Судалгаагаар олон хүүхэдтэй ээжүүд урт насалдаг болохыг олж тогтоожээ: Яагаад гэдгийг бид танд хэлж өгье

krisjenner / Instagram

Ээжүүд 3, 4 эсвэл түүнээс ч олон хүүхэдтэй байх ямар хэцүү байдгийг хэнээр ч хэлүүлэлтгүй сайн мэднэ, гэхдээ олон хүүхэдтэй байх нь эерэг нөлөө үзүүлдэг байна. Олон хүүхэдтэй байснаар таны амьдралыг илүү адал явдалтай, гайхалтай хайр энэрлээр дүүрэн байлгаж, нас ахих үед танд хэрэгтэй анхаарал халамж болон дэмжлэгт санаа зовохгүй байж болох баталгаа юм. Тэгэхээр олон хүүхэд төрүүлэх нь бодож байснаас ч илүү олон зүйлийг танд өгнө гэж ойлгоход буруудахгүй. Судлаачид илүү олон хүүхэдтэй байх тусам, урт наслах боломжтой болохыг олж тогтоосон бөгөөд бид танд яагаад гэдгийг хэлж өгөхөөр шийдлээ.

Яагаад олон хүүхэдтэй ээжүүд илүү урт насалдаг талаар бид олж мэдсэн зүйлээ та бүхэнтэйгээ хуваалцах гэж байгаадаа туйлын баяртай байна.

Олон хүүхэдтэй ээж төсөөлж байснаасаа ч илүү сайхан амьдрах боломжтой

Шинэ Хойд Уэльсийн их сургуулийн судлаачдын баг ахимаг насны олон тооны Австраличуудыг судалгаанд хамруулж хэдэн хүүхэдтэйгээс хамаарч, амьдралд нь хэрхэн нөлөөж байгааг олж мэдэхийг зорьжээ. 2 хүүхэдтэй эмэгтэйчүүд нэг ч хүүхэдгүй эмэгтэйтэй харьцуулахад, амь нас барах эрсдэл даруй 17% бага байсан байна. Харин 3 хүүхэдтэй эмэгтэйчүүдийн хувьд амь нас барах эрсдэл 20% бага байсан бөгөөд олон хүүхэдтэй байх тусам амь нас барах эрсдэл улам багассаар байжээ. Тэгвэл эх хүний насжилтад нөлөөлж буй энэхүү гайхалтай нууц юунд оршино вэ?

Олон хүүхэд төрүүлэх нь эсийн хөгшрөх явцыг удаашруулдаг

Канад дахь Саймон Фрейзерийн их сургуулийн судлаачдын багийн хийсэн судалгаанаас үзэхэд, олон хүүхэдтэй эмэгтэй хүний эсийн хөгшрөх үйл явц удаан байдаг болох нь батлагджээ. Эрүүл мэндийн шинжлэх ухааны профессор Пабло Непомнаши (Pablo Nepomnaschy) болон постдоктор, судлаач Синди Барха (Cindy Barha) нар Гватемал улсын эмэгтэйчүүдийг судалгаанд хамруулсан бөгөөд тэдний эсийн хөгшрөх үйл явц яах аргагүй удаан үргэлжилж байсан байна. Бусад онолын хувьд, олон хүүхэд төрүүлсэн эмэгтэй хүн амархан хөгширдөг, “хүүхэд төрөх үедээ эхийнхээ эсийн энергийн авч төрдөг” гэж үздэг. Харин шинэ судалгаагаар үүний эсрэг үр дүн гарчээ.

Эсийн хөгшрөх үйл явц нь теломеризаци багасахтай холбоотой байдаг, өөрөөр хэлбэл ДНК тус бүрийг хамгаалах үүрэгтэй  хромосом багасах хандлагатай болдог гэхэд буруудахгүй. Профессор Непомнаши болон түүний судалгааны багийнхан теломеризаци нь удаан хугацаанд оршин байгаа эмэгтэйчүүд олон хүүхэдтэй болохыг олж мэдээд ихэд балмагдсан байна. Эрдэмтэд энэ гайхалтай үр дүнд итгэхээс өөр аргагүйд хүрсэн бөгөөд энэ нь олон хүүхэдтэй эмэгтэй хүний эстроген их байдагтай холбоотой байж болзошгүй хэмээн үзжээ. “Эстроген нь хүчтэн антиоксидант бөгөөд теломеризаци багасахаас сэргийлж, эсүүдийг хамгаалах үүрэгтэй байдаг” хэмээн профессор хэлсэн байна.

Нийгмийн байдал болон сэтгэл санаа мөн чухал

Пабло Непомнаши ээжүүдийг урт наслахтай холбоотой байж болох өөр шалтгааныг дурдсан юм. Тэр нийгмийн байдал ээжүүдийн амьдралд нөлөөлдөг гэж үзжээ. Олон хүүхэдтэй ээж найз нөхөд болон гэр бүлээсээ тусламж, дэмжлэг авсан нөхцөлд, энэ нь бие организм болон сэтгэл санаанд нь нөлөөлдөг байна. “Гайхалтай дэмжлэг бодисын солилцооны энергийн түвшинг нэмж, ямар нэгэн асуудал үүсэхээс сэргийлэхээс гадна хөгшрөх үйл явцыг удаашруулдаг байна” хэмээн тэрээр хэлсэн юм.

Австралийн Пертийн Эдит Коуаны их сургууль судлаачдын баг 4 эсвэл түүнээс олон хүүхэдтэй гэр бүлүүд амьдралдаа гайхалтай сэтгэл хангалуун байдаг болохыг олж тогтоожээ. Доктор Харман (Harman)-ын хувьд, гэр бүлийн гишүүд бие биенийгээ дэмжих нь халуун дулаан уур амьсгал бүрдүүлдэг болохыг онцолсон байна. “Хүүхдүүд хэзээ ч уйдахгүй, тэдэнд цуг тоглох хэн нэгэн олдож л таараа, бас тэд багаасаа биеэ дааж сурна” хэмээн доктор хэлжээ.

Та энэхүү онолын талаар юу гэж бодож байна? Та олон хүүхэдтэй ээжийн нэг хүүхэд нь үү эсвэл та өөрөө олон хүүхэдтэй юу? Бид таны сэтгэгдлийг сонсохдоо хэзээд таатай байх болно!

9

Хөөрхөн

3

Гайхмаар

2

Харамсалтай

1

Тэнэглэл

1

Бахархмаар

1

Ха Ха

0

Гоё

0

Буруу

Баярлалаа!