Энэ оны хамгийн анхны дрифт шоу 2015 оны 4 сарын 25-ны өдөр амжилттай зохион байгуулагдлаа. Аюулгүй байдлыг дээд зэргээр хангаж, зохион байгуулалтын өндөр түвшинд болсон энэ удаагийн ”VIP Drift Show 2015” тэмцээнд 10 гаран клубын 30 гаруй тамирчин хурд хүч, авъяас чадвараа сорьсон юм. Ингээд тэмцээнд оролцогчдоос хурд хүч, авхаалж самбаа, ур чадвараараа Монголын “Drift king” Авто спортын мастер Д.Зоригтсайхан тэргүүлсэн бол хоёрдугаар байрт “DriftWorks” клубын тамирчин Д.Азбаяр, гуравдугаар байрт “DriftWorks” клубын тамирчин Ч.Билэгсайхан, тусгай байранд “V6” клубын Авто спортын мастер О.Ууганхүү шалгарсан юм.
Тэмцээний нийт шагналын сан 10,000,000₮ байсан ба нэгдүгээр байрт орсон тамирчин 1,000,000 төгрөг медаль цом өргөмжлөл ивээн тэтгэгчийн шагнал, хоёр дугаар байрт орсон тамирчинд 600 000₮ цом, медаль өргөмлөл ивээн тэтгэгчдийн шагнал, гуравдугаар байрт орсон тамирчинг 400 000₮ цом, медаль, өргөмжлөл, ивээн тэтгэгчдийн шагнал тусгай байрт орсон тамирчин өргөмжлөл ивээн тэтгэгчдийн шагнал зэрэг шагналуудаар шагнагдсан юм.
Энэ жилийн тэмцээний цар хүрээ өргөн байсан бөгөөд дрифтийн тэмцээнээс гадна VIP TUNING буюу авто тоноглолын шоу, RC удирдлагатай машины үзүүлбэр болон мото спортын мастерууд, Чопперчдийн үзүүлбэр, Төрийн дуулал эгшиглүүлэн нээлтэй хийж загварын үзэсгэлэнт охидууд тэмцээний гарааг хийсэн нь онцлог содон байлаа. Бүх тамирчид зориулалтын хувцас, каск, хувийн дугаартай орж байгаараа онцлог бөгөөд цаашид энэ шаардлага бүх тэмцээн дээр тавигдана.
Тэмцээний зохион байгуулалт аюулгүй байдлыг дээд зэргээр хамгаалан ажилласан ба Улаанбаатар хотын цагдаагийн газар, Нийслэлийн Замын Цагдаагийн газар, ОБЕГазар, УБ Нэгтгэл зэрэг байгууллагууд хамтран ажиллаж аюулгүй байдалд хяналт тавин ажиллалаа.
Монголын Мэргэжлийн Спорт Автомашины Холбооны дэргэдэх “VIP AUTO CLUB”-ын 4 дэх жилдээ зохион байгуулж буй дрифтийн тэмцээний үзэгч ихтэй, уйдахааргүй, шинэлэг содон соргог болсон тэмцээний гэрэл зургуудаас хүргэе. Мөн үзэхээр ирсэн үзэгч бүрт ивээн тэтгэгч байгууллагуудын бэлэгтэй байсан бөгөөд хамтран зохион байгуулсан, биднийг дэмжиж ивээн тэтгэн ажилласан бүх албан байгууллага, хувь хүмүүс та бүхэндээ баярлалаа.
Зохион байгуулагч: VIP AUTO CLUB, Auto Vynil
Ерөнхий ивээн тэтгэгч: Залуусыг дэмжигч Скайтел групп
Ивээн тэтгэгч: Монро Даатгал, VIP Car wash
Дэмжигч байгууллагууд: ММСАМХолбоо, Hobby Center, Аrdeca Lubricants, Undral Tuning
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
