Гэрийн нөхцөлд өргөст хэмхийн тусламжтай нүүрний цацлага хийгээрэй. Миний арьс дахин шинээр төрсөн мэт л залуужсан!

Гадаа халуун уур амьсгалтай байх үед, хүйтэн цацлагаас өөр сайхан зүйл гэж юу байх билээ! Энэ цацлага арьсыг тайвшруулж, нөхөн сэргээхээс гадна арьсанд чийгшил өгөх гэх мэт олон талын ач тустай. Цацлагыг зөвхөн зуны улиралд хэрэглэнэ гэж бодож байвал та эндүүрч байна. Өвлийн хүйтэн саруудад ч гэсэн энэ цацлага таны арьсыг хамгаалж, бас аврах болно.

Байгалийн гаралтай хэдхэн орцуудын тусламжтай нүүрний цацлага хийж, арьсаа бүрэн хамгаалаарай.

Танд эфирийн тос, кокосын шингэн, сарнайн ус болон бусад ургамал, жимс байхад л болно. Үр дүн нь үнэхээр гайхалтай!

Найрлаганд нь багтаж буй зарим орцуудын ач тусыг дурдвал:

Өргөст хэмх

Өргөст хэмх аскорбины хүчил (витамин C), пантотеникийн хүчил, витамин К, ретинол (витамин А) болон силик агуулдаг тул арьсыг тайвшруулж, меланины хэмжээ ихсэхээс сэргийлэх бөгөөд коллагеныг үүсгэдэг гэдгээрээ онцлогтой.

Нимбэг

Нимбэг бол арьсыг гэрэлтүүлэх болон гуужуулах үйлчилгээтэй байгалийн гаралтай жимс юм.

Зуун настын ургамал

Арьсыг тайвшруулж, цусны эргэлтийг сайжруулаад зогсохгүй, арьсны торгомсог байдлыг бүрэн хангана.

Сарнайн ус

Арьсыг чийгшүүлж, нөхөн сэргээнэ.

Хэрэг болох зүйлс:

• Өргөст хэмхийн шүүс (нэг ширхэг өргөст хэмх)
• Нимбэгийн шүүс (½ нимбэг)
• Зуун настын ургамал – 1 цайны халбага
• Сарнайн ус – 1 хоолны халбага

Бэлтгэх заавар:

1. Өргөст хэмхийг хэрчиж, холигчид хийнэ. Зуурмаг болтол нь сайтар холино.
2. Зуурмагийг марьл дээр асгаж, доор нь сав тосно.
3. Марьлыг сайтар мушгиж, өргөст хэмхийн шүүсийг шахаж гаргана.
4. Тал нимбэгийг дээр нь шахаж, шүүсийг нь авна.
5. Дээр нь 1 цайны халбага зуун настын ургамлын шингэн хийнэ.
6. Дээр нь 1 хоолны халбага сарнайн ус хийнэ.
7. Орцуудыг хамтад нь сайтар холино.
8. Бэлэн болсон бэлдмэлийг хуванцар цацлагын саванд хийнэ.

Та өдөрт нүүр рүүгээ 3 удаа энэ цацлагаас цацаарай.

3

Ха Ха

2

Тэнэглэл

2

Харамсалтай

2

Хөөрхөн

1

Гоё

1

Гайхмаар

0

Бахархмаар

0

Буруу

Баярлалаа!