Хүн төрөлхтөн дэлхий дээр хэдэн сая жилийн тэртээ амьдарч байсан амьтдын олдворуудыг олж илрүүлсээр л байна. Олдсон араг яс эсвэл хадгалагдаж үлдсэн хэсгүүдийг эвлүүлж тусгай программын тусламжтайгаар ямар амьтан байсныг нь гаргаж ирэх боломжтой болжээ. Дараа нь тэр амьтдыг бидэнд уран сайхны эсвэл шинжлэх ухааны сэдэвтэй нэвтрүүлгээр танилцуулдаг уламжлал нэгэнт тогтсон. Эдээр амьтдыг харж суухад хэрвээ тэд одоо амьд байсан бол… гэсэн бодол өөрийн эрхгүй төрнө. Мэдээж хүн төрөлхтөн аль хэдийн хөлд нь сүйдсэн байх байж гэсэн бодол толгойд эргэлдэж эхлэх биз ээ. Яагаад гэвэл бид чинь одоо ч гэсэн зэрлэг амьтдаас айж, сүрдэж явдаг шүү дээ. Тэгэхээр олон сая жилийн өмнө зэрлэг байгальд дураараа сэлгүүцэж явсан амьтад одоо байсан бол бүр ч… Тэд биеэр үлэмж том, биеийнхээ хэмжээгээр хүч гэж дуусашгүй, тэгээд зан араншигийн хувьд нөхөрсөг байсан эсэх нь ч эргэлзээтэй. Чухам ямар амьтдын тухай яриад байгааг цугтаа харцгаая.
Liopleurodon
Плиозавровын төрөл. Энэ амьтан матартай төстэй, гэхдээ биеийн хэмжээгээр хавьгүй том. Лиоплевродоны урт 7 метр ч хүрнэ, харин жингийн хувьд ойролцоогоор 5 тонн байжээ.
Argentavis
Биеийн өндөр 2 хүртэл метр, харин жингээрээ ойролцоогоор 70 кг хүрэх энэ амьтан зэрлэг шувууны төрөлд хамаарна. Үүнээс гадна тус шувууны далавч аварга том – 7 хүртэл метр. Аргентавис нь хурдаараа ч гайхагдах шувуу – цагт 70 хүртэл километр хурдлах чадвартай байжээ.
Dunkleosteus
Плакодермын төрөл. Биеийн жин нь нэг тонн хүрч байснаас гадна урт нь 4 метрээс хол давж байсан ажээ. Энэ амьтны бүр 6 метрийн урттай араг яс олдсон тохиолдол бий.
Titanoboa
13 метр хүртэл урттай, 1 тонн хүртэл жинтэй устаж үгүй болсон аварга том могой. Үнэхээр санаанд багтамгүй хэмжээ. Яг энэ могойн үзвэрийг Нью-Йоркийн галт тэрэгний буудал дээр тавьж олны хүртээл болгожээ.
Helicoprion
Мөгөөрсөн загасны устаж үгүй болсон нэгэн төрөл. 8 хүртэл метрийн урттай, жингийн хувьд 500 кг хүрч байжээ. Өөр бусад төрлийн загаснуудаас ялгагдах онцлог – Геликоприоны шүд нь спираль хэлбэрээр ургадаг байсан нь зарим нэг тохиолдолд хөрөө байдлаар ашиглаж байсан байж болох юм.
Megalodon
Устаж үгүй болсон акул нь 15 метр хүртэл урттай, ойролцоогоор 50 тонн жинтэй байжээ. Түүний эрүүний ясыг музейн үзвэр болгон тавьсан байдаг.
Sarcosuchus
Матартай төстэй хэвлээр явагч амьтны нэгэн төрөл, гэхдээ саркозух нь 10 метр хүртэл урттай, 3-аас илүү тонн жинтэй байжээ.
Kelenken
Аварга том биетэй нисдэггүй шувууны нэгэн төрөл. Биеийн өндөр нь 3 метр болон үүнээс ч өндөр байж болно, харин жингийн хувьд 200 орчим кг.
Pentecopterus
Хилэнцэт хорхойн хэлбэр бүхий хавчны нэг төрөл, уртаараа 2 метр хүрч байжээ.
Quetzalcoatlus
Шувуун үлэг гүрвэлийн бүлд хамаардаг, үнэхээр санаанд багтмааргүй үлэмж биетэй нэгэн. Биеийн өндөр нь 10 метр, жингээрээ 250 килограмм байжээ.
Зочин
2022/01/30 at 21:07
Одоо хүртэл байсан бол хүний хоол болох л амьтад байж.Нэг бодлын устсан нь азтай юм.
Shijir Shijir
2022/01/30 at 21:24
Хүн төрөлт зүйл 6м өндөр байсан гэхээр сүрдмээр биш юм бишүү кк