“Чи том болоод ойлгох болно.” гэж эцэг эх чинь таныг хүүхэд байхад гарцаагүй хэлж байсан байх. Бидний ихэнх нь хэдэн жилийн дараа энэ үгийн утга учрыг яг тэдний хэлсэнчлэн, ойлгож авдаг гэдэгт мөрийцөхөд ч бэлэн байна. Гэхдээ бид дан ганц эцэг эхийнхээ хэлсэн үгийг ойлгохоос гадна, нас ахих үедээ яг тэдэн шиг болж хувирдаг гэнэ.
Бид та бүхэнд нэгэн сонирхолтой судалгааны талаарх дэлгэрэнгүй мэдээллийг хүргэхээр бэлтгэсэн юм. Их, бага ямар нэгэн хэмжээгээр энэ зүйл танд заавал тохиолдох болно гэдгийг хэлэх нь зүйтэй болов уу.
Цаг хугацааны эрхээр бид эцэг эхтэйгээ маш адилхан болдог
Гоо сайхны мэс засалч доктор De Silva Их Британи дахь 2000 хүнийг судалгаанд хамруулж, тэднийг эцэг эхтэйгээ ямар харилцаатай байдаг болон хэрхэн хувийнхаа амьдралыг зохиодог болохыг судалжээ. Тэр судалгаанд хамрагдсан эмэгтэйчүүдийн талаас илүү хувь нь ээжтэйгээ маш адилхан болж байгааг олж тогтоосон байна.
Тэд 30 нас хүрмэгцээ, дунджаар 33 настайдаа ээжтэйгээ адилхан болж хувирдаг ажээ. Эмэгтэйчүүд энэ цаг үед ээжийгээ дуурайхаас илүү, асуудлыг яг тэдэн шиг хүлээж авч, адилхан хэв маягаар ярьж, ижилхэн хоббитой болж, тэр ч бүү хэл ТВ-ийн адилхан шоуг үзэж сонирхдог байна. Судалгаанд хамрагдсан эмэгтэйчүүд ойролцоогоор 33 насандаа урьд өмнө энэ талаар урьдчилан төсөөлж байгаагүй хэрнээ, ээжтэйгээ илүү адилхан болж байгаа юм шиг санагддаг гэдгээ хэлжээ.
Энэ хувьсал хүүхэдтэй болохтой шууд холбогддог байх магадлалтай. Доктор De Silva энэ хувьслыг эмэгтэйчүүд ээжийнхээ хүүхэд өсгөж хүмүүжүүлэх арга барилыг өөрөө хүүхэдтэй болох үедээ үлгэрлэж, хүүхдээ адилхан арга барилаар өсгөдөгтэй холбоотой гэж үзсэн байна. Өөрөөр хэлбэл эмэгтэйчүүд ээжийнхээ толины тусгал гэж ойлгож болох юм.
Эрчүүд мөн эцэгтэйгээ адилхан болдог
Зөвхөн эмэгтэйчүүдэд энэ хувьсал явагддаг гэсэн үг биш. Эрчүүд ч гэсэн эцэгтэйгээ адилхан болдог бөгөөд ойролцоогоор 34 насанд нь энэ шинж тэмдэг ажиглагдаж эхэлдэг болохыг доктор De Silva хэлжээ. Эрчүүдийн улс төрийн хандлага эцэгтэйгээ адилхан байр суурьтай болж, ижилхэн радио сонсож, гэрийнхээ хүнгүй байгаа өрөөний гэрлийг унтрааж эхэлдэг гэнэ. “Бид цаг хугацааны эрхээр эцэг эхтэйгээ адилхан болж хувирдаг.” хэмээн De Silva хэлсэн байна.
Таны эцэг эхээсээ өвлөж авсан хамгийн этгээд хачин зан чанар юу вэ? Хариултаа сэтгэгдэл үлдээх хэсэгт бичээрэй.
М. Бааска
2020/02/03 at 10:15
Zaya Tsolmon
Шүрэнцэцэг Жамьянперенлэй
2020/02/03 at 20:13
Hugshiruhuru bur ej eswel aawtaiga bur adilhan boldog um shuge