Британи эр 6 жилийн турш гаран дээрээ бэлэг эрxтэнтэй амьдарсан бөгөөд одоо түүний эрxтнийг байх ёстой газарт нь буюу хоёр хөлийнх нь завсар шилжүүлэн суулгажээ

Их Британийн Норфолкийн иргэн, 45 настай Малкольм Макдональд нь нэгэн эмнэлгийн туршилтад орохоор шийджээ. Тэрээр The Sun сонинд өгсөн ярилцлагадаа 2014 онд нэг хачирхалтай халдвар авсан тухайгаа ярьсан байна. Тэрхүү халдварын улмаас бэлэг эрxтэн нь үрэвсэж, яваандаа зүгээр л тасарч унасан гэнэ.

“Энэ явдал болсны дараа миний доторх ертөнц хов хоосон болох шиг болсон. Тасарч унасан эрxтнээ аваад хогийн саван дээр тавьж байсан үеэ сайн санаж байна. Дараа нь эмнэлэгт очиход тэд надад үлдсэн жижигхэн зайдас шиг юмыг хадгалж л болох юм гэж хэлэхэд аймшигтай сонсогдож билээ”.

Энэ явдлын дараа Малкольм хоёр жилийн турш яг л сүүдэр шиг явжээ. Эр хүн биш болсон гэж өөрийгөө бодон арxи ууж эхэлсэн байна. Түүнийг эмчилж байсан эмч нь мань эрийг Лондоны Их Сургуулийн эрxтэн шилжүүлэх эмнэлгийн профессор Дэвид Ральфтай танилцуулж өгчээ.

Професор нь Малкольмийн хоёр хөлний хооронд хэдхэн цагийн дотор бэлэг эрxтэн ургуулж чадахгүй гэдгээ хэлж, харин зүүн гарынх нь арьс булчингаар тэр чухал эрxтэнг “бүтээж” болно гэдгийг ойлгуулсан байна. Мэс заслын үеэр эмч нар түүний гарын мэдрэлийн судал, судас бүхий арьсыг бэлэг эрxтэн хэлбэрт оруулаад, дараа нь хоёр тусгай гуурс-хоолой тавьж өгснөөр уг эрxтэн нь зориулалтын дагуу ажиллах боломжтой болжээ.

Зургаан жилийн туршид энэ хүн ямар олон хэцүү нөхцөл байдалтай тулгарч байсныг хэлээд ч хэрэггүй байх. Жишээ нь зарим нэг хүнтэй гар барьж байх үед өнөө эрxтэн нь ханцуйн цаанаас нь ил гарч байсан тохиолдол бий. Мөн эмээгээ тэврэх гэж байгаад эрxтнээрээ цохиод авсан явдал ч бий. Бас хоол хийж байхдаа Жиммиг (нөгөө гар дээрх эрxтэн) түлж байсан гэдэг.

“Анх өөрийн гар дээрх эрxтнийг хараад би ямар их баярлаж байсан гээч. Би түүнийгээ хайрлаж Жимми хэмээн нэр өгсөн юм. Миний багын найз нарт болон надад Жимми нь шинэхэн найз нь болсон билээ. Дөрвөн жилийн турш гар дээрээ бэлэг эрxтэнтэй байна гэдэг үнэндээ хачирхалтай зүйл. Гэхдээ би нэгэн цагт энэ эрxтэн маань хийх ёстой ажлаа хийдэг болно гэдэгт итгэлтэй байна”.

Малкольм энэ эрxтнээ 2020 онд байх ёстой газар нь шилжүүлнэ гэж төлөвлөж байсан боловч цар тахал гарч хойшилсон байна. Ингээд 6 жилийн дараа эрxтнээ зохих газарт нь шилжүүлж, зориулагдсан үүргээ гүйцэтгэх боломжтой болсон тухай New York Post хэвлэл мэдээлжээ.

190

Тэнэглэл

60

Ха Ха

31

Гайхмаар

25

Буруу

23

Гоё

15

Харамсалтай

10

Хөөрхөн

9

Бахархмаар

Баярлалаа!