Таны хоолойд цэр тээглээд байна уу? Бие махбодийн цэр ялгаруулалтыг багасгах энгийн 3 арга

Хүнээс байнга цэр ялгарч байдаг. Яагаад цэр ялгардаг болон цэр их хэмжээгээр ялгарахад ямар арга авах тухай эндээс уншиж танилцана уу. Бидний зарим нэгэнд нь цэр хоолойд тээглээд байдаг, үүнийг гуурсан хоолой бөглөрөх хаш шинж гэнэ.

Хамрын хөндийд нус, цэр ялгарах нь – хүний бие эрxтний хамгаалах үүрэг ажиллаж байна гэж үзнэ. Тоос тоосонцор, микроб болон нянгаас хамгаалдаг. Нус, цэрний тусламжтайгаар агаарын хэм биеийнхтэй адил түвшинд очихоос гадна чийгшил нь бараг 90 хувиар нэмэгддэг. Өөрөөр хэлбэл уушгины агаарын солилцоог хөнгөвчилж өгч байгаа ажээ.

Хэт их цэр ялгарах нь дараах шалтгаантай байж болно:

• Харшил
• Гуурсан хоолойн багтраа/Астма
• Гуурсан хоолойн үрэвсэл/Бронхит
• Уушгины өвчлөл
• Улаан хоолойн сөргөө өвчин
• Муковисцидоз
• Агаарын бохирдол зэрэг

Мөн их хэмжээгээр цэр ялгарах нь хоолой эсвэл чихний өвчлөлтэй холбоотой байж болно. Та бүхэндээ энэ таагүй өвчнийг багасгахад туслах 3 энгийн аргыг танилцуулъя.

1. Нимбэг-зөгийн балны уусмал

Айл болгонд байх эдгээр хүнсний бүтээгдэхүүн нь мөөгөнцөр, бактерийн эсрэг үйлчилгээ үзүүлдэг бөгөөд ханиалга дарж цэрийг гадагшлуулдаг. Дархлааг дэмжихээс гадна амьсгалын замын хэвийн үйл ажиллагааг дэмжинэ.

2 х.х нимбэгийн шүүсийг 1 х.х цэвэр зөгийн балтай хольж өдөрт бага багаар 3 удаа ууна.

Анхаарах ёстой зүйл: зөгийн бал нь 3-аас доош насны хүүхэд тохиромжгүй, мөн тоосонцрын харшилтай хүмүүст харшил үүсгэх магадлалтай тул анхаарна уу. Мөн жирэмсэн болон хөхүүл эхчүүд хэрэглэхийг хориглодог.

2. Эвкалиптийн цай

Тайвшруулах үйлчилгээтэй уг цай нь амьсгалын дээд замын халдварт өвчний үед тустай. Цайны хандыг сайтар хандлаад бага багаар нь ойрхон ууна. Өдөрт уух тунг эмчлэгч эмчтэйгээ зөвлөх хэрэгтэй.

3. Уураар утах

Амьсгалын системээс цэр гадагшлуулах шалгарсан арга – үрэвслийн эсрэг үйлчилгээтэй ургамал, тосон суурьтай утлага болно.

Анхаарах зүйл: амьсгал гүн бөгөөд хүчтэй байх ёсгүй, эс бөгөөд үрэвсэл гуурсан хоолойд халдварлах аюултай юм. Ялангуяа эвкалиптийн тосыг маш анхаарал болгоомжтой хэрэглэнэ. Хүүхдийг өвчнөөс хамгаалах, эмчлэхэд хэрэглэхээс зайлсхийнэ, мөн жирэмсэн болон хөхөөр хооллож байгаа эхчүүд хэрэглэхийг хориглодог. Үүнээс гадна чихрийн шижин болон мэс засал хийлгээд удаагүй өвчтөн анхаарал болгоомжтой хандана.

Ялгарч байгаа цэр нь харшил, халдварт болон архаг өвчинтэй холбоогүй нь тогтоогдвол дараах энгийн аргууд танд тус болно.

1. Агаарыг тогтмол чийгшүүлэх
2. Их хэмжээний ус уух
3. Ханиад томууны эсрэг үйлчилгээтэй хоол хүнс хэрэглэх: жимсгэнэ, анар, хүн орхоодой, эхинцэя.
4. Давсны уусмалаар байнга хоолойгоо зайлах.

Ялгарч байгаа цэрний хэмжээ ихсэх эсвэл бүтэн сарын турш ялгарч байгаа бол зайлшгүй эмчид үзүүлэх шалтгаан болно. Мөн цээжээр өвдөх, цустай ханиалгах, цээж шуугих, амьсгал тасалдаж байгаа бол эмчид үзүүлээрэй.

Дээр дурдсан аргууд нь ялгарах цэрний хэмжээг түр хугацаанд л багасгах төдий бөгөөд үндсэн эмчилгээний туслах чанар агуулна. Ямар ч тохиолдолд мэргэжлийн эмчид үзүүлж зохих эмчилгээг эхлүүлэх нь зүйтэй юм.

Дээрх нийтлэл нь зөвхөн мэдээллийн шинж чанартай гэдгийг анхаарна уу. Дур мэдэн эмчилгээ хийж огт болохгүй, зөвхөн мэргэжлийн эмчид үзүүлж зохих эмчилгээг эхлүүлнэ.

15

Харамсалтай

7

Буруу

7

Гоё

7

Гайхмаар

7

Хөөрхөн

4

Ха Ха

4

Тэнэглэл

2

Бахархмаар

Баярлалаа!