Цаг хугацаа бидний эсрэг юм уу гэлтэй санагдах үе бий. Харамсалтай нь олон алдартнууд, авьяас чадалтай хүмүүс энэ амьдралыг цэл залуугаараа орхин оджээ. Алдартай хүмүүсийн цаана гэр бүл, найз нөхөд нь байхаас гадна эцсийн замд нь үдэхийг үл хүсэх шүтэн бишрэгчид хэдэн мянгаараа байдаг. “Хэдэн жилийн дараа ямар харагдах байсан бол?”, “Хэрвээ тэд амьд сэрүүн байсан бол ямар уран бүтээлээрээ үзэгч олныг баярлуулах байсан бол?” гэсэн асуулт өөрийн эрхгүй төрнө.
Уран бүтээлийн талаар хариулт өгөхөд бэрхшээлтэй, харин гадаад төрхийн хувьд хачирхалтай хариулт өгч болохоор. Бразилын зураач Хидрели Диао хиймэл оюун ухааны тусламжтайгаар энэ насны амьдралыг цэл залуугаараа орхисон алдартнуудыг өтөл насанд нь аваачжээ.
Элвис Пресли
Элвис 2022 онд 87 нас хүрэх байжээ.
Мэрилин Монро
Үзэсгэлэнтэй Монрогийн хувьд 96 настай байх байлаа. Өөрөөр хэлбэл тэр Их Британийн хатан хаан Элизабет II-той үе тэнгийнх юм.
Курт Кобейн
Дэггүй Курт энэ жил 55 насныхаа ойг тэмдэглэх байв.
Жон Леннон
Леннон 82 настай өвөө болох байжээ.
Анна Николь Смит
Анна Николь болон Курт Кобейн нар нэг оныхон, тэгэхээр 2022 онд 55 насыг зооглох байлаа.
Жими Хендрикс
Харин Жими энэ жил бүтэн насны найр хийхээр байж дээ, хөөрхий – 80 нас.
Фредди Меркьюри
Фредди амьд сэрүүн байсан бол 76 насандаа ч гал дөл шиг эрчтэй байх байсан болов уу гэдэгт бид итгэлтэй байна.
Уитни Хьюстон
Үзэсгэлэнтэй Уитни 59 настай байх байжээ.
Тупак Шакур
Тупак энэ жил 51 насныхаа ойг тэмдэглэх байж дээ.
Сид Вишес
Авьяаслаг жүжигчин Сид энэ таван сард 65 насныхаа төрсөн өдрийг тэмдэглэх байсан юм.
Эми Уайнхаус
Авьяаслаг дуучин Эми ердөө 39 настай л байх байж.
Брюс Ли
Брюсыг хүндтэй өндөр настанд гэж хэлж болохоор – тэр 82 насыг зооглох байсан юм.
Пол Уокер
Пол энэ жил 49 нас хүрэх байжээ.
Жинис Жоплин
Женис 79 нас хүрэх байлаа.
Майкл Жексон
Аугаа их Майкл 2022 онд амьд сэрүүн байсан бол 64 настай хүн тайз эзэгнэсээр хэвээр байх байжээ.
Орчин үеийн технологи хөгжсөн ч гэлээ олон шүтэн бишрэгчдийн хайртай дуучин, жүжигчнийг амилуулж чадахгүй, гэхдээ сониуч занг нь бага ч болов тайвшруулж чадах ажээ. Тэднийхээ дүрийг бид виртуал орон зайнаас харан хайрласаар байх болно.
Torbold Baterdene
2022/03/24 at 22:01
Xxxyentacion