Шүдний ооны хачирхалтай 10 хэрэглээ

Эрүүл цагаан шүд, сэнгэнэсэн таатай амьсгалыг шүдний оогүйгээр төсөөлөхийн аргагүй. Гэхдээ шүдний ооны хэрэглээ үүгээр л дуусдаг гэж бодвол эндүүрэл аж. Зарим хүмүүс шүдний оог уламжлалт бус байдлаар ашиглахыг эрмэлздэг бөгөөд энд бидний тэр бүр мэдэхгүй аргуудын тухай бичжээ. Амны хөндийн эрүүл мэнд, ариун цэврийг сахихаас өөр ямар зорилгуудаар ашиглаж болохыг хамтдаа мэдэж авцгаая.

10. Гарын үнэрийг арилгах

Сонгино сармис, далайн гаралтай хүнс арилгаж, цэвэрлэсний дараа гарт таагүй үнэр шингэдэг. Энэ тохиолдолд багахан оогоор гарын алга болон хуруунуудаа сайтар үрээд усаар зайлж арилгаарай. Савангаас илүү үр дүнтэй энэ аргыг хэрэглэхийн тулд гал тогооныхоо тосгуурын дэргэд жижиг оо тавьдаг хүмүүс цөөнгүй байдаг байна.

9. Үнэт эдлэл цэвэрлэх

Энэ бол маш түгээмэл хэрэглээ. Цагаан сар болгоны өмнө эмээгийнхээ мөнгөн бүсийг шүдний оо ашиглан өнгөлж өгдөг нэг хүнийг би маш сайн мэднэ. Багахан хэмжээний оог үнэт эдлэл дээрээ шахаад сойзоор зөөлөн үрж цэвэрлээд усаар зайлж, зөөлөн алчуураар арчаад үзээрэй. Хэрвээ үнэт эдлэл чинь нилээд харласан бол аягатай усанд оо уусгаж хутгаад түүндээ хэсэг хугацаагаар хийчих. Дараа нь оо түрхээд зүлгээд үз.

8. Тосон харандааны толбыг арилгах

Саяхан завсар хийж, будсан ханан дээр чинь хүүхдүүд урлагийн бүтээл туурвичихсан уу? Санаа зовох хэрэггүй. Хөөсөнцөр пролонд оо шингээгээд тосон харандааны толбыг арччих.

7. Спорт нүдний шил цантахыг зогсоох

Зөөлөн даавуунд оо түрхээд спорт нүдний шилээ 2 минут зөөлөн зүлгэ. Жижиг зурааснууд маш сайн арилахаас гадна цантах, хөлрөх явдал гарахгүй.

6. Батга арилгах

Батгыг арилгах хамгийн энгийн бөгөөд үр дүнтэй аргуудын нэг нь оо түрхэх юм. Оо нь үрэвслийг намдааж, хавдрыг бууруулдаг. Унтахын өмнө нүүрээ цэвэрлээд батгатай хэсэг дээрээ оо түрхэж хонуулаад өглөө нь угаагаад үзээрэй.

5. Хумс арчилгаа

Шүд болон хумсны бүтэц бараг адилхан байдаг. Тиймээс оо нь шүдний эрүүл ахуйг хангадаг шигээ хумсны эрүүл ахуйд ч тустай. Өдөр бүр хумсаа оогоор үрж сойздож байх нь цэвэрхэн, гялалзсан, эрүүл хумстай байхад тусална. Өдөрт ганцхан удаа ингэж хийж заншсанаар бат бэх, гялалзсан хумстай байх боломжийг бүрдүүлэх юм.

4. Нярай хүүхдийн угжийг цэвэрлэх

Нярай хүүхдийн угжийг цэвэр байлгах нь маш чухал. Гэвч маш амархан бохирддог энэ савыг байнга химийн найрлагатай цэвэрлэгч шингэн, савангаар угаах нь тохиромжгүй. Иймд шүдний оогоор угж, шилийг үрж цэвэрлээрэй.

3. Модон эдлэл дээрх аяганы толбо арилгах

Модон эдлэл дээр хүйтэн аяга, лонх зэргийг тавих нь дугуй толбо үүсэхэд хүргэдэг. Тийм ч амар арилдаггүй энэ толбыг зөөлөн даавуунд түрхсэн оогоор зүлгэхэд амархан арилдаг.

2. Хивсний толбо арилгах

Хивсэн дээрх толбыг арилгахад шүдний оо тус болдог. Ахиухан хэмжээний оо түрхээд сайтар үр. Багахан, өнгөц толбо ганц удаагийн үрэлтээр л арилах бол том, гүн шингэсэн толбыг арилгахын тулд үйлдлээ дор хаяж 3 удаа давтах хэрэгтэй болно. Гэхдээ үр дүнд нь та сэтгэл хангалуун байх болно. Энэ аргыг даавуун дээр ч хэрэглэж болох боловч бүх төрлийн даавуунд тохиромжгүй юм.

1. Шүршүүрийн бохирдлыг цэвэрлэх

Шилэн хаалгатай шүршүүрийн шил заваан бүрхүүл тогтож, бохирдсон байдаг. Үүнийг үл ялиг чийгтэй пролонд ахиухан оо түрхээд арчиж цэвэрлэхэд шүршүүрийн чинь шил шинэ юм шиг л болно.

17

Гайхмаар

4

Бахархмаар

3

Гоё

2

Ха Ха

1

Буруу

1

Тэнэглэл

0

Хөөрхөн

0

Харамсалтай

Баярлалаа!