Орон гэргүй Тайланд залуу олсон мөнгөө муурнуудад хоол худалдаж авахад зарцуулдаг ажээ. Эхлээд муурнуудаа хооллоод дараа нь өөртөө хоол худалдан авдаг тухай The Pets Castle–д бичсэн байна.
Нэгэн эмэгтэй орон гэргүй залууг гуйлга гуйж байгааг анзаарчээ. Олсон мөнгө нь муурнуудад хоол авахад зарцуулагдана гэсэн бичиг гартаа барьсан байв. Эндээс л бүх түүх эхэлсэн гэхэд болно.
Энэ орон гэргүй эр томоос том, сайхан сэтгэлтэй. Тэр муурнуудыг хооллодог, харин өөрөө хоолтой төдий л өл даран явдаг ажээ.
Өөрөө хоолгүй өнгөрч чадна, гэхдээ муурнуудаа хоолгүй өнжүүлж чадахгүй гэж ярьжээ.
Түүний тухай пост фейсбүүк дээр гарснаас хойш хүмүүс тусламжийн гараа сунгах болсон юм. Хүмүүс мөнгө шилжүүлэхийн зэрэгцээ муурны хоол авчирч өгөх болжээ.
Залуу мууранд их хайртай, муурнууд ч түүнд бүх итгэл найдвараа хүлээлгэсэн. Орон гэргүй амьтдыг хайрлаж байгаа нь олон хүний зүрх сэтгэлийг уярахад хүргэжээ.
Муурнууд нь цатгалан, хайр халамжаар дүүрэн байгааг мэдрэхэд л залуугийн сэтгэл аз жаргалаар дүүрнэ.
Сайхан сэтгэлтэй хүмүүс залуугийн үсийг засаж өгч талархлаа илэрхийлж, бас солих хувцас, хоол унд ч хандивлах болжээ.
Муурнууд өөрсдийн сахиусан тэнгэрээ мэддэг байх гэж найдаж байна. Залуугийн үйлдэл үнэхээр бахархмаар. Та санал нийлж байгаа биз дээ?