Киану Ривз жүжигчний карьераа эхлүүлснээс хойш өдий хүртэлх хугацаанд дүр төрхөө ямар их өөрчилснийг харуулах 15 гэрэл зураг

Aaron Rapoport / Corbis Historical / Getty Images, Invision/Invision/East News

Дуртай жүжигчнээ өдөр бүр телевизээр хардаг бол та магадгүй түүнийг хэрхэн өөрчлөгдөж буйг төдийлөн анзаардаггүй байж мэдэх юм. Харин түүний дөнгөж олны танил болж эхэлж байх үеийн зурагтай өнөө үеийн төрхийг нь харьцуулан харвал ямар их өөрчлөгдсөн гэдгийг нь хялбархан анзаарах биз ээ. Харин Киану Ривзийн хувьд цаг үргэлж л үзэгчдийнхээ хайртай жүжигчин байсаар ирснийг гэрчлэх 15 зургийг танд толилуулж байна.

1. 1984

1984 онд Киану Ривз Канадын Телевизүүдийн Нийгэмлэгт сурвалжлагч хийдэг байв. Тухайн жилдээ тэрээр жүжигчний гараагаа эхэлж Hangin’ хэмээх бүтээлд тогложээ. Энэ нь ч түүний хувьд чамгүй сайн эхлэл байв.

2. 1987

Киану театрт туслах жүжигчин хийх болов. Түүнчлэн 1985 онд Кока Коланы сурталчилгаанд ч тоглоод амжсан байна. Ийнхүү тэрээр 1986 онд Петер Марклын бүтээл “Youngblood” кинонд тоглосноор түүний дэлгэцийн кино урлагийн замнал эхэлжээ. Тухайн үед түүнийг сэтгэл татам, энгийн нэгэн хэмээн тодорхойлж байв.

3. 1991

1991 онд Ривз “Bill & Ted’s Bogus Journey” хэмээх кинонд гол дүр бүтээж, “Bill & Ted’s Excellent Adventure” кинонд ч тоглоод амжив. Шүүмжлэгчдийн зүгээс ч түүнийг өндрөөр үнэлж эхэлсэн жил байв. Тухайн жилээс эхлэн тэрээр насанд хүрсэн хүний дүр бүтээж эхлэв.

4. 1994

Түүний урлагийн замнал тун амжилттай байж олон улсын тавцанд нэр алдар нь өдрөөс өдөрт түгэж эхлэв. 1994 онд тэрээр Сандра Буллокын хамтаар “Speed” кинонд тоглов. Тэрээр тус кинонд бүтээсэн цагдаагийн дүрдээ орохын тулд үсээ хусч, 2 сарыг бэлтгэл хийхэд зарцуулан, булчингийн масс нэмж байв.

5. 2000

1994-2000 оны хооронд Киану “Johnny Mnemonic”, “A Walk in the Clouds”, “Chain Reaction”, “The Devil’s Advocate” зэрэг олон кинонуудад дүр бүтээснээс хамгийн амжилттай нь “The Matrix” байлаа. Энэ цаг үеэс л Киануг дэлхий даяар шүтэн биширч, хайрлах болсон билээ.

Урлагийн замнал нь дардан байсан ч хувийн амьдрал нь төдийлөн аз жаргалтай байсангүй. 1999 оны сүүлээр Ривзийн найз охин Феннифер Сим 8 сартай жирэмсэн байхдаа зулбав. Удалгүй хосууд хоёр тийш болжээ.

6. 2001

2001 оны 4-р сарын 2-ны өдөр Ривзийн хуучин найз бүсгүй авто машины ослоор өөд болов. Энэ явдал түүний амьдралыг орвонгоор нь өөрчилж, түүний ертөнцийг харах өнцгийг нэг мөр өөрчлөв.

Киану инээдмийн романтик төрлийн кинонд дүр бүтээж эхлэв. Тухайлбал тэрээр Шарлиз Тероны хамтаар “Sweet November” кинонд тоглосон билээ.

7. 2002

2002 онд түүний “Dogstar” рок хамтлаг тарснаар Ривзийн хөгжмийн замнал дуусав. 2002 онд дэлгэцийн уран бүтээлд тоглоогүй бөгөөд дараа жил нь “The Matrix” киногоороо эргэн ирсэн билээ.

8. 2005

2005 онд Ривз ихээхэн дуулиан шуугиантайгаар “Constantine” кинонд тоглов. Тус киноны нийт ашиг орлого дэлхий даяар 230 сая долларт хүрч байв. Харин шүүмжлэгчдийг зүгээс түүнийг сайшаасан, өөлсөн олон янзын сэтгэгдлүүд нийтэлж байжээ.

9. 2008

Ривзийн хувьд 2008 он төдийлөн амжилттай байгаагүй юм. Найруулагч Давид Айэрын гэмт хэрэг, триллер төрлийн “Street Kings” кинонд тоглосон боловч шүүмжлэгчид түүнийг сонирхолгүй, ямар ч хувиралгүй хэмээн шүүмжилжээ.

10. 2009

2009 онд тэрээр Александра Гранттай учирсан бөгөөд хожим хамтдаа хоёр ч ном бичсэн билээ. Үүнээс хойш Ривз хувийн амьдралаа 2019 оны 11-р сар хүртэл олон нийтээс нууж, чимээгүйхэн амьдарсан билээ.

11. 2010

2010 онд Ривзийн цэцэрлэгт хүрээлэнгийн сандал дээр гуниглан суугаа зураг интернэтэд мийм болов. Тухайн жилийн 6-р сарын 15-ны өдрийг түүний шүтэн бишрэгчид “Цовоо байгаарай Киану” хэмээх өдөр болгон зарлав.

12. 2012

2011 онд тэрээр Александра Грантын хамтаар “Ode to Happiness” хэмээх ном бичив. Харин 2012 онд тэрээр “Side by Side” нэртэй баримтат бүтээлд тоглов. Мөн “Generation Um…” хэмээх драмад дүр бүтээсэн ч хүчтэй шүүмжлэлд өртжээ.

13. 2013

2013 онд тэрээр “47 Ronin” кинонд тоглож Японд нээлтээ хийсэн ч бүтэлгүйтэв. Тус киноны талаарх үзэгчдийн сэтгэгдэл тийм ч таатай биш байсан тул Universal Pictures кино компани тус киноны сурталчилгааг ч багасгав.

14. 2014

2014 онд бол түүний амьдралын чухал он жилүүдийн нэг байв. Тэрээр “John Wick”-ийн дүрд тоглосноор түүний жүжигчний замнал дахин сэргэсэн юм. Шүүмжлэгчид түүнийг тулаант киноны төрөлд албан ёсоор эргэн ирснийг мэдэгдэж байв.

15. 2019

2019 онд Киану Ривз олны өмнө Александра Гранттай хөтлөлцөн явж буй нь олон нийтийн сүлжээгээр цацагдав. Түүний шүтэн бишрэгчид нь түүнийг ганц бие амьдралаа эцэслэж буйд нь туйлын таатай хандаж байв.

Танд Киану Ривзийн аль төрх илүү таалагдаж байна вэ? Түүний тоглосон хамгийн дуртай кино чинь ямар кино вэ?

5

Гоё

5

Гайхмаар

1

Бахархмаар

0

Ха Ха

0

Хөөрхөн

0

Харамсалтай

0

Тэнэглэл

0

Буруу

Баярлалаа!