Моника Беллуччи гоо үзэсгэлэн, эмэгтэйлэг төрхийн бэлгэ тэмдэг. Гэхдээ бид түүний залуу бүсгүй байх үеийг бараг мартаж дээ. Жүжигчний хувьд ажлын гараагаа 1990 оноос эхлүүлсэн ч 2000-аад оны үеэс л дэлхийн хэмжээний алдартай болсон юм. Өөрөөр хэлбэл “Malèna” уран сайхны кино дэлгэцнээ гарсны дараа буюу 36 насандаа алдаршжээ. Бид Моникагаар бахархаж байна. Леопардан даашинз, ягаан өнгийн корсеттэй байсан ч хамаагүй шүтсээр л байх болно.
Беллуччи өөрийн хувийн амьдралаа олны өмнө ил гаргах дургүй. Магадгүй тийм ч учраас дэлхийн хэмжээний од болохоосоо өмнө тэр болгон олон нийтийг хамарсан арга хэмжээнд хүрэлцэн ирдэггүй байсан байж болох юм. Тэгээд ч сошиал сүлжээнээс түүний тайзан дээр авахуулсан гэрэл зургуудыг ч тэр болгон олж харахгүй: Моника нэг хэсэг загвар өмсөгчөөр ажиллаж байсан гэдэг. Беллуччи анх удаа Берлиний 51 дүгээр кино наадам дээр алдартай жүжигчний хувьд 2001 онд олны өмнө гарч ирж байжээ. Тэр үед хагас гэрэлтсэн ягаан өнгийн даашинз өмсөж зөөлөн хүрэн алчуураар чимсэн байсан юм. Энэ бол Беллуччигийн хувьд маш ховор зүйл: тэр бараан өнгийн гоёл өмсөх дуртай нэгэн.
2003 онд “The Matrix Reloaded” киноны нээлтэнд корсет бүхий атласан даашинзтай ирж байжээ.
Адил загварын гэхдээ илүү тод өнгөтэй гоёлыг хэдэн хоногийн дараа Каннд өмсөж ирсэн байв. Урт хар нимгэн бээлийгээр дүр төрхөө тодосгож өгснийг та харна уу.
Сонирхуулж хэлэхэд, Беллуччи 2003 онд Каннын кино наадамд хөтлөгчөөр оролцжээ: арга хэмжээний нээлт болон хаалтыг хөтөлсөн юм. Нээлтийн арга хэмжээн дээр цагаан өнгийн гоёлоор гоёсон байв.
Моника шулуун эсвэл бага зэрэг сул ороосон үстэй байхыг хүсдэг. Гэхдээ 2004 онд үсээ бүр буржийлгаж туршилт хийжээ.
Моника Беллуччи нөхөр Венсан Касселийн хамт.
Тэр онд охин Дева нь төржээ. Папарацци залуу ээжийн мөрийг алдалгүй мөpдөж байсан ч Моника, Венсан хоёр охиноо сониуч хүмүүсийн харцнаас чадлаараа нууж байлаа. Гэсэн хэдий ч Беллуччи, охин хоёрын гэрэл зураг хэвлэл мэдээллийн хэрэгслээр нэг биш удаа гарчээ. Жүжигчин өдөр тутмын амьдралдаа ч гэсэн улаан хивсэн дээгүүр алхаж байгаа шигээ л харагддаг. Тэр өөрийн хэв маягийг нарийвчлан боддог нь илт, охинтойгоо тоглохоор гарахдаа ч мөн адил.
2005 онд Беллуччигийн тоглосон “The Brother Grimm” кино дэлгэцнээ гарсан юм. Киноны нээлт дээр шал шүргэсэн хар даашинзтай иржээ. Энэ бол Моникагийн дуртай загвар.
Жүжигчин улаан өнгөнд дуртай бөгөөд ийм өнгийн олон гоёлтой. 2006 онд “Io e Napoleone” киноны нээлт дээр даруухан гоёлтой улаан даашинзтай иржээ.
2008 оны Канны кино наадамд дахиад л цагаан даашинзаар гоёсон байв. Энэ удаад холливуд үсний засалттай.
2009 онд Моника Беллуччи Women’s World Award шагнал хүртсэн бөгөөд шагнал гардуулах ёслолд ирэхдээ зөөлөн нил ягаан өнгийн даашинзаар гоёжээ.
Анималист хээ хэв маягийг гyтаадаг гэж үздэг. Харин Моника леопардын гоёлд ч, далдлалтын хээтэй даашинзтай ч үзэсгэлэнтэй харагдсан хэвээр.
Моникад ретро хэв маягийн хувцас үнэхээр зохидог. 2017 онд Virna Lisi Award шагнал гардуулах ёслолд ирэхдээ 50-иад оны үеийн даашинзаар гоёжээ. Хар өнгө дээр цагаан бөмбөлгөн хээтэй, хар цулгуй ханцуйтай даашинзтай ирсэн түүний “Кино урлагт оруулсан хувь нэмэр”-ийг нь үнэлж шагнажээ.
Беллуччи шулуун өмдтэй костюм өмсөх дуртай, энэ загвар нь ч түүнд зохино. Жишээ нь, гутал далдалсан өмд – өөрийн эрхгүй хөлийг урт болгож харагдуулдаг загвар.
Жүжигчин зөөлөн гэгээн өнгийн гоёлоор тэр болгон гоёдоггүй. Тийм учраас бид түүнийг San Sebastian International Film Festival шагнал гардуулах ёслол дээр ирэхэд нь шууд таниагүй юм.
2019 онд хэвлэл мэдээллийн хэрэгслээр Моникагийн шинэ найз залуу болон францын зураач Николь Лефеврын тухай ихэд шуугисан. Тэд цугтаа Каннын кино наадмын үдэшлэгт ирцгээжээ. Энэ удаад жүжигчин хурц өнгийн даашинзаар гоёсон байв. Огт түүний хэв маяг биш, гэхдээ түүнд ярих зүйлгүй зохижээ.
Беллуччигийн гоёл ер нь л цээжээрээ онгорхой байдаг, мөн битүү захтай гоёл ч түүнийг сайхан харагдуулдаг юм. 2018 онд “Льюмер” кино шагнал гардуулах ёслол дээр Моника улаан даашинз, өндөр өсгийтэй гуталтай иржээ. 52 насандаа ийм туфль дээр чөлөөтэй алхана гэдэг амаргүй.
Моника одоо ч гэсэн өөрийн хэв маягийг өөрчлөхийг хүсэхгүй байна. Тэр цээжээрээ задгай, хагас гэрэлтсэн топ өмссөөр л, ингэлээ гээд тэр огт муухай харагдахгүй, харин ч хараа булаана. Үүнд нь чанартай пиджак, өмд ч нөлөөлөө биз. Мөн түүний баримталдаг хэзээ ч өөрчлөгдөхгүй гэдэг алтан дүрэм: дээгүүрээ эсвэл доогуураа задгай байх.
Моника Беллуччигийн ямар дүр төрх танд хамгийн их таалагддаг вэ?