Өнөөдөр гадаад төрхийн талаар ихэд ширүүн ярилцах болжээ, гэхдээ өөрийн дутагдлаасаа ичихгүй байх ёстой гэдэг үүднээс ярьж байгаа нь сайшаалтай. Алдартай эмэгтэйчүүд өөрийн үлгэр жишээгээр үүнийг баталж байна: нүүрэн дээр гарсан батга, целлюлит эсвэл нүүрний будаггүй явахыг тэд юмны чинээд тоосонгүй. Өөгүй төгс хүн гэж хаана ч байхгүй, одод ч мөн адил.
Хээнцэр сэтгүүлийн нүүрэн дээр гарсан шигээ өөгүй биш гэдгийг олны өмнө ямар ч айдасгүйгээр харуулсан алдартай бүсгүйчүүдийг танд сонирхуулж байна.
Сальма Хайек ямар ч ичих зүйлгүй хөлийн үс хуссаны дараа үлдсэн улаан цэгээ нуулгүй харж иржээ. Энэ цэг олон эмэгтэйчүүдийн хувьд дотно танил харагдах биз ээ
Блейк Лайвли целлюлиттэй гээд санаагаар унасангүй. Тэр бодож санах зүйлгүй богино даашинз өмсөнө, тэр иймэрхүү жижиг сажиг зүйлд санаагаа зовоох хэрэггүй гэж үздэг нэгэн
Супер загвар өмсөгч Наталья Водянова эмэгтэйчүүдийн сарын тэмдгээс ичиж зовохгүй байхыг уриалж байна. Энэ бол физиологийн байгалийн жам ёсны үйл явц шүү дээ
Харин Кендалл Женнер амьдралынхаа турш нүүрэн дээр гарах батгатайгаа тэмцэж байна
Сара Жессика Паркер нугаларсан гэдсэндээ огт санаа зовдоггүй, богинохон топ өмсөхөөсөө ч ичдэггүй
Кира Найтлигийн уруулын үрчлээсийг харахад тэр гоо сайхны элдэв тaриа хийлгэх талаар огт толгойгоо өвтгөдөггүй нь ойлгогдоно. Энэ нь ч зөв, хөгшрөлтийн жам ёсны өөрчлөлтөөс ичих ямар хэрэг байна вэ?
Приянка Чопра энэ асуудлаар бусадтайгаа зуун хувь санал нэг явдаг бөгөөд хүзүүн дээрх үрчлээгээ зөнд нь орхижээ
Ким Кардашьян ч гэсэн суганы үрчлээстэйгээ зөрчилдсөнгүй. Байгалиараа байна аа гэдэг чинь өөрөө гоо үзэсгэлэн юм
Хөxний өөр хэмжээ, язралт Леди Гагаг алдартай болоход огт саад болоогүй. Тэрээр орчин цагийн хамгийн алдартай дуучдын нэг мөнөөс мөн
Сонирхуулж хэлэхэд, Алисса Милано ч гэсэн хөxнийхөө язралтад огт санаа зовдоггүй
Зои Салдана хумсаа будах нэг их дуртай биш. Жүжигчин улаан хивсний ёслолд хүрэлцэн ирэхдээ ч хөл, гарын хумсаа буддаггүй
Стандарт бус гадаад төрх – том чих, өргөн эрүүтэй гээд Румер Уиллис сэтгэлээр унаж өөрийгөө дарсангүй. Түүний жүжиглэлт үзэгч биднийгээ баясгасаар л…
Руни Марагийн нуруу ч гэсэн төгс гэдэг ойлголтоос хол, гэхдээ кино салбарт тэр өөрийнхөө нэр төрийг мартагдахгүйгээр үлдээж чадсан нэгэн
Жессика Честейний арьс цонхигор, гэхдээ соляри ашиглах гэж огт яардаггүй. Тэр нь ч зөв
Кейт Босуорт дэлдэн чих, гетерохромоороо алдартай. Гэхдээ түүний хөл өв тэгш биш гэдгийг тэр болгон анзаараагүй өнгөрчээ
Эмилия Кларкын хацар дээрх мэнгэ түүний хүүхэлдэйн царайг улам ч чимсэн юм шиг
Лили-Роуз Депп гэдсэн дээрх сорвио бараг л чимэг болгон гайхуулах дуртай. Үүгээрээ өөрийн дутагдалтай тэрсэлдээд хэрэггүй гэдгийг ч батлахыг хичээдэг
Үзэсгэлэнт Хелена Бонем Картер өдөр болгон илүүдэл үсээ хусах ёстой гэдэг ойлголтын эсрэг хүн. Бид түүнийг сайн ойлгож байна
Та гоо сайхны тогтсон стандартад нийцэхийн тулд өөрийгөө золионд гаргаж үзсэн үү? Яагаад?
Тэгшээ Сэрээнэн
2022/04/28 at 14:56
Бүх юм өөрийнхөөрөө байх сайхан шүү