Бидэнд гоо сайхны өөрийн гэсэн нууц байдаг. Энэ л нууцынхаа ачаар бид нас нэмж байгаа ч сайхан хэвээрээ харагдана. Оддын хувьд ч мөн адил. Улаан хивсний ёслолоор гялалзахын тулд тэд төрөл бүрийн арга чарга ашигладаг нь үнэн: зарим нь жирийн, зарим нь бүр этгээд хачин аргатай.
Загварын сэтгүүл эргүүлж байгаад бидний хайрлаж явдаг одод үзэсгэлэнтэй харагдахын тулд ямар арга чарга хэрэглэдгийг олж мэдсэн юм.
Шарлиз Терон
2019 оны “Алтан Бөмбөрцөг” шагнал гардуулах ёслол дээр Шарлиз Терон гоо үзэсгэлэнгээрээ уламжлал ёсоор гайхуулж байсан удаатай. Гэхдээ огт хөгширдөггүй арьсныхаа нууцыг өөрийн мэдэлгүй дэлгэж орхижээ. Маш ажигч шүтэн бишрэгчид нь түүний арьснаас нэгэн арчилгааны ул мөрийг олж харсан байна – лазераар үрчлээ багасгах арчилгаа.
Рианна
Дандаа гоё хөмсөгтэй харагдахын тулд Рианна үгэнд үл орох хөмсгийг жирийн савангаар дардаг ажээ. Энэ аргыг өөрийн гоо сайханчаасаа сурсан гэдэг. Дуучны хэлснээр саван нь бусад зориулалтын бүтээгдэхүүнээс илүү үсийг арьсанд сайн наалдуулж өгдөг ажээ.
Кейли Куоко
2021 оны “Алтан бөмбөрцөг” гардуулах ёслол дээр үзэсгэлэнт Кейли Куоко жинхэнэ утгаараа гялалзаж байлаа. Үүнд нь гэрэл ойлгодог маск тус болжээ. Уг маскыг үйлдвэрлэгчдийн хэлснээр бол тус бүтээгдэхүүн арьсыг илүү өнгөлөг, залуу харагдуулдаг гэнэ.
Женнифер Энистон
Уруулын будгийг удаан цагаар тогтоохын тулд Женнифер Энистоны гоо сайханч Жиллиан Демпси нэгэн жижигхэн лайфхак ашигладаг. Уруулын будгийг 1 давхар түрхээд дээрээс нь нимгэн цаас тавьж будгийг тогтоохын тулд нунтаг пудр цацдаг ажээ.
Сьюзан Сарандон
Сьюзан Сарандон 74 насандаа үнэхээр залуухан харагдаж чаддаг. Түүний залуу төрхийн нууц маш энгийн гэнэ. Жүжигчний гоо сайханч Тим Куинн нэгэн бяцхан арга залийн тусламжтайгаар үйлчлүүлэгчийнхээ залуу төрхийг хадгалдаг: чухам гурвалсан байдлаар бронз түрхдэг гэнэ. Өөрөөр хэлбэл духнаас эхлээд хацар, цаашлаад эрүүний доод хэсэг хүртэл түрхэнэ.
Женнифер Лопез
Илүү том уруултай харагдахын тулд Женнифер Лопез өөрийн уруулын хүрээнээс 1-2 мм илүү гаргаж харандаагаар зурдаг ажээ. Хамгийн гол нь өөрийн арьсны өнгөтэй адил өнгөөр будахыг анхаараарай.
Эмма Стоун
Эмма Стоун томоохон арга хэмжээнд маш нухацтай бэлддэг. Тэрээр зөвхөн нүүрний арьсыг чийгшүүлээд зогсохгүй мөн уруулаа ч гэсэн чийгшүүлдэг уламжлалтай. Үүний тулд коллаген болон Е амин дэмтэй патчи ашигладаг.
Зои Кравиц
Зои Кравиц – үнэхээр сонирхолтой бүсгүй. Түүний арьс арчилгааны арга барил нь ч стандарт бус. Гялалзсан арьстай байхад нь энгийн нэг дүрэм тус болдог гэнэ: хайлайтерийн дээр дандаа тональ крем түрхдэг, шаардлагатай гэж үзвэл давхар тавих ч тохиолдол гардаг ажээ.
Элизабет Тейлор
Элизабет Тейлорт гоо сайхны маш олон нууц байсан юм. Үүний нэг нь гэхэд будаг түрхсний дараа дандаа ваннд ордог байжээ. Уур будгийг “бэхжүүлж” одоогийн моод болоод байгаа чийгтэй арьсны дүр төрхийг гаргадаг байв. Мөн жүжигчин тональ кремийг маш нимгэн түрхдэг байсан тул түүний төрөлх сэвх нь харагддаг байжээ.
Леди Гага
Леди Гага – хиймэл үсэнд үнэн дуртай нэгэн. Хиймэл үс нь дуучны өөрийн үсийг гэмтлээс хамгаалаад зогсохгүй мөн нүдний хэлбэр дүрсийг өөрчлөхөд ч тусалдаг байна. Дуучин нэг удаа ярилцлагадаа ийн дурдсан байдаг: хиймэл үсээ тогтоохын тулд зарим нэг газраа скоч нааж арьсаа татахад хүрдэг. Дуучны “үнэгэн харц”-ыг ажиглаад байхад Леди Гага 2014 оны Vanity Fair үдэшлэг дээр скочоор татсан тохиолдол байсан бололтой.
Танд өөрийн гэсэн гоо сайхны арчилгааны нууц байдаг уу? Бидэнтэй сэтгэгдэл хэсгээр хуваалцаарай.