Алдартан бүрийн урлагийн замнал өөр хоорондоо харилцан адилгүй байдаг. Тэдний зарим нь амжилтад хүрэхийн тулд олон жилийн хөдөлмөрийг зарцуулсан байдаг бол зарим нь дэлгэцийн анхны бүтээлээрээ л олны танил болж амждаг. Манай сайт уншигч танд анхны уран бүтээлээрээ амжилтын оргилд хүрч, амьдралаа өөрчилж чадсан 14 жүжигчинг танилцуулж байна.
1. HoYeon Jung
Өмнөд Солонгосын “Squid Game” цувралд дүр бүтээсэн жүжигчин HoYeon Jung цуврал нь Netflix платформд тавигдсан цагаас хойш Инстаграмд хамгийн их дагагчтай болсон эмэгтэй жүжигчнээр шалгараад буй юм.
2. Emma Watson
Сургуулийн жүжигт л тоглож байсан түүхтэй Emma Watson охин 8 удаагийн ярилцлагад орсны эцэст “Harry Potter” киноны Hermione-ийн дүрийг өөрийн болгож байжээ. Ийнхүү анхны уран бүтээлээрээ тэрээр оны шилдэг залуу жүжигчин шагналын эзэн болсон түүхтэй.
3. Sophie Turner
Ахлах сургуулийн сурагч байхдаа “Game of Thrones” цувралын Sansa Stark-ын дүрийг авч байжээ. Анхны уран бүтээлээ алдарт цувралаар эхлүүлсэн тэрээр шүүмжлэгчдээс эерэг үнэлгээ авч, олон улсад танигдсан од болсон билээ. Хожим тэрээр “X-Men” цувралд Dark Phoenix-ийн дүрийг бүтээсэн юм.
4. Hailee Steinfeld
Тэрээр 13 насандаа “True Grit” киноны Mattie Ross-ын дүрд тоглож, Оскарын шилдэг туслах эмэгтэй жүжигчний шагналд нэр дэвшиж байв. Тэр цагаас хойш тэрээр олон арван уран бүтээлд тоглосон ч анхны кино нь урлагийн замналынх нь хамгийн оргил бүтээл хэвээр үлдсэн билээ.
5. Alan Rickman
Дэлгэцийн уран бүтээлд тоглохоосоо өмнө аль хэдийн театрын урлагт хөлөө олоод байсан жүжигчин Alan Rickman “Die Hard” киноны эсрэг дүр болох Hans Gruber-ын дүрийг тун чадварлаг бүтээж, хожим Harry Potter цувралын Snape-ын дүрийг тун чадварлаг гаргасан билээ.
6. Cameron Diaz
1994 онд Cameron Diaz 8 удаагийн ярилцлагын эцэст “The Mask” кинонд дүр авч, тоглосон нь маш их амжилтыг дагуулсан билээ. Тухайн үед тэрээр загвар өмсөгч хийдэг байсан гэдэг.
7. Rachel Zegler
Нэрт найруулагч Steven Spielberg-ийн “West Side Story” киноны шинэчилсэн хувилбарт тоглохоор сонгон шалгаруулалтад орсон 30,000 хүнээс шалгарсан тэрээр тухайн үед ахлах сургуулийн жирийн нэгэн сурагч байжээ. Ийнхүү олон сарын турш үргэлжилсэн дүрийн сонгон шалгаруулалтад тэнцэж, бүтээсэн дүрээрээ амжилт олж, Алтан бээлий шагнал гардуулах ёслолд Шилдэг эмэгтэй жүжигчин шагналыг ч хүртсэн билээ. Хожим тэрээр ICM Partners агентлагтай гэрээ байгуулж, Дисней студийн Цасан гоо-ын дүрд тоглосон юм.
8. Maisie Williams
Maisie Williams ердөө 12 насандаа алдарт “Game of Thrones” цувралын Arya Stark-ын дүрийг бүтээж байв. Ийнхүү үзэгчдийн хайрыг татсан түүний дүр цувралын туршид гол дүр хэвээр байсны зэрэгцээ тэрээр ч шүүмжлэгчдээс өндөр үнэлгээ авчээ.
9. Mark Hamill
“Star Wars” киноны гол дүрд тоглох эрхийг авсан нь залуу жүжигчний хувьд том амжилт байсан гэдэг. Жүжигчин Mark Hamill ч тус дүрээрээ амжилтад хүрч тус цувралын дараах 3 ангид ч дүрээ мөнхөлсөн билээ. Өдгөө Luke Skywalker-ын дүрийг түүнгүйгээр төсөөлөхийн ч аргагүй.
10. Barbra Streisand
Жүжигчин Fanny Brice-ийн намтарчилсан“Funny Girl” киногоор урлагийн замналаа эхлүүлсэн жүжигчин Barbra Streisand анхны бүтээлээрээ насан туршдаа дурсагдах дүрээ дэлгэцнээ мөнхөлсөн түүхтэй. Түүнчлэн тэрээр 1968 оны Оскарын шагнал гардуулах ёслолд Шилдэг эмэгтэй жүжигчний шагналыг Katharine Hepburn-ийн хамтаар хүртэж байв.
11. Edward Norton
“Primal Fear” киногоороо кино урлагт хөл тавьсан жүжигчин Edward Norton тус дүрээрээ Оскарын шагнал гардуулах ёслолоос Шилдэг туслах жүжигчин шагналыг хүртэж байжээ. Түүнээс хойш тэрээр 3 удаа Оскарын шагналд нэр дэвшиж байсан ч Edward Norton-ын оргил уран бүтээл нь түүний анхны кино болох “Primal Fear” гэдэг нь гарцаагүй.
12. Anna Paquin
Шинэ Зеланд улсаас гаралтай жүжигчин Anna Paquin 9 настайдаа найруулагч Jane Campion-ын “The Piano” кинонд дүр бүтээж байв. Ийнхүү 11 насандаа Оскарын Шилдэг туслах эмэгтэй жүжигчин шагналыг хүртсэн нь хамгийн залуудаа тус шагналыг хүртсэн хоёр дахь жүжигчин болон түүхэнд үлдсэн юм. Хамгийн сүүлд тэрбээр HBO сувгийн “True Blood” цувралд дүр бүтээжээ.
13. Jennifer Hudson
2004 онд “American Idol” шоунд оролцож явсан тэрээр 2006 онд “Dreamgirls” кинонд дүр бүтээсэн нь амжилтад хүрч Оскарын шилдэг эмэгтэй туслах дүрийн шагнал тэргүүтэй олон шагналуудын эзэн болсон билээ. Мөн тэрээр Оскарын шагнал хүртсэн хамгийн залуу Африк-Америк гаралтай хүн болон түүхэнд үлдсэн байдаг ажээ.
14. Lupita Nyong’o
Кени улсад жүжигчний замналаа эхлүүлсэн Lupita Nyong’o Йелийн их сургуульд магистрын зэрэг хамгаалахаар АНУ-д анх ирж байжээ. Улмаар тэрбээр “12 Years a Slave” киноны Patsey-ын дүрийн сонгон шалгаруулалтад тэнцэж, тус дүрээрээ 2014 оны Оскарын шилдэг эмэгтэй туслах дүрийн шагналыг хүртсэн билээ.
Дээрх жагсаалтад буй жүжигчдээс хэнийх нь киног үзэх хамгийн дуртай вэ?
Ganochir Tvshig
2022/04/07 at 21:31
Namuunaa Bnn