Сугалаа бол цэвэр азын тоглоом гэдэгт хэн ч эргэлзэхгүй биз ээ. Хэрэв таны аз таарвал та сая саяыг ч хожих боломжтой. Гэхдээ зөвхөн азанд найдана гэдэг тийм ч зөв сонголт биш л болов уу, гэтэл Сингапурын 48 настай нэгэн бизнесмэн сугалаанд хожих нууц хөзөр юу гэдгийг олж мэдсэн бололтой!
Тэрээр Тайланд улсын Сонг Савой хэмээх нэгэн сүмд хэд хэдэн удаа очиж мөргөл үйлдсэн бөгөөд үүнийхээ дараагаар их хэмжээний шагналын сантай сугалаанд ялжээ.
China Press агентлагийн мэдээлснээр сингапур бизнесмэн эрийн хожсон мөнгөний хэмжээ тодорхойгүй байгаа бөгөөд олон сая бат-аар (тайланд мөнгөн дэвсгэрт) хэмжигдэнэ гэж таамаглаж буй ажээ. Тэрээр Тайланд улсад 20 гаруй жилийн турш суурьшин амьдарч буй бөгөөд найзуудаасаа уг сүмийн талаар сонсож, сугалаанд хожих хүсэл өвөртлөн сүсэглэн очсон гэнэ.
Сугалаанд хожсоны дараагаар сингапур бизнесмэн эр мөргөл үйлдэж байсан сүмдээ 1 сая бат буюу Монголоор 94 сая орчим төгрөг хандивлажээ.
Сүмийн хамба лам хандивын мөнгийг хийдээ сэргээн засварлах ажил болон бурхан бүтээх ажилд зориулна хэмээн мэдэгджээ. Энэхүү сүмд ямар далдын хүч нуугдаж байгааг мэдэхгүй ч хөл хорио цуцлагдаж, хэвийн амьдралдаа хүн төрөлхтөн орох үед олон хүмүүс очиж мөргөл үйлдэж эхлэх нь гарцаагүй биз ээ.
Atartungalag Atartungalag Atartungalag
2020/11/27 at 08:13
Бодолын хүч нь шүү дээ тэрнээс бурханд залбирсанд биш