Дэлхийн алдартай сонгодог урлагийн бүтээлүүд, улс орон бүрийн тус тусын хосгүй гайхамшигт бүтээлүүд нэг л мэдэхэд аль нэг музейн буланд хананд өлгөгдөж хэний ч анхаарлыг татаж чадалгүй мартагдсаар л байна. Энэ бүхнийг хараад зүгээр сууж чадалгүй Францын зураач, кино найруулагч Julien-де-Casabianca сонгодог урлагийн бүтээлүүдийг гудамжны урлагтай хослуулсан өвөрмөц шинэ санаагаа хэрэгжүүлжээ.
Тэрээр, урлагийн бүтээлүүдийг хүн бүхэн сайн мэдэж байх ёстой, хэн ч хэзээ ч тэдгээр гайхамшигт бүтээлүүдийг мартаж болох ёсгүй, соёл уламжлалын тэдгээр сод бүтээлүүдийг хүмүүс өдөр бүр харж, мэдэрч байх нь зүйтэй гэсэн зарчмын үүднээс дэлхийн олон мянган уран бүтээлчдийг уриалсан байна. Түүний санаачлан хэрэгжүүлсэн төсөл өдгөө дэлхийн уран бүтээлчдийн мэлмий сонорт хүрч төслийг сайн дураараа дэмжигчид ч түүнээс дутуугүй нэмэгдсээр байгаа ажээ.