Бяцхан үрээ угжаар хооллодог эхчүүдэд өгөх 9 зөвлөгөө

0
0
4,567

Эмэгтэй хүн хүүхдээ хөxөөр хооллох үед эх үрийн хооронд нандин холбоо үүсч, хүүхдэд аюулгүй орчинд байгаа мэдрэмжийг төрүүлдэг ажээ. Иймээс ч олон эхчүүдийн хувьд угжаар хүүхдээ хооллохоос эмээх, хэрэв хөxөөр хооллохгүй бол эх, үрийн нандин холбоо үүсэхгүй байх болов уу гэсэн айдастай байдаг билээ. Манай сайт уншигч танд хүүхдэд яг л хөxөөр хооллож байгаа мэт мэдрэмж төрүүлэх 9 зөвлөгөөг хүргэж байна.

1. Амар тайван, ая тухтай байдалд орох

© PantherMediaSeller / Depositphotos, © t.tomsickova / Depositphotos

Хүүхэд хооллох цаг болох үед эх, үр аль аль нь өөрт таатай байрлалд орох шаардлагатай байдаг билээ. Иймээс хүүхдийг угжаар хооллохдоо ч хүүхдийн анхаарал сарнихгүй, тухтай газарт суух нь зүйтэй.

 

2. Хүүхдэдээ л анхаарлаа хандуулах

© Rawpixel / Depositphotos, © Feverpitch / Depositphotos

Орчин цагт цахим сүлжээ хөгжиж, оршин байгаа газар орондоо анхаарал хандуулахгүй байх явдал улам бүр олширсоор байгаа билээ. Ялангуяа хүүхдээ хооллож байгаа үед хүүхдэдээ анхаарал хандуулж байхыг зөвлөдөг аж. Эмч Terry Bretscher-ийн үзэж буйгаар хүүхдээ хооллож байх үедээ өөр зүйлд сатаарч, анхаарал сарниулах нь эх, хүүхэд хоёрын хооронд нандин харилцааг үгүй хийдэг гэдгийг анхааруулсан байдаг. Иймээс хүүхдээ угжаар хооллож байхдаа ч үрдээ анхаарал халамжаа тавьж, бусад зүйлд сатаарахгүй байхыг эрхэмлэх хэрэгтэй.

 

3. Хүүхэд рүүгээ эгц ширтэж, нүдээрээ ярилцах

© Cloud7Days / Depositphotos

Эмч Dana Erhard-Weiss-ийн мэдээллэж буйгаар бяцхан үр эцэг эхтэйгээ харц тулгарах үед сэтгэл зүйн хувьд эерэг мэдрэмж төрж, дотно холбоо үүсдэг хэмээжээ. Хөxөөр болон угжаар бяцхан үрээ хооллох үедээ ч нүдээрээ ярилцаж, харц тулгарч байх шаардлагатай.

Хамгийн сонирхолтой нь дөнгөж төрсөн нярай хүүхдүүдийн хараа нь ердөө 20 см зайд харах чадамжтай байдаг тул энэ зайд хүртэл ойртож хүүхэд рүүгээ харж байхыг зөвлөж байна.

 

4. Хүүхэдтэйгээ хүрэлцэж байх

© Nastyaofly / Depositphotos, © anekoho / Depositphotos

Хөxөөр хооллодог хүүхдийн хувьд эхтэйгээ цаг ямагт хүрэлцэж байдаг нь мэдээж. Ийнхүү хүрэлцэх нь окситоксин хэмээх дааврыг нэмэгдүүлж, эх үр хоёрын хоорондын харилцааг нандин болгож байдаг ажээ. Иймээс угжаар хооллож байх үедээ хүүхэдтэйгээ хүрэлцэж, гараараа бяцхан үрээ илж, зөөлөн үнсэж байхыг зөвлөх байна.

 

5. Үртэйгээ ярилцах

© nnudoo / Depositphotos

Нярай хүүхдүүд эцэг эхийгээ харах гэхээсээ илүү дуу хоолойгоор нь маш сайн ялгаж таньдаг ажээ. Харин угж хөxүүлж байх үедээ бяцхан үртэйгээ ярилцаж байх нь эх, үр хоёрын хооронд онцгой холбоо үүсэхэд тусалдаг гэж үздэг байна. Түүнчлэн дан ганц ярих ч бус бяцхан үрдээ дуу дуулж өгөх зэргээр харилцаа үүсгэх боломжтой бөгөөд тогтмол хүүхэдтэйгээ ярьж байх нь түүний үг хэлийг эгц, зөв болгоход нөлөөлдөг гэжээ.

 

6. Сүрчиг хэрэглэхээс зaйлсхийх

© gervanioweb / Depositphotos, © bossboontub / Depositphotos

Нярай хүүхэд аливаа үнэрт тун мэдрэмтгий байдаг ба эхийнхээ үнэрийг тун сайн ялгадаг гэдгийг судалгаагаар тогтоосон байдаг. Иймээс бяцхан үр тань ээжтэйгээ хамтдаа байгаа мэдрэмжийг илүү ихээр мэдрүүлэх үүднээс сүрчиг хэрэглэхгүй байхыг танд зөвлөж байна.

 

7. Хүүхэд угжих байрлалаа өөрчлөх

© motortion / Depositphotos, © motortion / Depositphotos, © frbird / Depositphotos

Хүүхдээ угжаар хооллож байх үедээ тэвэрч буй байрлалаа сольж байх нь хүүхдийг байгаа орчноо өөр өнцгөөс харж, таниж мэдэх явцыг хурдасгадаг гэсэн судалгаа бий. Түүнчлэн хүүхэд тэвэрч буй гараа сольж байх нь гарын булчинд хэт ачаалал үүсэх эрсдлийг бууруулдаг.

 

8. Хүүхдийг угжтай нь үлдээж болохгүй

© PetroP / Depositphotos, © herjua / Depositphotos

Хүүхдийг угжтай нь орхилоо гээд муу зүйл болохгүй мэт санагдаж болох ч тодорхой хэмжээний эрсдлийг дагуулж байдгаас гадна хүүхэдтэйгээ өнгөрүүлэх үнэтэй хором мөчөө та өөрөө үгүй хийж байгаатай агаар нэг ажээ.

 

9. Хүүхдээ хооллож дууссаны дараа ч хүүхэдтэйгээ аль болох цагийг их өнгөрүүлэх

© Lopolo / Depositphotos, © Lopolo / Depositphotos, © Lopolo / Depositphotos

Хүүхэдтэйгээ цагийг хамт өнгөрүүлэх нь хүүхдийн өсөлт хөгжилд чухал нөлөө үзүүлж байдаг. Антропологич María José Garrido Mayo-ын үзэж буйгаар хүүхэдтэйгээ цагийг аль болох их өнгөрүүлснээр илүү нандин холбоог үүсгэж болдог ажээ. Ингэхдээ хүүхэдтэйгээ тоглох, тэврэх, үнсэх гэх мэт юуг ч хийх боломжтой гэдгээрээ танд давуу талтай.

Дээрх зөвлөгөөнүүдийг та амьдралдаа дагаж мөрддөг үү? Таны хувьд хүүхдээ хөxөөр хооллож байсан уу эсвэл угжаар хооллож байсан уу?

2
ХөөрхөнХөөрхөн
1
БахархмаарБахархмаар
1
ГоёГоё
0
Ха ХаХа Ха
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.