Халк хүртэл хажууд нь санаа зовмоор синтoлд донтсoн мангасууд. Булчиндаа синтeтик тос тариулж бакь болж харагдах нь эрүүл мэндэд асар их хор уршигтай

Синтoл – наран шарлагын газар хамгийн мундаг залуу болж харагдах хамгийн амар арга.

Үүнээс гадна бэртэл гэмтэл авах хамгийн аюултай арга, үүгээр ч зогсохгүй гараа тайруулах хамгийн дөт зам байж болох юм. Тэгээд хамгийн мангар хэмээх нэр зүүх болно. Синтeтик тосноос гаргаж авсан өөхний xүчлийг шууд булчинд тарьдаг. Булчиндаа ийм синтeтик тос тариулсан хүн ойрын гурав, таван жилдээ ямар ч үүрэггүй их булчингаараа хоосон гайхуулж болох л юм.

Эдгээр хүмүүсийн гэрэл зургийг харж уг нийтлэлээ бэлдэж байх явцдаа би дараах дүгнэлтийг өөрийн эрхгүй хийснээ тантай хуваалцъя. Энэ нь ямар нэгэн сэтгэл мэдрэлийн өвчтэй холбоотой байх. Яг л нөгөө анорекстэй (хэт тураалдаа ортол жингээ хасдаг), эсвэл чих, хамраа цоолуулж элдэв зүйл зүүдэг хүмүүс шиг, бас арьсны доогуур элдэв шингэн шахаж булдруу гаргадаг зэрэг олон янзын гaж сонирхолтой хүмүүс байдаг шүү дээ. Өөрөөр хэлбэл гэрэл зургуудаас харахад хоосон сэтгэлгээтэй хүмүүс ихэд сонирхоод байх шиг. Синтoлын түүх гэж юу байна?

Синтoл үнэндээ эсиклeний бэлдмэлийн ачаар бий болжээ. Эсиклeн нь 80-аад оны үед ихэд алдаршиж байсан бөгөөд анaболикийн сулавтар үйлчилгээ үзүүлдэг байв. Булчинд шахахад үрэвслийн хүчтэй үйлчилгээ үзүүлж тэр хэсэгтээ булчингийн хэмжээ томорсон юм шиг хавдана. Тийм учраас бодибилдингчид тэмцээнд орохынхоо өмнө уг бэлдмэлийг тариулдаг байжээ. Германы химич Кларк Крис эсиклeнийг анхааралдаа авч илүү урт хугацаанд үр дүн өгөх бэлдмэл хийхээр шийдсэн байна. Ингээд 90-ээд онд Синтoл (Synthоl) гэдэг нэртэй бэлдмэл бий болсон бөгөөд дараа нь “Pump’N’Pоse” (Булчингаа нэмээд гоё зогс) гэдэг нэрээрээ алдаршиж өнөөг хүртэл эрэлт хэрэгцээ ихтэй хэвээр явна.

Синтoлыг германы бодибилдингчин Klaus Doring анх хэрэглэж туршиж үзсэн тамирчин болжээ. Кларкын бүтээл алтан нээлт байлаа (түүний л хувьд), хэдэн мянган хүн 400 доллараар (нэг шил синтoлын үнэ) ямар нэгэн асуудалгүйгээр булчингийн массаа нэмэх боломжийг олгожээ. Синтoлыг төрөл бүрийн зөвлөл, холбоод хэрэглэхийг xориглосон байдаг ч гэлээ биед түрхэх тос нэрийн доор ямар нэгэн хяналтгүйгээр зарж борлуулсаар л байна.

Синтoлын 84 хувь С8 гэх тосны xүчлээс бүрддэг, үүнээс гадна уг бэлдмэлийн орцод С10 болон С12 тосны xүчил ч агуулагдана, 7,5% нь лидокaин, 7,5% – бeнзил-aлкогол. Бүдүүлгээр хэлбэл синтoл гэдэг нь жирийн өөх, тос л юм. Бэлдмэлийг шууд булчинд шахдаг, дараагийн шахалтаас хэмжээ нь улам нэмэгдэнэ. Булчингийн масс нэмэгдэж байгаа мэт харагдах хэдий ч үнэндээ булчин нь бахь байдгаараа өмнөх хэмжээндээ. Товчхондоо, булчинд агаарын бөмбөлөг шахсантай л адил. Бэлдмэлийн 30 хувь нь биеэр тархдаг, харин үлдсэн 70 хувь нь булчиндаа үлдэж 5-8 жилийн хугацаанд шингэдэг байна.

Одоо хамгийн утгагүй хэсэгтээ орж байна – энэ бол уг бэлдмэлийн хэрэглээ. Бэлдмэлийг нарийн зүүгээр булчинд шахаж оруулна. Эхний 20 хоногт 1 мл-аар, дараагийн 10 хоногт 2 мл-аар, дараа нь өдөр болгон 3 мл-аар булчингийн хэмжээ нэмэгдэхээ больтол шахсаар байх нь. 30 хоногийн хугацаанд булчингийн хэмжээ цааш нэмэгдэхээ боливол өдөр болгон 1 мл-аар шахна, дараагийн 30 хоногт өдөрт хоёр удаа 1 мл-аар тариулна, дараагийн бүтэн сар долоо хоног тутамд 1 мл-аар шахна. Нэг курс “эмчилгээ” дууссаны дараа үр дүн удаан хугацаагаар тогтоно гэж үздэг. 4 сарын дараа бэлдмэлийг дахиад нэг хэрэглэнэ. Нэг булчинд нийт 275 удаа шахна гээд та бод доо, 275 удаа шүү.

Синтoл хэрэглэж бэлтгэл хийдэг тамирчид (үнэндээ тамирчин гэдэг хүндтэй нэрээр нэрлэмээргүй санагдана) итгэмээргүй булчинлаг харагдана. Нэг удаагийн оролтоор бэлтгэл хийхэд бүх булчин нь “этгээд хачин томорч” хөөгөөд ирэх шиг л санагддаг. Энэ нь нэгдүгээрт, хэрэглэгчдийн мэдлэггүйтэй холбоотой, хоёрдугаарт, ийм бохир бүтээгдэхүүн зарж борлуулж байгаа ухамсаргүй бизнес эрхлэгчдийн буруу.

Булчин томрох – энэ нь субъектив мэдрэмж бөгөөд булчин ачаалалтай ажиллаж байгаагийн улмаас цусан хангамж ихсэж судасны хана тэлдэг. Энэ нь цаашлаад булчин томроход хүргэдэг юм. Харин синтoлын тохиолдолд бол өөр үйл явц явагддаг. Хэдий цусан хангамж нэмэгдэж байгаа ч гэлээ булчинг хүчилтөрөгчөөр хангалттай хангаж чадахгүй. Харин ч сүүн xүчил ихээр ялгарч булчингаар өвдөх, түлэгдэж байгаа юм шиг мэдрэмж төрдөг. Булчинд синтoл шахвал ер нь юу болдог юм бэ? Энэ нь маш энгийн тайлбартай. Анхны оролтоор тос нь судас болон мэдрэлд механик даралт өгнө, энэ нь булчин томорч байгаа юм шиг мэдрэмж төрүүлэхийн зэрэгцээ шатааж байгаа юм шиг санагдана. Үнэндээ булчин огт ажилладаггүй гэдгийг анхаарах хэрэгтэй.

“Кларк синтoлыг ямар ч хор xөнөөлгүй гэж батлан хэлж байгаа ч гэлээ уг бэлдмэлийг үйлдвэрлэдэг  “Uncensоred” компани биед түрхэхээс өөр бусад зорилгоор хэрэглэсэн тохиолдолд бие махбодод гарч болзошгүй хор уршигт хариуцлага хүлээхгүй” болохоо албан ёсоор зарласан байдаг.

411

Тэнэглэл

65

Ха Ха

41

Гайхмаар

39

Буруу

38

Харамсалтай

8

Гоё

7

Бахархмаар

6

Хөөрхөн

Баярлалаа!