Калифорни муж үслэг эдлэл худалдаалахыг хориглосон хамгийн анхны муж боллоо!

1
0
25,029

Урьд өмнө нь гаргаж байгаагүй шийдвэрийг Калифорни мужаас гаргаж, үслэг эдлэлийг үйлдвэрлэх болон худалдаалахыг албан ёсоор хориглолоо. Ингэснээр АНУ-аас анхны ийм шийдвэр гаргаж буй муж болж байгаа аж.

2023 оноос эхлэн хууль ард иргэдэд хэрэгжиж эхлэх ба амьтны үслэг эдлэлийг худалдаж авах эсвэл цүнх, гутал, хувцас хийж өмсөхийг хориглох юм байна.

Гэхдээ бид амьтны үслэг эдлэл хэрэглэхээс илүү хор хөнөөлтэй зүйлсийг байгаль эх, ан амьтдад хүргэж байгаа билээ. Зэрлэг амьтад болох баавгай, бар зэргийг циркэд үзүүлбэрт ашиглаж, гал дээгүүр харайлгаж байгаа нь бодит жишээ юм.

Дэлхийн амьтны эрхийг хамгаалах байгууллагууд Калифорни мужийн гаргасан шийдвэртэй адилаар өөр бусад амьтдын эрх ашгийг хамгаалсан шийдвэрүүд гарна гэдэгт итгэлтэй байгаа аж.

Мэдээж хэрэг дээрх шийдвэрт хэдэн арван тэрбум долларын хөрөнгийн эргэлттэй амьтны үслэг эдлэлийн үйлдвэрүүд, томоохон компаниуд санал нийлэхгүй байгаа гэнэ.

Холбогдох байгууллагын мэргэжилтэн Keith Kaplan хэлэхдээ, энэхүү шийдвэр нь хүмүүс цагаан хоолтон болох ач тустайгаас гадна, цаашлаад амьтны амь насыг хөнөөж, хоол хүнсний материалын нөөцөө бүрдүүлэх, өмсөж, зүүх хувцсаа бэлдэх явдалд хүчтэй цохилт үзүүлнэ гэдгээрээ онцлогтой гэжээ. Тэрээр мөн уг шийдвэрийг дагаад зарим компани, үйлдвэрүүд бизнесээ алдахгүйн тулд хулхи, чанаргүй үслэг эдлэлийг зах зээлд нийлүүлэх гэж оролдох ба харамсалтай нь энэ арга заль мэх амжилтад хүрэхгүй гэдэгт итгэлтэй байгаагаа хэлсэн байна.

Хуулийн хүрээнд буга, хонь эсвэл ямаа, мөн булга, минж зэрэг амьтдын арьс эсвэл шир зэргийг хувцас хэрэглэлд ашиглах, нэг бол шашин болон уламжлалт зан заншлын хүрээнд тахил өргөх гэх мэтээр амийг нь таслахыг хоригложээ.

Хууль зөрчсөн этгээдэд 500 долларын торгууль оногдуулах ба гэмт хэргийг дахин үйлдэх юм бол 1000 долларын торгуулиар торгох юм байна.

Дээрх шийдвэр гарсны дараагаар дэлхийн алдартай брендүүд болох Gucci, Versace болон Prada амьтны үслэг эдлэл үйлдвэрлэхээ зогсоосон ба амьтны үслэг эдлэлийг оролцуулсан дизайн дахин гаргахгүй гэдгээ мэдэгджээ.

Танд энэ шийдвэр ямар санагдаж байна вэ? Хэрэв манай улсад энэ шийдвэр хэрэгжиж эхэлбэл та дэмжих байсан уу?

17
ГоёГоё
2
Ха ХаХа Ха
1
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
0
БахархмаарБахархмаар
0
ТэнэглэлТэнэглэл
0
БурууБуруу
Баярлалаа!

Фейсбүүк сэтгэгдэл

сэтгэгдэл

  1. 9..9

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.