30 секундэд гүн нойрсох 10 энгийн арга

Хүний бүхий л амьдралын 1/3-ийг эзэлдэг нойр хэмээгч зүйл зарим хүний хувьд тун ярвигтай зүйл байдаг. Дэрэн дээр толгой тавив уу үгүй юу гүн нойронд автдаг нэгэн байхад хэвтсэнээсээ хойш хэдэн арван минут бүр хэдэн цагаар орондоо хөрвөөх нэгэн ч байх. Тэдгээр нойронд муу хүмүүст зориулсан маш богино хугацаанд зүүд нойрны ертөнцөд аялах энгийн аргуудыг хүргэж байна. Туршаад цаашлаад хэвшүүлээд авахад илүүдэхгүй зөвлөгөөнүүд учир анхаарал тавин уншаарай.

1. Орондоо орохоос өмнө ном унш

Хамгийн шилдэг бөгөөд хамгийн алдартай нойрсох аргуудын нэг бол гэрлээ бүдгэрүүлж, тухтай байрлал аваад ном унших юм. Гэхдээ унших номоо анхааралтай сонгох хэрэгтэй. Цахилгаан төхөөрөмжүүдээс өөрийгөө холдуулж, ном унших нь таны оюун санааг тайвширлын байдалд шилжүүлдэг.

2. Нойрсох цагийг тогтоо

Орой бүр тогтмол цагт орондоо орж занш. Энэ нь бие организмын хувьд төдийгүй сэтгэл зүйн ач холбогдолтой. Унтах тодорхой цагийг тогтоох нь оюун ухаанд тухайн цаг болох үед амрах цаг болсныг сануулах дохио болдог. Мөн тогтмол цагт унтах нь серотонин болон мелатонины түвшинг тохируулахад тархинд туслахын зэрэгцээ таны хоногийн ритмийг тэнцвэржүүлэхэд тусалдаг. Товчхондоо та хэдхэн секундын хугацаанд унтахыг хүсэж байгаа бол унтах цагаа тогтмол болгох хэрэгтэй.

3. Эрүүл хоолло

Жимс хүнсний ногооны хэрэглээгээ нэмэгдүүлэх нь таны биед хэрэгтэй магни, кали болон бусад хэрэгцээт эрдсүүдийн хэмжээг нэмэгдүүлснээр сайн нойр авахад тусалдаг.

4. Унтлагын өрөөгөө сэрүүн байлга

Унтлагын өрөө хэт хүйтэн биш ч сэрүүн байх нь хурдан нойрсоход тустай. Олон жилийн эрдэм шинжилгээний судалгаагаар унтахад биеийн температур гол нөлөө үзүүлдэг болохыг тогтоосон. Тодруулбал биеийн температур аажим буурах үед хүний нойр хүрдэг. Мөн сэрүүн орчныг тогтвортой байлгах нь чухал. Биеийн температур унах нь яг л халуун ваннаас гараад ирэхэд нойр хүрдэгтэй адил юм.

5. Унтахын өмнө йог хий

Аажим удаан хөдөлгөөнтэй, зөв амьсгалын хэмнэлтэйгээр хийсэн йог нь биед тайвширсан мэдрэмжийг өгч, шөнө унтах үеэр биед үүсэх хөндүүр зэргийг арилгахад тусалдаг.

6. Бясалга

Бие махбодь болоод сэтгэлзүйн тайвширлыг авчрах бясалгал нь оюун санааг тайвшруулж, амьсгалыг тогтворжуулснаар сайн унтаж амрах нөхцлийг үүсгэдэг.

7. Халуун бүлээн сүү уу

Сэтгэлзүйчдийн үзэж байгаагаар унтахын өмнө халуун сүү уух нь хөхөөр хооллодог байсан нярай хүүхэд насны мэдрэмжийг сэргээж, таатай санагддаг учир унтахад тустай гэнэ. Мөн орой халуун бүлээн сүү уух нь өглөөг илүү сэргэлэн цовоо угтахад тусалдаг.

8. Кофейн агуулсан бүтээгдэхүүнээс татгалз

Цай, кофе, шоколад гэх мэт бүх төрлийн кофейн агуулсан бүтээгдэхүүнүүдээс татгалзах нь таныг хурдан бөгөөд тайван унтаж амрахад тусална.

9. Цахилгаан хэрэгслүүдээ унтраа

Орчин үеийн хүмүүсийн хамгийн том бөгөөд хамгийн сайн унтах арга нь бүх цахилгаан хэрэгслүүдээ унтрааж, өөрөөсөө холдуулах юм. Цахилгаан хэрэгслүүдийн хөх гэрэлнүүд нь тархины тайван унтаж амрах чадварт саад болдог байна. Зөөврийн компьютер, гар утас, таблет зэргээ орондоо орохоос цагийн өмнө унтраах хэрэгтэй. Ингэх нь танд бат бөх, сайн унтаж амрах боломжийг олгоно.

10. Гэрэл нэвтрэхгүй бараан хөшиг сонго

Бараан өнгийн, гэрэл нэвтрүүлэхгүй хөшиг сонгох нь унтлагын өрөөндөө цаашлаад сайн нойрсолтондоо хөрөнгө оруулж байгаа хэрэг юм. Гудамжны гэрэл, замаар хөлхөх машины гэрэл, хөрш байшингийн цонхны гэрэлнүүд гээд олон төрлийн гэрэлнүүд биднийг тайван унтаж амрахад саад болдог.

25

Гоё

10

Ха Ха

7

Бахархмаар

5

Буруу

5

Хөөрхөн

5

Тэнэглэл

3

Гайхмаар

1

Харамсалтай

Баярлалаа!