Өдөр ирэх тусам Covid-19 вирусын халдвар улам ноцтой нөхцөл байдалд хүрч байна. 3-р сарын 15-ны байдлаар гэхэд Малайз улсад 428 хүн вирусын халдвар авсан нь батлагджээ. Эрүүл мэндээ хамгаалахын тулд хүн бүр олон нийтийн газар очихоос зайлсхийж, маск зүүж, гараа тогтмол угааж байгаа. Гэсэн хэдий ч, зарим хүмүүс хайхрамжгүйгээсээ болоод эрүүл мэндээ хамгаалах биш, эсрэгээрээ өөртөө хор хохирол учруулж байгаа тохиолдол цөөнгүй гарч байгаа аж.
Тайвань эмэгтэй гараа гар ариутгагчаар ариутгачихаад, санамсаргүй нүдээ нухсанаас болж нүднийхээ эвэрлэг бүрхэвчийг ноцтойгоор гэмтээжээ. “Chine Press” эх сурвалжийн мэдээлж буйгаар Zhuang гэх эмэгтэй нүд нь хуурайшсан юм шиг санагдах үед нүдээ нухдаг буруу зуршилтай гэнэ. Гараа гар ариутгагчаар дөнгөж цэвэрлэснийхээ дараа тэр гараа чийглэг байгааг мартаад, нүдээ нухсан байна.
Хэсэг хугацаанд тэр хэвийн байсан бөгөөд удалгүй нүд нь чимчигнэж байгаа юм шиг мэдрэмж төржээ. Zhuang тэр даруйд нь нүдээ усаар угаасан боловч, нүдэнд нь илэрч байсан зовиур зүгээр болохгүй байв. Нөхцөл байдал нэг л биш байгаа юм шиг санагдмагц тэр эмнэлэгт очиж үзүүлтэл, нүднийх нь эвэрлэг бүрхэвч үрэвссэн байжээ. Аз болоход үрэвслийн эсрэг тос түрхсэний дараагаар түүний нүд нь зүгээр болсон байна.
Эмч нар уг вирусын тархалттай холбоотойгоор нүүрэндээ гараараа хүрч болохгүй гэдгийг сануулсаар байгаа билээ. Учир нь вирусын халдвар ам, хамар болон нүдээр дамжин хүний биед халдварлах эрсдэлтэй юм. Мөн гараа ариутгасны дараа нүүрэндээ хүрч болохгүй бөгөөд эс бөгөөс үрэвсэж, харшил үүсэх аюултайг сануулж байна!
Эрүүл мэнддээ анхаарах нь чухал боловч, хайхрамжгүй үйлдлээс болж эрүүл мэндээ хохироохгүй байхыг таниас хүсье!
Oyungerel Luwsanpurew
2020/03/18 at 22:21
Enkhbold Munkhbat
Oyungerel Luwsanpurew
2020/03/18 at 22:22
Ankhaar
Oyungerel Luwsanpurew
2020/03/18 at 22:22
Tsolmon Erdeneochir