Гэмт хэргийн ертөнцтэй холбоотой шилдэг таван шивээс

Mara Salvatrucha буюу MS, Mara, MS-13 гэх зэргээр нэрлэгддэг гэмт хэргийн бүлэглэл нь 1980-аад оны үед Лос-Анжелес хотод үйл ажиллагаагаа явуулж эхэлсэн. MS нь АНУ, Төв Америкт гайхмаар хурднаар тархаж, хэдэн мянган гишүүнтэй болсон байна. Энэхүү бүлэглэл нь өөрсдөд нь үл захирагдсан өрсөлдөгч дээрэмчид болон гишүүдийг мөчлөн хуваасан байдлаар хороодог харгис хэрцгий үйл ажиллагаа явуулдаг байжээ. Тус бүлгийн зорилго нь гэмт хэргийн ертөнцийн хамгийн зохион байгуулалттай мафийг давж гарах байсан байна. Төв Америкийн цагаачдын тусгаарлагдмал сууринд ажилладаг байсан Mara Salvatrucha бүлэглэл нь хууль хүчний байгууллагынхнаас хялбархан бултаж чаддаг байсан юм. Mara Salvatrucha-гийн гишүүд маш их шивээстэй бөгөөд ихэвчлэн “MS”, “13”, “Salvatrucha”, “Devil Horns” гэсэн үгсийг мөн бүлгийнхээ нэрийг шивүүлсэн байдаг байна.

Оросын гэмт хэргийн шивээснүүдийг тухайн шивээсний эзний талаар нилээд дэлгэрэнгүй мэдээллийг өгөх билэгдлийн цогц систем гэж хэлж болно. Зөвхөн шивээсний харагдах байдлаараа төдийгүй биеийн хаана хийгдсэн зэргээрээ тодорхой утга агуулгыг хадгалж байдаг байна. Дээрэмчдийн бүлгийн шинэхэн гишүүний шивээс голчлон цээжин дээр нь байрлахаас гадна ганц сарнайны зураг дүрслэгдсэн байх нь бий. Цээжин дээрх ганц сарнай нь оросын мафиудын дунд хэрэглэгддэг. Оросын шоронгуудад хийгдсэн шивээс нь тод хөх өнгөөр хийгдсэн байх ба ихэвчлэн үл ялиг бүрэлзсэн, балархай байдалтай харагддаг нь нарийн сайхан зураас зурах багаж хэрэгсэл хомсдолтой байдгаас тэр гэнэ. Мөн сайн дураараа хийлгэсэн шивээс нь тухайн хүнийг гэмт хэргийн ертөнцөд шийтгэх, шившиглэх шалтгаан болдог байна.

Бүхий л биеийг хамарсан өргөн хэмжээний шивээсийг гол төлөв якуза нар хийлгэдэг. Энэхүү уламжлалт шивээсийг японд Irezumi хэмээн нэрлэдэг бөгөөд хэмжээ болон нягт нямбай хийгдсэн байдал зэрэг нь тухайн хүний гишүүнчлэлийг харуулаад зогсохгүй өвдөлтийг даах чадварыг харуулдаг байна. Якуза нарын шивээс нь зан үйл эсвэл эрх мэдлийг харуулах зорилготойгоор хийгдэхийн оронд гэмт хэргийн ертөнцөд орж ирсэн байдал болон ял шийтгэлийг харуулдаг ажээ. Шивээс хийх явдал нь 1945 онд булаан эзлэлтийн хүчээр хуульчлагдсан ч гэмт хэргийн дүрслэл болон өнөөг хүртэл хадгалагдаж иржээ. Олон жилийн туршид японы уламжлалт шивээс нь якуза болон бизнесийн янз бүрийн салбартай холбогдож ирсэн жишээнээс дурдвал нийтийн халуун ус, фитнес төвүүд, халуун рашаан зэрэгт одоо ч шивээстэй хүмүүсийг орохыг хориглодог байна.

Triad гэдэг бол хятадын нууц байгууллагыг нэрлэдэг барууны нэршил бөгөөд тэнгэр, газар, хүн гурвын зохицлыг илэрхийлдэг гурвалжинтай холбоотой учир ийн нэрлэжээ. Triad-ууд бол Гонконг, Макао, эх газрын хятад, Малайз, Сингапур, Тайвань, АНУ, Канад зэрэг дэлхийн улс орнуудад суурилсан хятадын гэмт хэргийн байгууллагуудын олон арван салбар хэсгүүд юм. Triad-ууд Чин гүрний үеэс эхлэн бахархалтайгаар шивээс хийлгэх болсон ба шивээс нь голдуу биеийн ихэнх хэсгийг бүрсэн, луу, галт шувуу гэх мэт домгийн амьтад, хятад баатруудын дүрсийг нягт нямбай дүрсэлсэн байдалтай байдаг байна.

A.C.A.B. гэсэн үг нь Нэгдсэн вант улсад голдуу шоронгийн шивээс гэсэн утгатай холбогдсон үгсийн товчлол юм. Энэхүү шивээс нь хуруу бүрийн эхний үеийн дунд бичигдсэн ганц үсэг, зарим тохиолдолд билэгдлийн чанартай жижиг цэг болон түүнтэй дагалдах ямар нэгэн үсэгнүүд эсвэл үсэггүй байдлаар түгээмэл байдаг. Мөн Нэгдсэн вант улсын шоронгийн системтэй холбоотой байж болох үгнүүдийг хурууны үен дээрээ шивсэн байх ч энэ нь ихэвчлэн буруу байдгаас гадна гэрийн нөхцөлд хөвөн, зүү, энэтхэг бэх ашиглан хийсэн байдаг. Шорон гяндангийн олонх шивээсний загвар нь залуу насны соёл урлагаас зээлдсэн санаатай байдаг бөгөөд өөрийн дээрэмчдийн баг бүлгийнхэнд шоронд явахад бэлэн байгаагаа харуулах батламж болохоос гадна өөрийгөө хэр зэрэг хатуу чанга нэгэн гэдгээ харуулсан илэрхийлэл байдаг байна. A.C.A.B. гэсэн товчлол нь All Coppers Are Bastards эсвэл Always Carry A Bible гэсэн үгсийг төлөөлдөг ч ихэвчлэн All Coppers Are Bastards гэсэн үгийн товчлол байдлаар хэрэглэгддэг ажээ.

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!