Нурууны булчинг бэхжүүлж, сулбагар байдлаас ангижрахад туслах йогийн 10 байрлал – 100% үр дүнтэйгээс гадна хийхэд маш амархан!

0
0
19,102

Биеийн байрлал зөв байснаараа толгойн өвчнөөс сэргийлэх, цусны эргэлт болон хоол боловсруулалтыг сайжруулах, тэр бүү хэл уушгины багтаамжийг нэмэх ач тустай. Буруу суух, бөгтийх, мөрөө унжуулах болон гар утас руугаа харж толгойгоо доош болгох нь биеийн зөв байрлалыг үгүй хийхэд хүргэдэг. Аз болоход нурууг эргээд бэхжүүлэхэд туслах йогийн байрлалууд гэж бий.

Та эдгээр йогийн байрлалуудаар өдөр тутам хичээллээрэй. Богино хугацаанд үр дүнд хүрэх болно!

1. Тулгуур байрлал

  • Нуруугаа эгц байрлуулж, шалан дээр суух бөгөөд хөлөө урагш сунгана.
  • Гараа ташааныхаа хажууд авч, мөрөө чихнийхээ харалдаа хойш нь байрлуулна. Гарын алгаа шаланд тэр чигт нь хүргэх гээд хичээгээрэй. Бүр болохгүй бол өөрийнхөө чадах хэмжээнд хүргэсэн ч болно.
  • Хөлөө идэвхтэй байлгах бөгөөд ингэхдээ хөлөө уян хатан байх тал дээр анхаарч, хөлийнхөө булчингуудыг чангалаарай.

Энэ байрлал амархан санагдаж мэдэх ч, удаан ингэж суух тусам хэцүү болно. Хэрэв та энэ байрлалаар 7 минут суух юм бол, таны нуруу улам бэхжинэ.

 

2. Нам кобра

  • Хэвлийгээрээ доош харан хэвтэж, гараа хавирганыхаа ойролцоо тавихдаа тохойгоо нугална.
  • Цээжээ шалнаас хөндийрүүлж өргөх бөгөөд ингэхдээ гартаа аль болох бага ачаалал өгөөрэй. Оронд нь нурууныхаа булчинг чангалаарай.
  • Амьсгал дээрээ анхаарлаа хандуулна. Амьсгаа авч, эргээд амьсгалаа гаргана.
  • Энэ байрлалын өөр нэг төрөл нь цээж болон гараа хамтад нь шалнаас хөндийрүүлэх юм. Ингэснээр нурууг илүү идэвхтэй болгоно. Энэ байрлалд хэд хэдэн удаа амьсгаагаа авч, эргээд гаргаарай.

 

3. Нум байрлал

  • Гэдсэн дээрээ доош харан хэвтэнэ.
  • Нуруу хэсгээрээ нумарч, гараараа хөл эсвэл шагайгаа барина.
  • Цээж болон хөлөө шалнаас хөндийрүүлж өргөнө. Ингэхдээ хөлөө ташаатайгаа паралель байлгах гээд хичээгээрэй.
  • Мөн энэ байрлалыг авахдаа мөрнийхөө булчинг чангална. Энэ байрлалыг авах үедээ хэд хэдэн удаа амьсгална.

 

4. Ширээний тавцан болон урвуу планк

  • Суух байрлалаас эхэлнэ.
  • Бугуйгаа дотогш эргүүлж, мөрнийхөө доор байрлуулах бөгөөд ингэхдээ ташаагаа өргөнө. Өвдгөө нугална.
  • Ташаагаа өргөж, хөл болон гараа 90 градусын налуу болгоно.
  • Илүү үр дүнтэй байхын тулд эсрэг планк хийгээд үзээрэй. Суух байрлалаас эхэлнэ. Бугуйгаа мөрнийхөө доор дотогш эргүүлэн байрлуулж, хөлөө урагш тэнийлгэнэ.
  • Хөлийн хуруунууд шалан дээр тэгш байрласан байх бөгөөд ташаагаа өргөнө.

Ширээний тавцан болон урвуу планк байрлалууд сээр нурууг бэхжүүлж, мөрийг өргөн болгодог.

 

5. Гүүр байрлал

  • Нуруун дээрээ дээш харан хэвтэж, хөлийнхөө улыг шалан дээр байрлуулах бөгөөд ингэхдээ өвдгөө нугална.
  • Гараа биеийнхээ доор байрлуулна. Гарын хуруунууд хөлийн өсгийнд хүрэх ёстой. Гэхдээ өсгийтэйгөө ойрхон байрлуулсан ч болно.
  • Хөлөндөө ачаалал өгч, ташаагаа дээш өргөнө. Энэ үед өвдөг болон ташаа нэг шугамд огтолцох ёстой.

Гүүр байрлалыг бид ихэвчлэн өгзөг, гуяны булчингаа хөгжүүлэхийн тулд түгээмэл хийдэг. Нуруугаа бэхжүүлэхийн тулд та биеэ өргөсөн байрлалд өгзөг болон гуяа сайн амраах хэрэгтэй. Ингэснээр нурууны доод хэсгийн булчингууд ажиллах юм. Та амьсгалтайгаа сайн ажиллаарай. Амьсгаагаа авч, эргээд гаргана эсвэл биеэ өргөсөн чигээрээ хэсэг хугацаанд энэ байрлалаа хадгалаарай.

 

6. Царцаа байрлал

  • Гэдсэн дээрээ доош харан хэвтэж эхэлнэ.
  • Гараа биенээсээ зайтай авч, нурууныхаа ард байрлуулна.
  • Цээж, гар болон хөлөө зэрэг өргөнө. Аль болох бүгдийг нь дээшээ өргөхийг хичээгээрэй.
  • Мөн та гараа урагш эсвэл хоёр хажуу тийш нь өргөж болно. Энэ байрлалыг авч, аль болох удаан байхыг хичээгээрэй.

 

7. Сфинкс байрлал

  • Гэдсэн дээрээ доош харан хэвтэнэ.
  • Тохойгоо мөрнийхөө доор байрлуулна. Гараа шалан дээр тавихдаа хооронд нь паралель байлгана.
  • Мөрөө чихнийхээ ард байрлуулах хэрэгтэй.
  • Цээжээ өргөхдөө гар дээрээ тулна.
  • Хөлөө идэвхтэй байлгаж, хөлийнхөө хуруунуудаар шаланд тулж болно.

 

8. Нуруу нугасны тэнцвэр

  • Ширээний тавцан байрлалаар эхэлнэ. Бугуйгаа мөрнийхөө доор байрлуулах бөгөөд өвдөг ташааны доор байх ёстой.
  • Баруун гараа урагш нь тэнийлгэж, зүүн хөлөө хойш нь өргөнө. Ингэхдээ шалтай паралель байх ёстой.
  • Ингэхдээ нуруугаа нугалж болохгүй.
  • Энэ байрлалыг авахдаа хэд хэдэн удаа амьсгалаад дараа нь эргээд ширээний тавцан байрлал руу шилжинэ. Зүүн гар болон баруу хөлөндөө давтаж хийгээрэй.

 

9. Сандал байрлал

  • Хоёр хөлөө нийлүүлж зогсох эсвэл хооронд нь бага зэрэг зайтай зогсож эхэлнэ.
  • Өвдгөө өөрийнхөө чадах хэмжээнд нугална. Гэхдээ хэрэв та сандал дээр сууж байгаа бол хэтэрхий доош нугалах хэрэггүй.
  • Нуруу нугалж болохгүй. Ташаа хэсгээ хойш болгож, бүсэлхийнээс дээгүүрх биеэ үл ялиг урагш болгоно. Нуруу тэгшхэн байна.
  • Гарынхаа алгыг нүүр рүүгээ харуулж, дээшээ өргөнө. Гараа өндөрт өргөх тусам, та мөрөө илүү их сунгаж байгаа юм шиг санагдана.

 

10. Гараа өргөсөн чигээр хагас өргөнө

  • Хагас өргөсөн байрлалаар эхэлнэ.
  • Хөлөө шулуун байрлуулна эсвэл бага зэрэг нугалж болно. Гэхдээ хамгийн чухал нь таны нуруу шалтай паралель байх ёстой.
  • Таны оролдож үзэж болох гарын 3 байрлал бий. Та гараа хоёр хажуу тийш нь алдалж болохоос гадна нурууныхаа ард эсвэл урагш нь сунгаж болно. Аль ч нөхцөлд таны гар шалтай паралель байх ёстойг санаарай.

Нуруу бөгтийх нь таны хувьд асуудал болж байна уу? Өөр бөгтөр засах нурууны ямар дасгалуудыг та мэдэх вэ?

4
ГайхмаарГайхмаар
2
ГоёГоё
1
ХөөрхөнХөөрхөн
0
Ха ХаХа Ха
0
БахархмаарБахархмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Фейсбүүк сэтгэгдэл

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.