Дэндүү амархан, энгийн гэмээр ажил хийгээд маш өндөр цалин авдаг 30 хүн. Зарим хүмүүс яаж амьдраад байгаа юм бэ?

Нэгэн түгээмэл ойлголт байдаг: сайхан амьдрахын тулд цаг наргүй хөдөлмөрлөх ёстой. Үнэндээ дандаа тийм байдаггүй ажээ. Зарим нэг хүмүүс ажил дээрээ бага хүч, цаг зараад хангалттай цалин авдаг юм байна. Reddit–ийн хэрэглэгчид ийм л түүхээсээ хуваалцжээ. Танд ч бас иймэрхүү зүйл тохиолдож байсан уу?

Би нэг удаа массажны сургуульд загвар болж ажилласан юм. Надад илл.эг хийгээд дээрээс нь цагийн 30 фунтын цалин өгсөн.

 

Хөрш маань цахилгаан станцад ажилладаг. Түүний ажил – дэлгэцийн өмнө суугаад аль нэг хэсэгт ослын дохио өгөх эсэхийг ажиглах үүрэгтэй. Ийм тохиолдол тун бага тул тэр ажлын цагийнхаа 99 хувийг тоглож эсвэл юм уншиж өнгөрөөдөг. Цагт 150 ам.долларын цалинтай.

 

Коллежид байхдаа хуучин дуугаар каталог хийдэг байлаа. “Ажлын” үндсэн үүрэг – дууг сонсоод товчлуур дээр дарах.

 

Би нисдэг тэрэгний станцад ажилладаг бөгөөд миний үүрэг зорчигчдын хэдэн цүнхийг нисдэг тэргэнд хийнэ, тэгээд л нисдэг тэрэг эргэж иртэл утсаа ухаад л сууна даа.

 

Би Хавайн усан аяллын хөтөч. Би өөрийнхөө үеийн хүмүүсээс 4 дахин илүү орлоготой. Ажлын цагийн тал хувийг усанд сэлж эсвэл завиар явж өнгөрүүлнэ. Заримдаа жуулчдад газарчилдаг.

 

Би нохой хамгаалах байгууллагад ажилладаг байлаа. Миний ажил гэвэл нэг орон дээр нохойтой зэрэгцэж хэвтээд хэдэн цагаар унтах. Надад цагийн 30 ам.доллар төлдөг байсан юм.

 

Би их сургуулийн мэдээллийн технологийн хэлтсийн менежер. Гэхдээ компьютерын бүхий л ажлыг техникчид хариуцдаг. Би сэлбэгийн захиалгыг батална, хуваариа хянана, тэгээд техникчид нэгэн зэрэг амралтаа аваад явахгүй байхаар зохицуулалт хийнэ.

 

Энэ бол Вана Уайт – Wheel of Fortune нэвтрүүлгийн хөтлөгч. Жижгэвтэр талбай дээр нааш цааш холхисныхоо төлөө жилд 4 сая доллар авдаг хүн дээ.

 

Би улсын байгууллагад захиргааны ажил хийдэг. Ихдээ л гэхэд өдөрт 5 захиа хүлээж авна, эдгээрийн 2 нь л надад хамаатай. Зуны турш би ойролцоогоор 20 дуудлага л авлаа. Миний хамгийн их ачаалалтай ажлын өдөрт би 45 минутад л бүгдийг амжуулдаг.

 

Би хоёр том компанид программ боловсруулж өгсөн юм. Одоо сард 15 мянган долларын цалин авч байна. Миний хийх ажил гэвэл – гэртээ суугаад программ хэвийн ажиллаж байгааг л хянана.

 

Би нэг ийм ажил хийдэг байлаа. Ажил хэргийн уулзалтад ирсэн хүмүүсийг зохих газарт нь хүргэх цахилгаан шатанд суулгаж өгнө. Энэ ажлынхаа цалингаар би Австралийн баруун эргээр бүтэн 3 сар сайхан аялсан даа.

 

Би мэдээллийн шинжилгээ хийдэг. Та адилхан 10 асуудлыг насаараа шийдэхэд бэлэн үү? Ийм албан тушаалд тавтай морил. Надад жилд 100 мянган доллар төлдөг.

 

Хог ачдаг машины жолооч. Үнэхээр амар ажил, бүр багшаас ч илүү цалин авдаг ажил шүү.

 

Дунд сургуулийн захиргааны туслах ажилтан хийгээд цагт 28 доллар авдаг. Би дүнгүүдийг шивнэ, хичээл тасалсан хүүхдийн эцэг эх рүү мейл явуулна. Ирсэн дуудлагуудыг би захирал эсвэл эмчид шилжүүлчихдэг. Би хийх ажлаа 15 минутад л амжуулдаг.

 

Радиологийн хяналтын техникч. Цагт 45 долларын цалинтай. Үндсэн ажилдаа нэг цаг л зарцуулдаг, бусад үед нь сошиал сүлжээ эргүүлнэ бас элдэв форум уншина.

 

Мэдээний хадмалыг хийдэг юм. Гэрээсээ ажиллана, ажиллах цагаа өөрөө зохицуулна, цагт 50-70 долларын цалинтай.

 

Би нотариатчин, үйлчлүүлэгчдийн дуудлагаар гэрээр үйлчилдэг. Өдөрт ойролцоогоор 4-7 хүнд үйлчлэх бөгөөд дуудлагын үйлчилгээ тус бүр 200-300 доллар.

 

Манай хотын гал cөнөөгчид жилд 6 оронтой тоотой цалин авдаг. Ажлын ихэнх цагийг амарч өнгөрөөдөг улс. Дуудлага ирэнгүүт юу гэж л зугтаах вэ, үүрэг хүлээсэн хүмүүс шүү дээ. Ажлаа нэр төртэй хийгээд гэртээ харихад үнэхээр урамтай байдаг юм.

 

Би дуудлагын төвийн менежер байлаа. Эхлээд оператораар ажилд орсон, дараа нь албан тушаал ахиад. Албан тушаал ахисны дараа жилд 50 мянган доллар авдаг болсон, бас гэрээсээ ажилладаг.  Заримдаа операторуудын ярьж байгааг сонсоод удирдамж өгдөг юм.

 

Оффисын хамгаалагч. Хянах камер харж сууна, ажлын ихэнх цагийг ном уншиж, тв шоу үзэж өнгөрөөдөг дөө.

 

Ачааны машины жолооч. Манай АНУ-д дундаж компанийн менежерийн дaйтай цалин авчихдаг юм.

 

Америкийн Fortune 2000 компанийн төслийн менежер. Гэрээсээ ажилладаг, жилд 6 оронтой тоогоор бичигдэх орлоготой. Үнэндээ миний ажлын цаг гэвэл долоо хоногт 4-хөн цаг.

 

Ачааны машины жолооч – өндөр орлоготой муугүй ажил шүү. Одоо ч эрэлт ихтэй болж, ямартай ч манай улсад. Ажлын уян хатан цагтай, тэр ч бүү хэл явах чиглэлээ хүртэл өөртөө тааруулж сонгож болно.

 

Хамгийн гоё “ажил”-ыг та нарт би хэлж өгье – машины зогсоол худалдаж аваад бусдад түрээсэлчих.

 

Миний ажлын үндсэн хэсэг – эрчимт эмчилгээний сувилагчдад туслах, өөрийн ажилтай холбоотой сургалтанд жилдээ нэг удаа хамрагдах. Сургалтанд суухад төвөгтэй зүйл байхгүй. Жилд 120 мянган долларын орлоготой.

 

Самосвалын жолооч ажилтай, уурхайд ажилладаг. Өдөртөө хэдхэн чиглэлд явна, жилийн орлого 70 мянган доллар.

 

Манай хэдэн хамаатнууд улсын байгууллагад (АНУ) ажилладаг. Тэдний цалин – жилд 100,000 гаруй доллар, гэхдээ ажлын өдөр 2-хон цаг л ажилладаг гэж байгаа.

 

Би цaгдаа. Манай хотын дундаж цалин – жилд 100,000 доллар. Жилд хөнгөн гэмт xэргүүд хааяахан л гарна.

 

Сургуулийн зөвлөлийн гишүүд. Манай сургуульд тэд сарын 5 мянган долларын цалин авдаг. Хийх ажил – заримдаа дүрэм тогтооно, бусад үед нь кофе уусан шигээ дэмий ярьж цаг өнгөрөөнө. Үнэн шүү.

Танд хамгийн их таалагдаж байгаа ажил аль нь байсан бэ?