17 хоногт 4 кг хүртэл жин хасахад туслах гайхалтай үр дүнтэй хоолны дэглэмийг танд танилцуулж байна

0
0
10,087

Энэхүү 17 хоногийн хоолны дэглэмийг зохиосон эмч Майкл Морено (Michael Moreno) өнөөдөр алдрын оргилд нэгэнтээ хүрчээ. Тэрээр өдгөө ном бичиж, телевизийн шоу хийдэг чамгүй амжилттай нэгэн болжээ. Хэдэн жилийн өмнө Майкл Морено Калифорниа мужийн Сан Диэго хотод гэр бүлийн эмчээр ажилладаг байжээ.

Жил бүрийн зул сарын баярын дараа Морено нэгэн асуудалтай нүүр тулдаг байсан нь түүний үйлчлүүлэгчид баярын дараа жин нэмж, архаг хууч өвчнийг нь хөдөлгөдөг явдал байжээ. Үүнээс үүдэлтэйгээр бидний өнөөдөр танд танилцуулах 17 хоногийн хоолны дэглэмийг тэрээр санаачилжээ.

Freepik

Жин хасах хөтөлбөрийг зохиох явцдаа тэрээр хүн бүр илүүдэл жингийн асуудалд хүргэдэг, өөрчлөхөд хүндхэн муу зуршлынхаа өмнө өвдөг сөгдөж байдгийг олж мэджээ. Түүний зохиосон тураах хөтөлбөр нь гурван үе шатаас бүрдэх бөгөөд шат бүр 17 хоногийн хугацаатай байна.

17 хоног гэдэг тоо зүгээр ч нэг гараад ирсэн санамсаргүй тоо биш ажээ. Учир нь хүний бие 17 хоногт ямар нэгэн хоол хүнсний хязгаарлалт эсвэл хэрэглээнд дасаж байдаг гэнэ. Үүний улмаас бодисын солилцоо болон илүүдэл жингээ хаях үйл явц удааширч байдаг байна. Тиймээс 17 хоногийн хоолны дэглэм барьж дууссаны дараагаар танд өөрчлөх хэрэгтэй зарим нэг зүйлс бас бий.

Freepik
  • Нэгдүгээр үе шат

Энэ шат нь таны бодисын солилцоог хурдасгаж жин хасах нөхцлийг бүрдүүлэх зорилготой. Тиймээс энэхүү эхний 17 хоногийн хугацаанд өдрийн 1200 ккал илчлэг авахыг зөвлөдөг. Та энэ шатанд өөх тосгүй мах, бага зэрэг исгэсэн сүү, гадилаас бусад жимс жимсгэнэ, төмснөөс бусад хүнсний ногоо, ногоон эсвэл ургамлын гаралтай цай уухыг мөн зөвлөдөг байна.

Freepik

 

Та дэлгэрэнгүй мэдээлэл авах бол энд дарна уу

 

  • Хоёрдугаар үе шат

Энэхүү үе шат нь эхний шатанд гаргасан үр дүнгээ барьж үргэлжлүүлэн жин хаях 17 хоног байх болно. Өдөрт авах илчлэгийн хэмжээ 1200ккал-1500ккал байх хэрэгтэй бөгөөд зөвшөөрөгдөх өөх тосны хэмжээ нэг удаад 100–350кж ихгүй байна. Өөрөөр хэлбэл 1 цайны халбага майноз эсвэл хүнсний ногооны тос, 170 гр өөх тос багатай мах, тал порц туна загасны саладтай тэнцдэг.

Freepik
  • Гуравдугаар үе шат

Энэ үе шат нь таны хооллох хэв маягийг дэлхий нийтэд зүйтэй хэмээн үнэлэгдээд буй эрүүл хооллолтын дэглэмд хүргэх 17 хоног байх болно. Энэ хугацаанд та амт чанартай бөгөөд олон төрлийн тэжээллэг хүнс хэрэглэх хэрэгтэй. Ерөнхийдөө хоёрдугаар үе шатны хоолны дэглэмтэй төстэй боловч авах уургийн хэмжээг хязгаарлаж өгсөн байдгаараа ялгаатай. Гэсэн хэдий ч та хундага дарстай хөнгөн зууш, жимс, бүр бага зэрэг шоколад ч идэж болно гээч!

Freepik

Энэхүү хоолны дэглэмийн давуу тал нь таны жинг маш үр дүнтэйгээр багасгах бөгөөд эрүүл мэндэд ямар нэгэн сөрөг нөлөөгүй байдлаар бодит үр дүнг мэдрэх боломжийг олгодог. Мөн энэхүү хоолны дэглэм нь хүний биед хэрэгцээгүй хоол хүнснээс ангижирч эрүүл хооллолтыг авчрах болно.

Эрүүл мэнд бол бидэнд буй хамгийн үнэтэй зүйл учраас та биеэ, оюун санаагаа эрүүл байлгаж байж амьдрал аз жаргалаар дүүрэн байх болно. Танд болон таны ойр дотны бүхэнд эрүүл аз жаргалтай амьдралыг хүсье!

Бидний нийтлэлийг ойр дотны нэгэнтэйгээ хуваалцаж, бидэнтэй сэтгэгдлээ хуваалцаарай.

4
ГоёГоё
2
ГайхмаарГайхмаар
0
Ха ХаХа Ха
0
ХөөрхөнХөөрхөн
0
БахархмаарБахархмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Фейсбүүк сэтгэгдэл

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.