Нисэх онгоц нь тийрэлтэт хөдөлгүүр эсвэл сэнсээр урагш түлхэгдэн хөдөлдөг хөдөлгөөнгүй далавч бүхий нисэх хэрэгсэл юм. Сүүлийн жилүүдэд нисэх онгоцн үйлдвэрлэгч олон компаниуд гайхалтай загварлаг тийрэлтэт онгоцнуудыг бүтээж байна. Тэдгээр гайхалтай нисэх онгоцнууд нь технологийн гайхамшгууд юм. Доорх 10 гайхмаар нисдэг механизмууд нь 2014 онд танилцуулагджээ.
10. Pilatus PC-24
Сэнсэн хөдөлгүүрт нисэх онгоц үйлдвэрлэх олон арван жилийн туршлагатай Швейцарийн Pilatus Aircraft компаний энэ онгоц нь тус компаний анхны тийрэлтэт хөдөлгүүрт нисэх онгоц юм. Уг онгоцны дээд хурд 787 км/цаг хүрнэ.
9. HondaJet
Автомашин үйлдвэрлэлийн ертөнцөд алдартай Японы Honda компаний бүтээл энэ онгоц нь хөнгөн, бат бөх карбон фибер нийлмэл бүтэцтэй их бие, далавчны цаана хөдөлгүүр суурилуулагдсан зэрэг шинэлэг давуу талуудтай.
8. Gulfstream G600
Агаарын хөлөг үйлдвэрлэгч алдарт Gulfstream Aerospace компаний энэхүү нисэх онгоц нь том цонхнууд, тохилог суудлуудтай. Мөн сайжруулсан дэвшилтэт харилцаа холбооны систем зэрэг олон эерэг давуу талуудыг агуулжээ.
7. Bombardier Global 6000
2014 онд Канадын Bombardier компани тансаг зэрэглэлийн хувийн тийрэлтэт онгоцоо танилцуулсан. 19 хүртэл тооны зорчигчдыг тээвэрлэх энэ онгоц 15,000 метр өндөрт хөөрч, 950 км/цаг хүртэл хурдална.
6. Cessna Citation X
Агаарын хөлөг үйлдвэрлэлийн салбартаа алдартай Америкийн Cessna компаний тэргүүлэх зэргийн хувийн зах зээлд зориулан гаргасан энэ онгоц нь дэлхийн хамгийн хурдан иргэний агаарын тээврийн хөлөг бөгөөд 990 км/цаг хүртэл хурдалж, 15,000 метр өндөрт хөөрнө.
5. Piaggio Avanti EVO
Италийн Piaggio Aero компани 2014 онд Avanti II-ынхоо шинэ хувилбар хос сэнсэн хөдөлгүүрт Avanti EVO хөлгөө танилцуулсан. 740 км/цаг хүртэл хурдлах энэ агаарын хөлөг 9 хүртэл тооны зорчигч тээвэрлэнэ.
4. Dassault Falcon 8X
Францын агаарын тээврийн хөлөг үйлдвэрлэгч Dassault компани Швейцарийн Женев хотноо болсон нэгэн үйл явдлын үеэр шинэ тэргүүн зэргийн бүтээгдэхүүнээ танилцуулсан нь Falcon 8X байв. Энэхүү тийрэлтэт онгоц нь том кабин, 32 том цонхтой.
3. Ixion
Technicon Design-ы энэхүү цонхгүй нисэх онгоц асар том дэлгэцээрээ дамжуулан зорчигчиддоо 360 хэмийн панорам дүрсийг харуулдаг. Онгоцны их биеийн гадна тал дахь камернууд энэ боломжийг олгодог. Камернуудад буусан тухайн үеийн бодит бичлэг дэлгэцэн дээр харагддаг байна.
2. Lockheed Martin N+2 Supersonic Jet
Арилжааны дуунаас хурдан онгоц бүтээхээр ажиллаж байгаа Lockheed Martin компани 2014 онд амласан төслөө танилцуулсан нь N+2 байв. Зарим мэргэжилтнүүд дуунаас хурдан онгоц бүрэн ажиллагаатай болох хүртэл ахиад хэдэн жил байгаа гэж үзэж байгаа. Гэхдээ тус компани үүнийг боломжтой болгохын тулд НАСА зэрэг байгууллагуудтай хамтран ажиллаж байна.
1. Spike Aerospace S-512 Supersonic Jet
Бостоны Spike Aerospace компани нь анхны дуунаас хурдан бизнесийн тийрэлтэт онгоцоо танилцуулсан. Зорчигчдод зориулсан цонхгүй ч гадаах камернууд нь онгоцны их биеийн дотор тал дахь матигар дэлгэцэнд гадаах дүрсийг шууд дамжуулдаг. Компаний мэдэгдэж байгаагаар энэ онгоц нь зав чөлөөгүй бизнесмэнүүдэд Нью Йоркоос Лондон хүртэл ердөө 3-хан цаг нисэх боломжийг олгох гэнэ.
гайхалтай
2019/05/13 at 17:15
бүгд л гайхалтай юмаа
ZOCHIN
2021/01/30 at 13:33
1,2 chin uildverlegdeegui ongots shdee. bas 3 aas busad ni ihenh ni 1990- 2000 onii ongotsnud bn ahhahaha