Саяхан Өмнөд Дакотад (АНУ) байрлах Су-Фолс хотын иргэд өөрсдийгөө сүйрлийн тухай киноны баатрууд мэт мэдрэмжийг мэдэрчээ. 6 дугаар сарын 5-ны өдөр америкчууд тэнгэр нь тод ногоон өнгөтэй болж байгааг ажиглан харцгаасан байна. Ийм этгээд сонин үзэгдэлд юу нөлөөлсөн байж болох уу?
Ийм үзэгдлийг урьдчилан таамаглах зүйл огт мэдрэгдээгүй. Хотод оройдоо хүчтэй салхин шуурга дэгдсэн. Борооны үүл хуралдах үеэр тэнгэр гэнэт тод ногоон өнгөтэй болжээ. Хотын оршин суугчдын бодолд хамгийн түрүүнд юу орж ирснийг таахын аргагүй. Урьд нь ийм зүйлтэй хэн ч учирч байгаагүй болохоор бүгд л доор бүрнээ айдаст автжээ. Зарим нэг нь этгээд хачин үүлний гэрэл зургийг дарж сошиал сүлжээнд ч байрлуулж амжсан юм. Тэдний оруулсан гэрэл зургууд вирус шиг тархахад хэн ч гайхсангүй.
Иргэдийн айдсыг АНУ-ын цаг уурын албынхан тайвшруулах тайлбар хийлээ. Ногоон тэнгэр – байгалийн ховор үзэгдэл ч гэлээ, жам ёсны үзэгдэл ажээ.
Цаг агаарын этгээд хачин үзэгдэл Су-Фолс хотын иргэдийг тоглоом ч үгүй айлгаад амжлаа
Энэ гэрэл зураг дээр ямар нэгэн филтер ашиглаагүй гэдэгт нэг л итгэж өгмөөргүй. Тэр болгон тэнгэр ногоон өнгөтэй болоод байхгүй. Аадар борооны дараах үүлний өнгө нууцлаг зүйл сонирхогчдын дунд этгээд хачин онол дэвшүүлэхэд хүргэжээ.
Нууцлаг үйл явдлыг өгүүлсэн киноны хэсэг шиг л харагдана
Цаг уур судлаач Кори Мартины хэлснээр бол ногоон өнгийн тэнгэр нь дерехо-гоос үүдэлтэйгээс бус ямар нэгэн сүйрэл, торнадогоос шалтгаалаагүй ажээ.
Дерехо – хурдтай нүүх хэд хэдэн бүлэг хүчтэй аадар борооны үүлнээс үүдэлтэй шулуун шугам бүхий аадар борооны үүл юм. Энэ төрлийн үүл мөддөө арилдаггүй. Энэ л үүл тэр үдэш уг хотын дээгүүр өнгөрчээ. Үүнээс болоод нар жаргах үеийн улаан өнгө аадар борооны усны хөx өнгөтэй нэгдэж ногоон өнгийг үүсгэсэн хэрэг.
Интернэт хэрэглэгчид ногоон тэнгэрийг “Wizard of Oz” киноны хэсгийг санагдууллаа гэжээ
Аймшигтай ч үзэсгэлэнтэй юм
Шинэхэн аймшгийн киноны сайхан зурагт хуудас гарах байжээ
Гэрэл зургийн камерын удаан горим дээр дарвал жинхэнэ ид шид буухаар байв
Өмнөд Дакотагаас Иллинойс хүртэл амьдардаг ард иргэд байгалийн ховор үзэгдлийн гэрч болцгоожээ.
Ногоон тэнгэр алсаас ийн харагдана
Хөx тэнгэрийг жаргаж байгаа нарны улаан гэрлээр баяжуулбал зарим нэг тохиолдолд аадар борооны үүл тэнгэрийг ногоон өнгөтэй болгодог. Ногоон өнгийг гаргахын тулд маш их хэмжээний усны агууламж үүлэнд байх ёстой. Энэ нь хүчтэй аадар бороо, мөндөр ороход хүргэнэ.
Өмнөд Дакотад үзэгдсэн ногоон тэнгэрийн бичлэг
Цаг уурын гэрэл зургууд
Reddit-ийн хэрэглэгчид ч Америкт үзэгдсэн байгалийн ховор үзэгдлийг олж мэдээд зүгээр суусангүй. Чадварлаг фотошопчид Су-Фолсын аймшгийн тэнгэрт аварга том мангасуудыг нэмж уран зөгнөлийн бүтээл туурвижээ. Ямар бүтээл гарсныг сонирхоцгооно уу.
Тэд амилжээ
Та нар намайг дуудсан уу?
Тэр чамайг ажиглаж байна
Kh Lhagva
2022/07/13 at 13:00
agaart bgaaa mus, boroonii us narnii gereld ingesen geseen
Erdene-ochir Erkhembolor
2022/07/13 at 15:34
Америкт л дандаа элдэв хачин юм болж, хятадаас л дандаа элдэв шинэ өвчин үүсч байх юм. Өөрсөдөө л элдвийн туршилт хийдэг биз.