Жүжигчин Сергей Безруков алдарт “Бригада” киноныхоо Саша Беловын дүрээр эргэн ирж, үзэгчдийн дунд томоохон шуугиан тарилаа! Та үзэж амжсан уу?

Тимати, Егор Крид болон Жиган нар “Rolls Royce” нэртэй шинэ дуугаа дүрсжүүлэн цацжээ. Энэ бол Black Star лейблээс явснаас хойших анхны хамтарсан уран бүтээл болж байгаа юм. Дууны шинэ клипний найруулга НТВ сувгаар гарч алдаршиж байсан дээрэмчдийн тухай олон ангит киноны үйл явдлыг санагдуулам. Зураглаачаар нь Павел Худяков ажиллажээ.

Гэхдээ үзэгчдийн хувьд таван минут үргэлжлэх энэ клипний төгсгөл илүү гэнэтийн бэлэг болсон юм. Кадрт нь гэнэт Сергей Безруков гарч ирнэ, зүгээр ч нэг гарч ирэхгүй хамгийн алдартай дүрээрээ буюу 2000-аад оны үед шуугиулж байсан “Бригада” олон ангит киноны Саша Белов дүрээр.

Тимати, Жиган болон Егор Крид нарын дуулсан Rolls Royce дууны клип

Клипний үйл явдлаас товч дурдвал, Крид, Тимати болон Жиган нар гэмт хэрэгтнvvд бөгөөд Егор хувийн алyyрчин, Тимати казинод тоглодог, харин Жиган Москва хотын төвд байрлах харилцаа холбооны худалдаа, үйлчилгээ эрхэлдэг төвийн хамгаалагч. Өөрсдийн ажил төрлөө дуусгаад тэд уулзалдаж өрсөлдөгчийнхөө бааз руу дайрдаг. Тэр бааз нь угтаа сүши-бар нэр дор халхлагдсан хууль бус үйлдвэрлэл явуулдаг төдийгүй мөнгөө хадгалдаг газар нь юм.

Егор Крид Rolls Royce дууны клипэнд тоглож байгаа нь

Тимати Rolls Royce дууны клипэнд

Гэмт хэрэгтнvvд цүнхээ бэлэн мөнгөөр дүүргэж аваад хотоос зугтахыг оролдоно. Дээрэмчид эхлээд төлбөртэй замаар явахаар шийддэг, гэсэн хэдий ч эцсийн мөчид Жиган энэ шийдвэрээс татгалзаад “мөнгөө хэмнэх” үүднээс илүү тойруу замаар явах санал тавина. Тимати, Егор хоёр ч энэ саналыг нь дэмжжээ. Дараагийн кадр гарахад тэд машиныхаа бүхээгт аль хэдийн алyyлсан байдаг.

Тимати, Жиган хоёр Rolls Royce дууны клипэнд

Сергей Безруков Rolls Royce дууны клипэнд

Найруулагч үзэгчдэд гэмт хэргийн газраас хөдөлж байгаа гартаа буу барьсан хүнийг араас нь харуулжээ, тэр хүн өөрийн эрхгүй Жиганыг санагдуулмаар. Клипний төгсгөлд багтай хүн багаа авч харагдана, энэ үед л Саша Беловын дүрээрээ Сергей Безруков гарч ирнэ дээ. Тэр камер рүү харж нүдээ ирэмчихээд цааш явснаар клип дуусдаг.

Сергей Безруков 2000-аад оны үед алдаршиж байсан гэмт хэргийн бүлэглэлийн тухай олон ангит киноны дүрээрээ дахин гарч ирсэн нь интернет хэрэглэгчдийн дунд багагүй шуугиан тарилаа.

Сергей Безруков уг нь Саша Беловын дүрээр дахин дэлгэцнээ гарах төлөвлөгөөгүй байгаа гэж саяхан ярьж байсан удаатай. 2010 онд алдартай киноны богино хэмжээний үргэлжлэлийг найруулагч Денис Алексей хийхэд ч Безруков кинонд тоглохоос татгалзсан юм. Тэр үед Безруковыг орлон тоглогч орложээ.

Энэ оны 9 дүгээр сард “Известия” сонинд өгсөн ярилцлагаараа ч Саша Беловын дүрийг дахин тоглохгүй гэж ярьж байсан:

“Зүгээр нэг залхсандаа ч тэгж байгаа юм биш л дээ, бүр муухай санагдаад байгаадаа би дахиж тоглохгүй гэж байгаа юм: би одоо 47 настай, тэгээд би Саша Белов хэвээрээ байх юм уу? Бидэнд “Бригада”-гийн үргэлжлэл хэрэггүй. Анхны сайхан сэтгэгдэл байгаа, тэрийг эвдэх ямар ч хэрэг алга. “Загалмайлсан эцэг” болсон Саша Беловын дүрийг би 27 настайдаа бүтээж байсан. Дэлхийн “загалмайлсан эцэг” дундаас би хамгийн залуу нь – тэр үед залуу ч байж, омголон ч байж.”

Тимати, Егор Крид, Жиган нар Сергей Безруковыг яаж ятгасан нь тодорхойгүй нууц хэвээр үлдлээ. Клип ч үнэхээр алдаршжээ: ганц хоногийн дотор гэхэд л YouTube дээр сая гаруй үзэлттэй болсон байна.

Жиган Rolls Royce дууны клипэнд

Тимати болон Егор Крид Rolls Royce дууны клипэнд

Видео клипийг бүтнээр нь үзэх

11

Гайхмаар

7

Гоё

4

Хөөрхөн

4

Ха Ха

4

Буруу

3

Харамсалтай

2

Тэнэглэл

1

Бахархмаар

Баярлалаа!