Бидний ихэнх нь булчинлаг бие болон эршүүд төрхний цаана айдас, эргэлзээ, бас сэтгэл хөдлөл байдаг болохыг тэр бүр олж мэдэхэд хүндрэлтэй байдаг. Гэсэн хэдий ч эрчүүдэд ч мөн эмзэг байдал болон сул тал гэж байдаг бөгөөд эдгээр нь нийгмийн хандлага болон хэвшмэл ойлголтоос ихээхэн хамаардаг байна.
Жам ёсоор, хоёр хүйсийнхэн ижилхэн сэтгэлзүйн айдсаа хуваалцах боловч, зөвхөн эрчүүдэд тохиолддог онцгой зүйлс гэж бий. Өнөөдөр бид танд тэдний хамгийн их айдаг зүйлсийн талаар хэлэхээр шийдлээ.
Эмэгтэй хүн бүрийн мэдэх ёстой эрчүүдийн айдсыг хүргэдэг 6 зүйл
1. Хүлээлтэнд хүрэхгүй байх
Балчир наснаас нь авахуулаад хөвгүүдэд жинхэнэ эр хүн болох ёстой, ингэхийн тулд бүхнийг хамгийн сайнаар хийж чаддаг байх хэрэгтэй гэж хэлдэг. Ийм учраас ихэнх нас бие гүйцсэн эрчүүд гал тогооны усны цоргыг янзалж чадах эсэх эсвэл даргынхаа сэтгэлд хүртэл ажиллаж чадах болов уу гэсэн бодлоосоо болж, үргэлж санаагаа чилээдэг. Иймд та хайртай залуугийнхаа нөөц бололцоог үнэлж, түүнийг урамшуулж, хүн бүр бүхнийг чадагч төгс нэгэн байх албагүй гэдгийг ойлгуулаарай.
2. Хангалттай мөнгө олж чадахгүй байх
Мөнгө бол дийлэнх эрчүүдийн санаа зовоход хүргэдэг хамгийн том хүчин зүйл. Энэ айдсыг тэд балчир насандаа толгойдоо бат суулгадаг. Хөвгүүдэд, та нар бол ирээдүйн амьдрал, ар гэрээ авч явах ёстой хүмүүс гэж хэлдэг. Гэхдээ үүнд нэг сул тал бий. Энэ бодлоос болж эрчүүдийн зарим нь харилцаанд мөнгө хамгийн чухал юм байна гэж буруугаар ойлгодог. Гэтэл ихэнх эмэгтэйчүүдэд анхаарал болон хайр халамж юу юунаас илүү чухал байдаг билээ.
3. Өрсөлдөөнд ялагдал хүлээх
Түүнд хайртай эмэгтэй нь ажлынхаа газрын инээдтэй юм ярьдаг залуугийн талаар хэлэхэд, түүнд таатай санагдахгүй байж мэднэ. Эрчүүд үргэлж өөрийгөө бусдын өрсөлдөгч гэж боддог. Энэ нөхцөлд та түүнийг өөрийнхөө хувьд, хэнээр ч сольшгүй үнэ цэнэтэй хүн учир, хэн нэгэнд алдчих вий гэж айх хэрэггүй талаар ойлгуулах хэрэгтэй.
4. Эмэгтэй хүний юу хүсэж байгааг ойлгохгүй байх
Эрчүүд тодорхой байдлыг таашаадаг. Тэдэнд ойлгомжгүй байдал төвөгтэй, ядаргаатай санагддаг. Тэгээд тэд яах учраа олохгүй төөрөлддөг байна. Иймд та хайртай залуутайгаа аль болох илэн далангүй байхыг хичээгээрэй.
5. Хөгшрөх
Ихэнх эрчүүдэд үгүйсгэгдэх болон нас ахих гэсэн айдас толгойд нь эргэлдсээр байдаг. Цаг хугацаа өнгөрөхийн хэрээр, энэ айдас бүр илүү хүчтэй болж, үр дүнд нь оюун санааны өвчин болохыг ч үгүйсгэхгүй. Найз нөхдийн халуун дулаан харилцаа, дэмжлэг, хайр халамж болон гэр бүлийн таатай уур амьсгал тэдэнд энэ айдсаа ялан дийлэхэд нь тусална.
6. Энгийн байж чадахгүй байх
Эрчүүдийн толгойд жинхэнэ эр хүн үргэлж ноцтой, өөртөө итгэлтэй байх ёстой гэсэн бодол зонхилдог. Тулаантай киноны гол дүрүүд нэг их инээгээд байдаггүй шүү дээ. Тэрэнтэй л адилхан. Хайртай залуугаа өөрийнхөөрөө байхад нь тусалж, түүнтэй инээдтэй зүйлс ярьж, хамтдаа инээдмийн кино үзээрэй.
Хэрэв та тэднийг эдгээр айдсыг таниас нууцалсан ч гэсэн олж мэдсэн бол, айдсаа ялан дийлэхэд нь туслаарай. Үр дүнд нь та хоёрын харилцаа илүү бат бөх, эрх тэгш болох болно!
Enkhjargal Gungaa
2019/11/30 at 16:46
Шал утгагүй юмнуудад санаа зовдын бэ
Jiwa Otgon
2019/11/30 at 18:44
Айгаад байх зүйл ч биш л байна даа
Тунгалаг Аюурзана
2019/12/01 at 00:51
Tsogt Amari
2019/12/02 at 02:28
Whtashit