Дэлхийн хэмжээний од хэмээн нэрлэгдэх одод дунд төрөлх англи хэлтэй ердөө 56 алдартан байдаг гэсэн статистик судалгаа бий. Хэдийгээр олон мянган жүжигчид дундаас алдар нэрийн оргилд гарсан ч тоглож үзэхийг хүсдэг ч дүрээ авч чадаагүй дүрүүд тэдэнд байдаг ажээ. Манай сайт уншигч танд бидний эртний танил алдартнуудын биелүүлж чадаагүй мөрөөдлийг танилцуулж байна.
Keanu Reeves — Wolverine
Жүжигчин Hugh Jackman-ын бүтээсэн Wolverine-ийн дүрийг жүжигчин Keanu Reeves бүтээх хүсэлтэй байсан гэдэг. Мэдээж өдгөө тус дүрийг Hugh Jackman-гүйгээр төсөөлөхийн аргагүй билээ. Гэхдээ Марвел студийн бүтээлд жүжигчин Keanu Reeves-ийг харах магадлал огт байхгүй юу гэвэл үгүй аж. Тус студийн удирдлагууд жүжигчин эрийг бүтээлүүддээ тоглуулахаар багагүй хөөцөлддөг гэх яриа ч бий.
Tom Holland — James Bond
2017 оноос хойш Spider-Man-ын дүрийг чадварлагаар бүтээж буй жүжигчин Tom Holland нэгэнтээ “Spider-Man бол миний хувьд бүтээхэд маш тааламжтай, үнэ цэнэтэй дүр боловч залуу James Bond хэрэг болвол тэр нь би байхыг хүсч байна” хэмээн ярьж байжээ.
Scarlett Johansson — Диснейн гүнж
“Captain America” киноны Natasha-ын дүрээрээ алдаршсан жүжигчин Scarlett Johansson Диснейн гүнжийн дүр бүтээх хүсэлтэй. Тэрээр “Өнгөрсөн 20 жилийн турш би аль нэг гүнжийн дүрд тоглох хүслээ илэрхийлсээр байсан ч тэд намайг тоглуулж байгаагүй. Одоо магадгүй энэ хүсэл минь хэтэрхий оройтсон байх” хэмээн ярьж байв.
Millie Bobby Brown — Amy Winehouse
18 настай англи жүжигчин Millie Bobby Brown хэзээ нэг өдөр R&B хөгжмийн домог, дуучин Amy Winehouse-ийн дүрийг бүтээх хүсэлтэй гэдгээ илэрхийлж байсан удаатай.
Will Ferrell — Simon Cowell
Инээдмийн жүжигчин, комедиан Will Ferrell “X Factor болон American Idol” шоу нэвтрүүлгийн шүүгч Simon Cowell-ын дүрийг бүтээж үзэх хүсэлтэй явдаг нэгэн. Энэ тухай тэрбээр “Би түүний дүрийг хялбархан бүтээж чадна гэж боддог. Түүний байгаа байдал миний бүтээж байсан Ron Burgundy-ийн дүртэй тун ижил шүү” хэмээж байжээ.
Jennifer Lawrence — Bridget Jones
“The Hunger Games” киноны од Jennifer Lawrence Bridget Jones-ын дүрийг бүтээх мөрөөдөлтэй. Тэрээр “Хэдийгээр Англи миний төрсөн нутаг биш боловч гэрээ санасан үедээ би тэр киног л тавьж үздэг” хэмээгээд жүжигчин Renée Zellweger-ийн бүтээсэн Bridget Jones-ын дүрийг хэнээр ч орлуулахын аргагүй боловч хэрвээ тус кинонд анхнаас нь тоглох боломж олдсон бол заавал өөрийн болгох байсан хэмээн ярьж байжээ.
Gugu Mbatha-Raw — Клеопатра хатан
Английн жүжигчин Gugu Mbatha-Raw хүүхэд наснаасаа л Египетийн хатан хаан Клеопатраг шүтэн биширч ирсэн нэгэн ажээ. Тэрээр “12 настайгаасаа л хойш түүний тухай уншиж, түүнийг шүтэн биширч ирсэн. Хэрэв түүний дүрийг бүтээх боломж олдвол би хэзээд бэлэн байх болно” хэмээж байв.
Daniel Radcliffe — Spider-Man
Harry Potter-ын дүрээрээ алдартай жүжигчин Daniel Radcliffe өөрийгөө тун сайн Spider-Man болох байсан гэж боддог ажээ. Гэсэн ч тэрээр шинэ Spider-Man-ын дүрийг бүтээж буй жүжигчин Tom Holland-ыг дүрээ гайхалтай сайн бүтээж байгаа хэмээн үнэлдэг гэнэ.
Мөн тэрээр боломж олдвол богино хугацаанд гарах супер баатрын дүрд тоглох хүсэлтэй гэнэ. Учир нь тэрээр 7-8 анги гарах хэмжээний супер баатрын дүрийг бүтээж чадах эсэхдээ эргэлздэг хэмээжээ.
Таны хувьд мөрөөдлийн тань дүр юу вэ?
Гоё
Гайхмаар
Тэнэглэл
Ха Ха
Буруу
Харамсалтай
Бахархмаар
Хөөрхөн
