Гоо сайхны бүтээгдэхүүнүүдийг яг зориулалтаар нь хэрэглэхээс гадна өөр олон зүйлд ашиглаж болно. Биеийн тосоор арьсан эдлэл тослох, вазелин ашиглаж үсний салааг эмчлэх гээд санаанд оромгүй хэрэглээнүүд бий. Ингээд гоо сайхны зүйлс ашиглан өдөр тутмын амьдралаа хөнгөвчлөх 16 аргыг хамтдаа сурч авцгаая.
1. Индүүний улыг шүдний оогоор цэвэрлэ
Индүүн дээр түлэнхийн ором үүссэнээр өөр хувцас индүүдэх үед наалдах, түлэх гэх мэт асуудал үүсдэг. Тэгвэл үүнийг багахан шүдний оо ашиглаад л шийдчихэж болно. Оогоо түрхээд бага зэрэг үрэхэд шинэ юм шиг л болно.
2. Хатаж үрчийсэн арьсан эдлэлийг биеийн тос ашиглан зөөлрүүлж болно
Арьсан эдлэлээ насан туршдаа хэрэглэхийг хүсвэл тогтмол тосолж, зөөлрүүлж байх хэрэгтэй. Хэдийгээр зөвхөн арьсан эдлэлд зориулсан маш олон төрлийн бүтээгдэхүүн байдаг ч танд нэг нь ч байхгүй тохиолдолд өөрт байдаг биеийн тосыг ашиглаад үзэхийг зөвлөж байна. Биеийн тосны тань найрлагад спирт ороогүй байх ёстойг анхаарна уу.
3. Үсний ангижруулагчаараа будгийн багснуудаа арчлах нь
Үнэтэй багснуудынхаа үсийг яг л өөрийн үсийг арчилж байгаа мэт арчлах хэрэгтэй. Яг адилхан шампуниар угааж, ангижруулж байх нь чухал. Ингэх нь багсны үсийг цэвэрхэн, зөөлхөн, удаан эдэлгээтэй болгодог. Гэхдээ зөвхөн байгалийн гаралтай үсээр хийгдсэн багсан дээр л ийм үйлдэл хийгээрэй.
4. Хумсны будаг ашиглан хувцасныхаа товчнуудыг унахаас сэргийлээрэй
Утас, зүү хэрэггүйгээр асуудлыг шийдэж болно. Хэрэв товч тань унасан бол яаралтай үед өнгөгүй хумсны будаг ашиглан товчоо наачихаж болно. Түрхээд л наахад болно.
5. Үсний салаагаа вазелинаар эмчилж болно
Үс салаалсан үед ургалт нь удаашрах аюултай. Тиймээс энэ тохиолдолд үснийхээ үзүүрт вазелин түрхээд нэг цаг орчим байлгаад угаана. Гэхдээ шууд л ид шидийн юм шиг үр дүн гарахгүй, ямартай ч өөрчлөгдсөн байгаа нь мэдэгдэх болно.
6. Нүдний тенийг хумсны будаг болгож ашиглаж болно
Хэзээ ч хэрэглэдэггүй тод өнгийн тень байдаг л биз дээ? Түүнийг хумсаа будах үедээ шууд хумсан дээрээ түрхээд уусгалттай будалт хийж болно. Аль эсвэл өнгөгүй хумсны будагтай хольж өөрийн гэсэн цоо шинэ өнгийн будгийг гаргаж авч болно.
7. Гацсан бөгжийг уруулын бальзам ашиглаж тайлж болно
Хуруунд гацсан бөгжийг уруулын бальзам ашиглан авах арга. Гацсан байгаа хуруугаа тойруулан бальзамаа түрхэнэ. Ингээд л бөгж ямар ч асуудалгүй гулсаад гарах болно.
8. Тунгалаг нунтгийг хуурай шампунь болгон ашигла
Хуурай шампунь бол хорвоо дээр бүтээгдсэн хамгийн хэрэгтэй зүйлсийн нэг юм. Гэвч яг хэрэгтэй үед тань зориулалтын хуурай шампунь байхгүй тохиолдолд хүүхдийн нунтаг юм уу өнгөгүй нунтаг хуйхандаа түрхээд үзээрэй. Үр дүн нь яг адилхан байх болно.
9. Үсний цацлага ашиглан целлюлитээ нууж болно
Хэрэв та хөлийнхөө зарим зүйлийг нуухыг хүсдэг бол үсний цацлага ашиглаад үзэх хэрэгтэй. Учир нь үсний цацлага нь хямдхан бөгөөд үр дүнтэйгээр целлюлиттэй тэмцэх хэрэгсэл болж чаддаг байна. Үсний цацлагаа цацаад хаттал нь хүлээгээрэй.
10. Ацетон ашиглаж супер цавууг салгаж болно
Супер цавуугаар наасан зүйлээ эргээд салгах хэрэгтэй болж байсан уу? Тэгвэл одоо дахин хэцүү байхгүй гэвэл гоё сонсогдож байгаа биз. Ингэхийн тулд цавуугаар наасан хэсэгт ацетон түрхэхэд л хангаллтай.
11. Арилдаггүй маркерыг нарны тосоор арилга
Энэ бол жаахан хүүхэдтэй эцэг эхчүүдэд хамгийн хэрэгтэй зүйл. Хэрэв хүүхэд тань тааралдсан юм бүхэн дээрээ зурж явдаг жинхэнэ бяцхан уран бүтээлч бол санаа зовох хэрэггүй. Тэдгээр зурсан зүйлсийг нарны тос ашиглаад л арилгачихна. Хугацаа нь дууссан нарны тосоо ашигласан ч болно шүү дээ.
12. Толь цантаад байна уу? Шампунь ашигла
Шампунь ашиглан халуун шүршүүрт орсны дараа үүсдэг толины цанг арилгах боломжтой. Ингэхийн тулд хуурай салфеткан дээр багахан шампунь аваад толио бүхэлд нь арчихад л хангалттай. Ингээд толь чинь дахиж цантахааргүй боллоо.
13. Шүүгээндээ хөлс дарагч хийвэл эвгүй үнэрээс сэргийлж чадна
Хувцасны шүүгээ үргэлж хаалттай байдаг учир элдэв янзын эвгүй үнэр үнэртэж болно. Тиймээс үнэртэй усны агууламжтай хөлс дарагч хийгээд орхичихвол ямар ч эвгүй үнэр арилаад зогсохгүй хувцаснаас тань сайхан үнэр үнэртэх болно.
14. Уруулын арьсаа гуужуулахдаа дууссан сормуусны будгийн багсаа ашигла
Дууссан сормуусны будгаа хаяхаа түр азнаарай. Учир нь таны хаях гэж байгаа сормуусны будгийн багсыг ашиглан уруулаа хөөрхөн болгож болно. Багсыг нь цэвэрлээд уруул дээрээ элсэн чихэр, оливын тосны холимог түрхээд гуужуулалтаа эхэлнэ. Үр дүн нь таныг жинхэнэ гайхшруулах болно.
15. Чахарсан хаалганы нугасыг сахлын хөөс ашиглан засаж болно
Хэрэв хаалга тань дуу орсон бол сахлын хөөс түрхээд үз. Ингэснээр хэн нэгэн хаалганы нугасыг засахыг хүлээлгүйгээр чахарсан, муухай дуунаас салж болно.
16. Машины хонхорхойг үсний сэнсээр засаж болно
Машин чинь багахан хонхойчихсон бол үсний сэнсээ хамгийн халуун дээр нь тавьж үлээлгээд дараа нь мөс тавиад үз. Температурын зөрүүнээс шалтгаалж хонхорхой нааш татагдан хэвийн байдалдаа орох болно.
Гайхмаар
Хөөрхөн
Тэнэглэл
Буруу
Гоё
Ха Ха
Бахархмаар
Харамсалтай
