Бамбай булчирхай бол таны бодисын солилцоо, биеийн дулаан болон цусны даралтыг тэнцвэржүүлж байдаг гормоныг ялгаруулагч чухал эрхтэн билээ. Хэрэв энэ булчирхайн үйл ажиллагаа хэвийн бус болж эхэлбэл таны элэг, гэдэс дотор, бөөр, зүрх болон тархины үйл ажиллагаа хүртэл доголдож ноцтой үр дагавар дагуулж болзошгүй.
Энэ нийтлэлээрээ бид танд эрүүл мэнддээ анхаардаг л бол тоолгүй өнгөрүүлж болохгүй шинж тэмдгүүдээс хүргэхээр бэлдлээ.
Уцаартай болох, ядарч сульдах
Бамбай булчирхайн өвчлөл нь таны эрч хүчийг үгүй хийж байдаг. Бамбай булчирхайн дутагдал нь тамирдаж ядарсан мэдрэмж төрүүлж, нойрны асуудалд оруулахаас гадна уцаарлангуй нэгэн болгож хувиргадаг.
Зүрхний хэмнэл алдагдах
Бамбай булчирхайн гормон нь бараг бүх дотор эрхтэнд нөлөө үзүүлэхээс гадна зүрхний цохилтонд ч өөрчлөлт оруулдаг. Бамбай булчирхай нь өвчилсөн хүмүүсийн зүрхний цохилт багасах эсвэл маш өндөр болох гэх мэт шинж тэмдэг илэрдэг.
Биеийн жинд огцом өөрчлөлт орох
Биеийн жин огцом өөрчлөгдөх нь бамбай булчирхай өвдсөний нийтлэг илрэл юм. Бамбай булчирхайн хордлого эсвэл дутагдлын үед богино хугацаанд жин нэмэх эсвэл хасах үзэгдэл тохиолддог.
Арьс хуурайшиж, хумс толиогоо алдах
Арьс хуурайших болон хумс толиогоо алдан, дээр нь босоо зураас үүсэж эхэлбэл энэ нь бамбай булчирхайн өвчлөл буйн нэгэн илрэл ажээ.
Биеийн дулаан хэвийн бус болох
Бамбай булчирхайн өвчлөл нь биеийн дулааны тэнцвэрийг алдагдуулах нэгэн үндэс болдог. Энэ төрлийн эмгэгтэй хүмүүст жихүүдэс хүрэх эсвэл хэт халууцан хөлрөх зэрэг шинж тэмдгүүд илэрнэ.
Хоолой хавдах
Хүзүү хэсгээр хавдаж томрох нь бамбай булчирхайн өвчлөлийн нүдэнд үзэгдэхүйц нэгэн тод шинж тэмдэг ажээ.
Булчин өвдөх, татах
Бамбай булчирхайн дутагдал нь биеийн янз бүрийн хэсгүүдэд өвдөлт өгөх шинж тэмдгээр илэрч болзошгүй. Ихэнх тохиолдолд ийм төрлийн шинж тэмдэг нь булчин хавагнаж, өвдөх зовиуртайгаар илэрдэг.
Бамбай булчирхайн эрүүл мэндээ гэрийн нөхцөлд хэрхэн шалгах вэ?
Хэдий энэ арга нь бүрэн онош болж чадахгүй ч гэсэн хийж үзэхэд хялбархан бөгөөд эрүүл мэндэд сөрөг нөлөөгүй гэдгээрээ онцлог. Үдшийн 22:00-00:00 цагийн хооронд 5% иодын ханасан уусмал бэлдээд бугуйн дээрээ зурагт үзүүлсэн байдлаар тэмдэглэгээ хийгээрэй. Хэрэв өглөө нь уг тэмдэглэгээ арилсан байвал та иодын дутагдалд орсон буюу бамбай булчирхайн өвчлөлтэй болсон байж болзошгүй гэсэн үг ажээ.
Дээр дурдсан шинж тэмдгүүдтэй ижил шинж тэмдэг илэрдэг өвчлөлүүд байдаг учраас яаран бамбай булчирхайн эмгэгтэй болсон гэж бодох хэрэггүй. Танд дээрх шинж тэмдгүүдээс илэрч байвал яаралтай эмчид хандан үзлэг хийлгэхийг зөвлөж байна.
Bayarmaa Byambaa
2020/07/10 at 13:24
Хулан Довчинням
Ulaanchka Ariunaa
2020/07/12 at 12:03
битгий худлаа чалч