Магадгүй 00 цэвэрлэх нь ахуйн ажлуудаас хамгийн төвөгтэй нь байж болох ч, цэвэрлэлгүй удааж хэрхэвч болохгүй.
00-ыг хэрхэн цэвэрлэх вэ?
00-ыг цоо шинэ мэт болтол нь цэвэрлэж, удаан хугацаанд цэвэрхэн байлгах 5 арга байдаг. Тэдгээр аргуудын байгалийн гаралтай орц, найрлагыг та бүхэнд хүргэж байна. Маш амархан бас гайхалтай үр дүнтэй.
1. Цэвэрхэн байлгах
1:1 хэмжээтэй цагаан цуу болон усыг хольж, үүнийг цацлага болгон өдөр бүр 00-ын гадна болон дотор тал руу цацна. Ингэснээр дараагийн удаа 00-ын усыг татах хүртэл цэвэрхэн байлгана. Гэхдээ та үргэлж гартаа халдвараас сэргийлэх үйлчилгээтэй зориулалтын бээлий өмсөх хэрэгтэйг санаарай, үр дүнд нь 00-ыг арчиж, цэвэрлэхэд элдэв нян, бактерийг биедээ авахаас сэргийлнэ.
2. Бөмбөлөг ашиглах
Бөмбөлгийг 00-ын суултуурын хажууд, дотор талд байрлуулах нь жорлонгийн бочки дотор хийснээс илүү үр дүнтэй байдаг.
3. 00-ын гадна талыг цэвэрлэх
Ахуйн зориулалттай цэвэрлэгч шингэнийг 00-ын гадна хэсгүүдээр түрхэж, хэсэг хугацааны дараа ариун цэврийн цаас эсвэл порлоноор арчиж авна. Гулгахаас сэргийлэх үүднээс 00-ын өрөөний шал руу цацахгүй байх хэрэгтэйг санаарай.
00-ын гадна талыг арчиж, таг болон суултуурыг цэвэрлэхдээ зориулалтын бээлий заавал өмсөх ёстой.
Цагаан цуу болон усны хольцыг дахин ашиглаж 00-ын гадна тал руу цацаарай. Энэ арга үр дүнтэй, химийн найрлага ороогүй, эрүүл мэндэд сөрөг нөлөөгүй гэдгээрээ онцлогтой.
Цагаан цуу бол хортой зүйл биш, балчир насны хүүхэд болон тэжээвэр амьтантай ямар ч айл өрх ашиглах боломжтой.
4. 00-ын дотор талыг цэвэрлэх
Ямар ч хамаагүй 00-ын цэвэрлэгч шингэн эсвэл ахуйн цэвэрлэх бодисыг 00 руу хийж хэсэг хугацаанд байлгана. Цөөн хэдэн минутын дараа 00-ын сойзоор шинэ болтол нь өнгөлж арчина.
Хүнсний содыг 00-ын дотор талд жигд цацна, 5 минут хүлээсний дараа 00-ын сойзоор бохирдлыг үрж арилгана.
5. Гэрийн нөхцөлд 00-ын бөмбөлөг хийх
Энэ бөмбөлгийг гэртээ хийхэд танд 3 орц хэрэг болох бөгөөд 00-ыг цэвэрхэн байлгах ач тустай юм.
Танд энэ бөмбөлгийг хийхийн тулд эфирийн тос, исгэлэн хүчил болон хүнсний сод хэрэг болно. Дээрх орцуудыг хооронд нь хольж, бөмбөлөг хийгээд 00-доо хийгээрэй. Таны 00 цэвэрхэн бас шинэ мэт болох болно!
Та дээрх 00 цэвэрлэх аргуудаас өөр мэдэх лайфхак байгаа юу? Тийм бол манай уншигчидтай мэдлэгээсээ хуваалцаарай.
Гайхмаар
Бахархмаар
Буруу
Тэнэглэл
Хөөрхөн
Гоё
Ха Ха
Харамсалтай
