Урлагт гайхамшгийг бүтээж яваа тусгай хэрэгцээт болон хөгжлийн бэрхшээлтэй 23 хүн. Тэд бол яах аргагүй үлгэр жишээ болсон баатрууд!

Статистик тооноос харахад дэлхий дээр 650 сая орчим хөгжлийн бэрхшээлтэй хүн амьдардаг. Тэдний ихэнх нь өөрийгөө хүндээр хүлээж авч сэтгэлээр унадаг. Гэхдээ өөр замыг сонгосон хүмүүс ч цөөнгүй. Тэд бол баатар. Одоо ч, цаашид ч олон хүний үлгэр жишээ болно.

Өнөөдрийн манай нийтлэлийн эзэд бол хөгжлийн бэрхшээлтэй болон тусгай хэрэгцээт уран бүтээлч хүмүүс. Хүнд өвчин эсвэл хөгжлийн бэрхшээлтэй ч гэлээ тэд өдөр бүр боломжгүйг бүтээж чаддаг хүмүүс.

Мариуш Кежиерский төрөлхийн гаргүй нэгэн, гэхдээ тэр хүсэл мөрөөдлөө биелүүлж чадсан. Тэрээр гиперреалист зургууд зурдаг ажээ

Стивен Уилтширийг 3 настай байхад нь аутизм гэсэн онош тавьжээ. Тэрээр дурын хотын панорам зургийг яг таг зурж чаддаг. Нэг удаа хараад л бүгдийг цээжээрээ алдаагүй зурж чадна

Айрис Грейс аутизмтай. Эцэг эх нь хэл ярианы эмчилгээ хийлгэхийн зэрэгцээ түүнийг зургийн дугуйланд явуулдаг. Хичээлийн үеэр бүх зүйл тодорхой болсон юм, Айрис – төрөлхийн авьяаслаг зураач

Пол Смит төрөлхийн хөгжлийн бэрхшээлтэй нэгэн. Тэр хүссэнээрээ хөдөлж чадахгүй, гэхдээ бичгийн машин дээр зурсан түүний бүтээлийг харсан хэн ч алмайрна. Тэр ганц хуруугаараа л бүхнийг зурдаг

Питер Лонгстафф гаргүй төрсөн. Түүний ээж нь жирэмсэн байхдаа талидомид хэрэглэж байсны үр дагавар ажээ. Гэхдээ тэр өөрийгөө хэзээ ч хөгжлийн бэрхшээлтэй гэж боддоггүй, тэр хөлийнхөө хуруунд бийрээ хийгээд л гайхалтай сайхан зургуудаа зурдаг

Жей-Си Шейтан Тенет – эрэлт ихтэй шивээсний-мастер. Ажлын гарыг нь шивээсний машин суурилуулсан төмөр протез орлосон ч гэлээ үйлчлүүлэгчээр огт тасрахгүй

Хуан Гоуфу 4 настай байхдаа цахилгаан гүйдэлд цохиулаад гаргүй болсон. Хүүд уран зураг таалагддаг байжээ, 12 настайгаасаа тэр хөлөөрөө зураг зурж сурсан юм. Мэргэжлээрээ тэр багагүй амжилтад хүрээд байгаа залуу

Бөх барилдаж байхдаа авсан гэмтлийнхээ улмаас Дуг Лэндис хүзүүнээсээ доош мэдээгүй болжээ. Зул сарын баяраар гэрт нь ирсэн нэгэн баярын мэндчилгээг хараад дуурайлгаж зурахаар шийдэн амандаа анх харандаа зуусан гэдэг

Дуг Жексон хөгжлийн бэрхшээлтэй. Тэрээр тэргэнцэрт хадагдсан гэхэд болно. Гэсэн хэдий ч эх орондоо импрессионист зураач гэдгээрээ алдартай хүн

Уттам Кумар Бхардвай – хөлийнхөө тусламжтайгаар зураг зурдаг зураач. Түүний уран бүтээл урлагийн салбараас 33 орчим шагнал авсан юм

Жон Брамблитт бараг л хараагүй нэгэн. Тэр гэрэл, харанхуйг л дөнгөн данган ялгаж чадна. Гэхдээ тэр уран зураг зурдаг, өөрийнхөө мэдрэмжээр будгаа ялгаж бүтээлээ туурвина

Виктория Флод Фладд 26 насандаа хараагүй болжээ. Тэр яаж зурдаг нь одоо болтол нууц хэвээрээ л байна

Аннетт Габбеди – дархан, өөрийн гэсэн онцлогтой чамин гоёл чимэглэл урладаг. Төрөлхийн хуруугүй төрсөн нь түүний ажил хөдөлмөрт огт саад болохгүй

Хөгжлийн бэрхшээлтэй Ираны зураач Фатима Хамами сэтгэлээр огтхон ч унадаггүй, энэ удаад хөлөөрөө Кристиано Рональдогийн хөрөг зургийг зуржээ

Стив Чамберс – маш ховор тохиох өвчтэй, түүний гаранд булчингийн холбоос байхгүй. Тиймээс шүдэндээ бийрээ зуугаад л бүтээлээ туурвина

Мариам Парер америкийн зураач, Чак Клоузын хөрөг зургийг амаараа зуржээ. Ганц ч үрчлээс зөрүүлэлгүй яг зурж чадсан байна

Янг Из цаасан хайчилбар хийдэг. 10 настайдаа хүнд өвчин туссан нь түүний мэдрэлийн системд ихээр нөлөөлжээ. Гар нь тэр болгон өөрт захирагдахгүй, тиймээс ихэнх ажлаа нүүрээрээ хийхэд хүрдэг.

Десмонд Блейр гарын сарвуугүй төржээ, гэхдээ тэглээ гээд алдартай бас жирийн хүмүүсийн хөрөг зургийг зурахад ер саад болсонгүй

Брайан Тагалог хоёр гаргүй төрсөн ч энэхүү бэрхшээл нь жирийн хүний бүтэн амьдралаар амьдрахад огтхон ч нөлөөлсөнгүй. Тэр үнэхээр чадвартай. Тэрээр өөрийгөө дэлхий дээрх цорын ганц гаргүй мэргэжлийн шивээсний мастер гэж үздэг.

Жеймс Данн ховор тохиох өвчтэй – буллезийн эпидермоз. Түүний арьс маш эмзэг, юм л бол шархалж эсвэл хөхөрнө. Гараа ашиглаж чадахгүй ч гэсэн онцгой сайхан гэрэл зураг дардаг хүү. Тэрээр дэлхий дахиныг өөрийн нүдээр ингэж л хардаг байх

Амшигтай авто ослын дараа Кит Янс хөгжлийн бэрхшээлтэй болжээ. Гэхдээ тэр шүдэндээ бийрээ зуугаад зураг зурж сурсан

Хөгжлийн бэрхшээлтэй зураач Лиэнн Битэм сэтгэл хөдөлгөм зураг зурна. Бас л амандаа бийрээ зуугаад зурах ажээ

Вьетнамын дайны ахмад дайчин тэргэнцэр дээр зүгээр суухыг хүссэнгүй. Амныхаа тусламжтайгаар урлагийн бүтээл туурвиж байна

25

Гоё

4

Гайхмаар

2

Хөөрхөн

2

Буруу

1

Харамсалтай

1

Бахархмаар

1

Ха Ха

0

Тэнэглэл

Баярлалаа!