Сайн илтгэгч болох хялбархан 5 арга

Нийтлэгч: Жаргал

Огноо: 2015/02/02

Total38
38

Олон нийтийг хамарсан үйл явдал дээр үг хэлнэ гэдэг таны хувьд мэргэжилтний хэмжээнд хүртэл байр сууриа өсгөх, бизнесийнхээ пи-арыг бий болгох гайхалтай арга юм. Гэвч гайхалтай илтгэгч болно гэдэг шинжлэх ухаан бус урлаг билээ. Энэхүү урлагийг хэрхэн эзэмших билээ хэмээн санааширч суугаа эрхэм уншигч танд шилдэг илтгэгч болоход тус болох 5 хялбархан зөвлөгөөг хүргэж байна.

1. Контентыг биш концепцийг тогтоо

Магадгүй та өө сэвгүйгээр үг хэлэх хамгийн шилдэг арга нь контентыг үг үгээр нь цээжлэх гэж бодож байж болох юм. Гэвч ингэж хичээх нь илтгэгчдийн хувьд олон асуудлыг үүсгэж мэднэ. Ерөнхий төсөөлөлгүйгээр хий хоосон цээжилсэн зүйл олон хүний дунд, жинхэнэ нөхцөлд оргүй мартагдах нь бий. Тиймээс утга агуулгыг цээжлэхийн оронд ерөнхий төсөөлөлд анхаарлаа хандуулж, тодорхой мэдээлэл, түлхүүр зүйлсийг өөрийн болгоод дараа нь түүнийг өөрийнхөөрөө ярь.

2. Илтгэлийн өмнө сонсогчдын төлөөлөл гишүүдтэй ярилц

Үг хэлэхийнхээ өмнө хүмүүстэй уулзах нь хэд хэдэн үр ашигтай. Юуны түрүүнд та тэднийг халааж өгнө. Хоёрдугаарт, танд тэдний хошин шогийн мэдрэмжийг үнэлэх боломж олдоно. Эцэст нь танд илтгэлдээ нэгтгэж болох ойлголтуудыг олж авах боломж бүрдэнэ.

3. Харааны дүрслэл болон сонсголоо сайжруул

Хэрвээ та илтгэлийн үеэр слайд ашиглах бол түүнийгээ санаанд оромгүй байдлаар ашигла. Богино хөгжилтэй видео эсвэл хошигнол агуулсан зураг ашигла. Шилдэг илтгэгч нар слайд ашиглахдаа түүнээс шууд уншихгүй байхыг мэддэг.

4. Нервээ амраахын тулд сэтгэлгээгээ эргүүл

Хамгийн туршлагатай илтгэгч нар ч илтгэлийн өмнө нервтдэг. Дарамтнаас ангижрах хамгийн үр дүнтэй арга бол өөрийн сэтгэлгээгээ өөрчилж, өөрийн хэлэх үг эсвэл өөрийнхөө тухай бодохоосоо илүү сонсогчдынхоо тухай бод. Үнэ цэнэтэй мэдээллийг сонсогчдод хүргэх, тэдний орхигдуулсан нэг эсвэл хоёр зүйл, дурдатгал, шинэ төсөөллийг нь сэргээж хүргэх, тэдэнд тустай зүйлийг мэдээлэхэд анхаарах хэрэгтэй.

5. Харилцан бие биедээ нөлөөл

Сайн илтгэгч сонсогчдын оролцоог шинэ түвшинд аваачдаг. Илтгэлийнхээ үеэр сонсогчидтой харилцаа үүсгэж, тохиромжтой үед яриагаа зогсоон тэднээс асуулт асуух, тэдэнтэй ярилцаж чаддаг байх хэрэгтэй.