хандлагыг та өөрийн өмссөн малгайгаараа илэрхийлэх болно. Өмссөн ч болно, толгойноосоо авсан ч болно.

15. Хантааз

Энгийн мөртлөө загварлаг харагдахыг хүсч байвал хантааз өмсөөрэй. Өдөр тутмын хантаазнаас сонгодог хэлбэрийн хантааз гээд сонголт өргөн.

14

Тэнэглэл

4

Гоё

4

Ха Ха

3

Харамсалтай

3

Гайхмаар

2

Буруу

2

Хөөрхөн

1

Бахархмаар

Баярлалаа!