Түүхэнд үлдсэн суутнуудаас дутахааргүй хэмжээний өндөр IQ-тай 10 алдартан

Хүний сэтгэн бодох чадварыг хэрхэн хэмжих, оюун ухаан гэдэг нэг зүйл үү эсвэл олон зүйл үү гэх мэт олон хачирхалтай сэдвүүдээр маргаан өрнөдөг ч одоогийн байдлаар хүн төрөлхтөн нэг л хэмжүүрээр сэтгэлгээний хурдыг хэмжиж буй нь IQ үнэлгээ билээ. Манай сайт уншигч танд суутнуудтай ижил түвшний оюуны чадамжтай алдартнуудыг танилцуулж байна.

1. Matt Damon: IQ – 160

Харвардын их сургуульд Английн утга зохиол судлаачийн мэргэжлээр суралцаж байсан жүжигчин Matt Damon сургуулиа дүүргэхэд хэдхэн хичээл дутуу байсан ч урлагийн замналыг сонгож байсан түүхтэй. Тэрээр онолын физикч асан Stephen Hawking-тай оюуны чадамж тэнцүү ажээ.

2. Quentin Tarantino: IQ – 160

“Pulp Fiction”, “Reserve Dogs” зэрэг олон гайхалтай бүтээлүүдийг найруулсан Quentin Tarantino-ын оюуны чадамжийн үнэлгээ 160 аж.

3. Kate Beckinsale: IQ – 152

“Pearl Harbor”, “Click” зэрэг бүтээлүүдэд дүрээ мөнхөлсөн жүжигчин бүсгүй нэгэн цагт Оксфордын их сургуульд Орчин цагийн хэл шинжээч мэргэжлээр суралцаж байсан бөгөөд түүний оюуны чадамжийн үнэлгээ 152 ажээ.

4. Sylvester Stallone: ​​IQ – 160

“Rocky” киногоороо бидний танил болсон жүжигчин Sylvester Stallone-ийн оюуны чадамжийн үнэлгээ 160. Дэлхийн нийт хүн амын ердөө 0.1 хувь л энэ хэмжээний оюуны чадамжтай гэх судалгаа байдаг.

5. Conan O’Brien: IQ – 160

Зохиолч, комедиан, хөтлөгч, продюсер Conan O’Brien 1985 онд Харвардын их сургуулийг түүхч, уран зохиолч мэргэжлээр дүүргэжээ. Түүний оюуны чадамжийн оноо 160 юм.

6. Mayim Bialik: IQ – 150-163

“The Big Bang Theory” цувралд нейробиологич Amy Farrah Fowler-ын дүрийг бүтээсэн жүжигчин бүсгүй бодит амьдрал дээр ч нейро шинжлэх ухааны профессор зэрэгтэй бөгөөд англи, еврей хэлээр чөлөөтэй ярихын зэрэгцээ төгөлдөр хуур, гитар, бүрээ гэх мэт олон хөгжмийн зэмсгээр чадварлаг тоглодог.

7. Ashton Kutcher: IQ – 161

“That ’70s Show” цувралын гол дүрээрээ алдаршсан жүжигчин Ashton Kutcher-ийн оюуны чадамжийн үнэлгээ 161 ажээ. Урлагийн замналаас гадна тэрээр хүмүүнлэгийн үйлд тогтмол оролцдог бөгөөд Uber, Spotify зэрэг компаниудыг байгуулагдахад хөрөнгө оруулж байсан туршлагатай хөрөнгө оруулагч гэдэг.

8. Marilyn Monroe: IQ – 165

Нэрт жүжигчин Marilyn Monroe-ийн оюуны чадамж Алберт Эйнштейнээс ч илүү байсан гэдэг. Хэдийгээр тэрээр академик боловсрол эзэмшээгүй боловч өөрийн цаг үедээ нийтийн хэв маягийг эвдэж, олон олон амжилт гаргаж байсныг бид мэдэх билээ.

9. Gerard Pique: IQ – 170

Нэрт хөлбөмбөгчин Gerard Pique Испанийн Барселона хотын Esade бизнесийн сургуульд эдийн засагч мэргэжлээр суралцаж байжээ. Аваргуудын лигт хоёр түрүүлсэн түүний оюуны чадамж 170 юм.

10. Rowan Atkinson: IQ – 178

Mr. Bean-ийн дүрээрээ алдартай жүжигчин, комедиан Rowan Atkinson Их Британийн Ньюкастлын их сургуульд инженерээр суралцаж байсан бөгөөд хожим Оксфордын их сургуульд цахилгааны инженер мэргэжлээр магистрын зэрэг хамгаалж байжээ. Түүний оюуны чадамжийн үнэлгээ 178 гэдэг нь алдарт зохион бүтээгч Леонардо Да Винчитэй дүйцэх үзүүлэлт аж.

156

Хөөрхөн

66

Гайхмаар

28

Гоё

22

Тэнэглэл

21

Ха Ха

6

Буруу

6

Бахархмаар

6

Харамсалтай

Баярлалаа!