Өнөөгийн эдийн засгийн нөхцөлд өөрт тохирсон бөгөөд өндөр цалинтай ажил олох явдал маш хэцүү болсон. 2012 оны 5-р сард АНУ-ын хөдөлмөрийн статистикын товчооны мэдээлснээр дундаж ажлын жилийн цалин 45,790 доллар байсан. Мөн өндөр цалинтай ажлууд нь хууль, анагаах гэх мэт чиглэлээр өндөр боловсролтой байхыг шаардаж байна гэжээ. Гэхдээ үүнд гутрах хэрэггүй аж. АНУ-д мэдлэг чадвар, туршлага шаардахгүй хэрнээ 6 оронтой тоогоор цалинжих боломжтой цөөн хэдэн ажлын байрнууд байдаг юм байна. Эдгээр ажлууд юу болохыг мэдсэн тохиолдолд энэ ажлын байрнуудыг л олох хэрэгтэй болох ажээ.
1. Хувийн худалдан авагч
Forbes сэтгүүлийн зүгээс мэдээлснээр хоол хүнс, хувцас хунар цуглуулах ажилд цаг зарцуулахыг хүсэхгүй байгаа үйлчлүүлэгчийн өмнөөс дэлгүүр хэсэж, худалдан авалт хийдэг хувийн худалдан авагч нь 100,000 долларын цалин авдаг гэнэ.
2. Шүүхийн бичээч
Өндөр цалинтай шүүгч, хууль нарын ард бас нэгэн өндөр цалинтай хүн байдаг нь шүүхийн бичээч нар юм. Тэд шүүхийн танхимд болж байгаа бүхий л үйл явдлыг бичээд л бараг шүүгч нартай адил цалин авдаг аж. Тэд чамбай, хурдан шуурхай байсныхаа хөлсөнд 100,000 доллар авдаг. Мэдээж энэ ажлыг хийхэд шаргуу дадлага сургууль хэрэгтэй ч мөнгө гэдэг үнэ цэнэтэй зүйл шүү дээ.
3. Цонх угаагч
Та аймхай бас зуны халуун наранд удаан ажиллаж чаддаггүй бол энэ ажлыг сонирхоод ч хэрэггүй. Гэхдээ оффисын барилгууд, том худалдааны төвүүдийн аварга том цонхнуудыг угаадаг хүмүүс жилдээ 125,000 доллар олдог.
4. Ачааны машины жолооч
Ачааны машины жолооч нар олон цагаар том гэгчийн ачааны машин жолоодож, ачаа барааг хүргэх ёстой газарт нь хүргэснийхээ хөлсөнд чамгүй сайн цалин авдаг юм байна.
5. Дарсаар үйлчилдэг ахлах зөөгч
Тансаг зоогийн газарт хоол идэж байгаа хүмүүст идэж байгаа хоолтой нь төгс зохицох дарсыг санал болгодог дэгжин хувцастай зөөгч нар жилдээ 160,000 долларын цалин авдаг. Гэхдээ үүний тулд та дарсны талаар өргөн мэдлэг болон сертификатуудтай байх ёстой.
L
2014/11/28 at 15:03
Дарсаар үйлчилдэг ахлах зөөгчийг SOMMELIER гэдэг