Италийн тансаг зэрэглэлийн загварын бренд яг л бэлэн гоймон шиг харагдах гутлаа худалдаанд гаргажээ

Bottega Venata / Pixabay

Жил бүр хувцас загварын салбарт шинэ бас сонирхолтой бүтээгдэхүүнүүд мэндэлдэг – эдгээр гуталнууд үүний тод жишээ юм.

Италийн хувцас загварын бренд болох “Bottega Veneta” шинэ загварын гутлаа саяхан танилцуулсан бөгөөд энэ нь яг л бэлэн гоймон шиг (эсвэл Justin Timberlake-ийн 90-ээд оны үеийн үсний стильтэй төстэй) харагдаж байгаа талаар сошиал сүлжээнд хэрэглэгчид ам уралдан бичицгээж байна.

Алдарт “Vogue” сэтгүүл шинэ дугаартаа “Bottega Veneta” брендийн 2020 оны хаврын коллекцийн талаар мэдээлэл нийтэлсэн бөгөөд хүмүүс энэхүү этгээд хачин загвартай гуталны талаар сэтгэгдлээ илэрхийлжээ.

Нэгэн хэрэглэгч хэлэхдээ “Карригаар амталсан тахиа шиг шаахай” гэсэн бол, өөр нэгэн хэрэглэгч “Балиар, гарцаа байхгүй тав тухгүй” гэх зэргээр үзэл бодлоо илэрхийлсэн байна.

Мөн бас нэгэн хэрэглэгч “Энэ шаахайг бороотой үед өмсөнө гэж байхгүй юм байна” гэжээ.

Бэлэн гоймон шиг харагдаж буй энэ гутал чухам хэдэн долларын үнэтэй нь одоогоор тодорхой биш байгаа бөгөөд “Bottega Veneta” брендийн албан ёсны вебсайт дээрх мэдээллээс харвал, ойролцоогоор 500-1000 фунт стерлингийн үнэтэй байх гэнэ.

Сонирхолтой нь, нэгэн Инстаграм хэрэглэгчийн уг гутлыг бэлэн гоймонтой харьцуулж тавьсан зураг богино хугацаанд 80,000 лайк авчээ.

Магадгүй энэ гутлыг худалдаж авах хүн өдрийн од шиг тун цөөхөн байх биз ээ.

Та энэ гутлыг худалдаж авах байсан уу? Танд энэ гуталын загвар ямар санагдаж байна вэ?

19

Ха Ха

8

Тэнэглэл

3

Хөөрхөн

2

Бахархмаар

1

Буруу

1

Гоё

0

Гайхмаар

0

Харамсалтай

Баярлалаа!