Коронавирусын халдварын хоёр дахь тархалт эхнийхээсээ илүү хор хөнөөлтэйгөөр дэлхий нийтийг ниргэж, өвчтөнүүдийн тоо өдрөөс өдөрт нэмэгдэж байгаа билээ. Саяхан Итали улс вирусын халдвар авсан хүний тоогоор Өмнөд Солонгосыг гүйцэж, Хятадын ард хоёрдугаарт бичигдэх болсон. Дөнгөж өчигдөрхөн вирусын халдвар авсан хүний тоо 9172 байсан бөгөөд 24 цагийн дотор хамгийн ихээр нас барсан хүний тоо 133 байсан аж. Сүүлийн үеийн мэдээллүүдээс харахад Италид нөхцөл байдал улам дордож байна.
Италийн Эрүүл Мэндийн Яам өнөөдөр Твиттерт сүүлийн 24 цагийн хугацаанд 168 хүн коронавирусын халдвараас болж нас барсан талаар жиргэсэн бөгөөд ингэснээр өмнөх тоог гүйцсэнээс гадна нийт нас барсан хүний тоо 631-т хүржээ. “Independent” эх сурвалжийн мэдээлж байгаагаар Итали улс коронавирусын Европ тив дэх хамгийн том голомт болж хувирсан талаар мэдээлсэн байна. Итали улсад өнгөрсөн 1-р сарын 31-ний өдөр анхны халдвар авсан хүн бүртгэгдэж байв.
Одоогийн байдлаар 60 сая гаруй Италичууд 4-р сарын 3-ны өдөр хүртэл хөл хорионд ороод байна. Ром хот дахь албаны эх сурвалжуудын мэдээлж байгаагаар өмнөх өдөр бүртгэгдээд байсан 9172 тохиолдол нэг шөнийн дотор 10,149 болж нэмэгджээ. Итали улсын Иргэний Хамгааллын Газрын өгч буй мэдээллийг харахад 1004 хүн бүрэн эмчлэгдээд байгаа бол 877 хүн эрчимт эмчилгээ хийлгэж байгаа аж.
Италийн Ерөнхий Сайд улс оронд нүүрлээд байгаа энэхүү нөхцөл байдалд үндэслэж, хамгийн хүнд хэлбэрийн хөл хорио тогтоох шаардлага тулгарсан тул олон нийтийн бүхий л үйл ажиллагааг цуцалж, нийтийн тээврийн үйлчилгээг зогсоох шийдвэрт хүрлээ гэж мэдэгдсэн байна. Сургууль, цэцэрлэг, тэр ч бүү хэл кафе болон зоогийн газруудын үүд хаалгыг хүртэл хаажээ.
“Бид үүсээд байгаа нөхцөл байдлаас болоод шинэ шийдвэрт хүрлээ: бидэнд цаг алга байна.” гэж Ерөнхий Сайд нь хэлсэн байна.
Удахгүй үхлийн аюултай вирусын тархалт бүрэн зогсож, дэлхийд хуучных шиг амар тайван цаг ирнэ гэдэгт итгэлтэй байна. Та хувийн ариун цэврээ сайтар сахиарай!
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
Bolor Talst
2020/03/13 at 08:17
Enerel Eenee Eenee
2020/03/13 at 11:56
hurdhan l namjaasaaida
Oogii Luvsandagva
2020/03/13 at 14:18
Hezeenii medee ve 1000 garsan shu !!
체기체첵
2020/03/15 at 18:43
yaanaa aimar ymaa
Аниа
2020/03/16 at 13:47
Хамгийн их жуулчинтай газар аргагүй. Хамаг вирус очиж байгаа. Аялал жуулчлал их байх дэмий. Монгол шиг хөгжил буурай газар. Үнэтэй бөгөөд цөөн жуулчин дээр. Тайланд шиг хямд мөнгө бараг үрдэггүй олон хэрэггүй жуулчин цуглуулснаас.эрсдэл бага байсан нь дээр.