Бид хэн нэгэн хүнтэй танилцаад нэг минут ч болоогүй байж тухайн хүнийхээ талаар эерэг ба сөрөг хандлагын мэдээлэлтэй болсон байх нь олонтаа тохиолддог. Иймээс та бүхэнд дөнгөж танилцсан шинэхэн танилдаа эерэг сэтгэгдэл төрүүлэхэд тань багахан ч болов туслах үүднээс дараах мэдээллийг бэлтгэлээ.
1. Нүд рүү нь харах
Ярилцаж буй хүнийхээ нүд рүү харах нь нээлттэй, өөртөө итгэлтэй байгааг илтгэдэг. Үйл хөдлөлөөс илүүтэйгээр тухайн хүнийхээ нүд рүү харах нь тэдэнд таатай сэтгэгдэл төрүүлдэг. Өөртөө итгэлтэй байдлаа давуу байлгаж чадвал та ялагч болох нь тэр.
2. Инээмсэглээрэй
Хүмүүс анх төрсөн сэтгэгдлээрээ бусдыг дурсах нь элбэг байдаг. Иймээс шинээр хүмүүстэй танилцахдаа аль болох инээмсэглэж байгаарай.
3. Мэндлэх
Шинэхэн танилтайгаа шуудхан яриа өрнүүлэх нь таныг бүдүүлэг мэт харагдуулж болох учраас өөрийгөө танилцуулахын өмнө амар мэндийг нь асуух нь зүйтэй. Мэндлэх нь энгийн мэт санагддаг ч ихэнхи тохиолдолд хүмүүс үүнийг орхигдуулах хандлагатай байдаг.
4. Нээлттэй бай
Таньтай анх уулзсан тэр мөчөөс л хүмүүс таныг өөрсдийнхөөрөө дүгнэж эхлэх учраас та өөрийгөө итгэж болохуйц нээлттэй хүн гэдгээ харуулаарай. Гараа эвхэж зогсох, эгц урдаас нь харах, хүрэмнийхээ товчийг бүрэн товчлох зэрэг хаалттай биеийн хэлэмжүүдээс зайлсхийгээрэй.
5. Биеийн хэлэмж чухал
Тааламжтай сэтгэгдэл төрүүлэхэд таны биеийн хэлэмж чухал үүрэгтэй. Ингэхдээ тухайн хүндээ тусгайлан анхаарал хандуулж хүндэтгэлтэй хандаарай.
6. Эерэг бай
Эерэг байдал нь таатай уур амьсгал авчирдаг бөгөөд ихэнхи хүмүүс өөрсдийнх нь амьдралд эерэг нөлөө үзүүлж, гэрэл гэгээ авчрах хэн нэгэнтэй учрахыг л хүсдэг. Иймээс таагүй байдал гаргахаас аль болох зайлсхийгээрэй.
7. Зөвхөн өөрийнхөө тухай ярихаас татгалз
Сандарсан, сэтгэл санаа тайван биш байх үедээ бид өөрийн мэдэлгүй өөрсдийнхөө тухай их зүйл ярьчихдаг талтай. Эсрэгээрээ харилцагчийнхаа тухай илүү их сонирхож, түүний тухай их асуулт асууж, идэвхитэй сонсогч байснаар та түүнд илүү их таалагдах юм.
Зочин
2016/08/23 at 13:00
uls ulsiin soyol oor tul tuhai ulsiin haritsaanii soyoliig medej baisan n deer