Ганган хувцаслах дуртай хүн бүрийн хувьд цагаан өнгийн, анхаарал татахуйц пүүз эсвэл кет номер нэг сонголт байдаг. Гэхдээ цаг хугацааны эрхээр пүүз, кет бохирдож, өнгө нь хувирах үед хүмүүс ирээдүйд өөр шинийг худалдаж авах талаар бодож эхэлдэг. Гэсэн хэдий ч яарч шинэ пүүз худалдаж авах шийдвэр гаргах гэсний хэрэггүй. Цагаан өнгийн кет, пүүзийг цэвэрлэж, дээр нь үссэн толбыг арилгаж болно, гэвч үүний тулд тэвчээртэй хүлээх хэрэгтэйгээс гадна сайтар бэлтгэх шаардлагатай.
Арьсан материалтай
Хамгийн амархан цэвэрлэх боломжтой, учир нь шингэн болон бохирдлыг өөртөө шингээж авдаггүй.
Хэрэг болох зүйл: ариун цэврийн цаас, цагаан өнгийн саван, даавуун алчуур болон меламин порлон
- Ариун цэврийн цаасыг усанд дэвтээж, кет/пүүзний гадаргуу дээрх том хэмжээтэй бохирдлуудыг арилгаж, 10 минутын турш хатаана.
- Бүх толбуудыг арилгаж дууссаны дараа үлдсэн бохирдлыг нойтон меламин порлоноор цэвэрлэнэ.
- Даавуун алчуурыг хөөсөртөл нь савандана. Дараа нь кет/пүүзийг даавуун алчуураар зөөлөн үрж арчихад шинэ мэт цагаан өнгөтэй болно. Саван болсон хэсгийг өөр алчуураар арчиж цэвэрлээрэй.
Converse (даавуун материалтай)
Даавуун материалтай кет/пүүзийг угаалгын машинаар угаахад тохиромжгүй. Харин сод, цагаан цуу болон саван ашиглах хэрэгтэй.
Арга 1. Нэг хоолны халбага хүнсний сод болон 2 хоолны халбааг цагаан цууг халуун устай аяга хийж, сайтар хутгасны дараа алчуур эсвэл сойзонд шингээж кет/пүүзийг цэвэрхэн болтол арчиж үрнэ.
Арга 2. Сойз эсвэл алчуурыг савантай халуун усанд хийж кет/пүүзээ арчина. Дараа нь агаарт хатааж тавихдаа дотор нь цаас хийгээрэй.
Илгэн материалтай
Энэ материал түрий хэсгээрээ өвтгөдөг – амархан бохирдож, гялгар байдлаа алддаг. Дан ганц цагаан биш, энэ төрлийн материалтай бүх өнгийн гутал/пүүзийг цэвэрлэхлээ маш болгоомжтой хандах хэрэгтэй.
Хэрэг болох зүйл: даавуун алчуур, баллуур, ариун цэврийн цаас, цагаан цуу болон гялгар гутал/пүүзний сойз.
- Гадаргуу хэсэг дээрх шингэн болон бохирдлыг алчуураар зөөлөн авч арчина.
- Хүчтэй даралгүйгээр, толбуудыг баллуураар үрж арилгана.
- Нойтон толбуудыг ариун цэврийн цаасаар арчина.
- Алчуурыг цагаан цуунд дэвтээж үлдсэн толбуудыг арилгана.
- Зориулалтын сойзоор сайтар сойздоно.
Дараах бичлэгээс бохирдсон пүүзийг хэрхэн цагаан өнгөтэй болгож байгааг үзээрэй
Хэрхэн гутал/пүүзийг цагаан өнгөтэй хэвээр нь байлгах вэ?
- Цагаан өнгийн гутал/пүүзийг бусад гуталнуудаас тусад нь тавьж байх
- Нэг сойз болон порлоноор хоёуланг нь цэвэрлэхээс зайлсхийх
- Шөнө гутал/пүүзийг бохир хэвээр нь хонуулахгүй байх – гэртээ ирснийхээ тэр дор нь цэвэрлэж тавих
Та цагаан өнгийн гутал/пүүзийг цэвэрлэх өөр бусад ямар аргуудыг мэдэх вэ?
Чимгээ Эрдэнэ
2019/05/15 at 21:04
Misheel Erkhembayr
Эрдэнэтогтох Намжилцэрэн
2019/05/16 at 19:33
Эрдэнэтогтох Намжилцэрэн
2019/05/16 at 19:33
Daah Martin
2019/05/16 at 20:40