Жийнсэн өмдний энэ жижиг халаас яг ямар зориулалттай вэ? Үйлдвэрлэгчид одоо л нэг юм нууцыг нь дэлгэж байна

Интернет хөгжихийн зэрэгцээ бид мэдээллийн далайд умбаж эхэлсэн. Гэсэн хэдий ч зарим нэг нууцыг бид одоог хүртэл мэдэж чадаагүй л байна.

Заримдаа бид эд зүйлсийн үндсэн зориулалтыг төдийлөн анзаарахгүй өнгөрөх ажээ. Өдөр тутамдаа учирдаг эд зүйлсийг бид зориулалтаар нь ашиглахгүй ч үе бий. Өнөөдөр та бүхэндээ тэдгээр үл тайлагдах олон “нууцууд”-ын нэгийг дэлгэх гэж байна.

Жийнсэн өмдөнд жижиг халаас байдгийг та эрхбиш анзаарсан биз ээ, “тав дахь халаас” хэмээгддэг гэдгийг та мэдэх үү? Хэмжээнээс нь болоод тэр болгон хэрэглээд байдаггүй. Гэхдээ энэ жижиг халаас анхнаасаа ямар зориулалттай байсан юм бол?

Ковбой, уурхайчин зэрэг 1800-аад оны үеийн ажилчид Levi’s-ийн анхны жийнсэн өмдний жижиг халаасанд цагаа хийж хадгалдаг байжээ. Цагаа элдэв бэртэл гэмтлээс хамгаална. Танд сануулж хэлэхэд Levi’s-ийн одоогийн каталог дээр ч гэсэн “watch pocket” (цагны халаас) нэршлээр явж байгааг та олж харна.

Энэ жижиг халаас бас өөр зориулалттай ч байж. Нэг хувилбар нь, ажилчид халаасандаа хадаас хийдэг, харин алт хайгчид – жижиг багаж зэвсгээ хийдэг байж.

Энэ жижиг халаасыг “тавь дахь” хэмээнэ, угтаа бол 4 дэх юм шүү дээ. Анхны цэнхэр жийнсэн өмдний ард нэг л халаас байсан, урдаа хоёр халаастай тэгээд цагны халаас байлаа. Тавь дахь – ардаа хоёр халаас гарч ирсэн нь нилээд хожуу юм.

Өнөөдөр бид тэр жижиг халаасанд олон зүйл хийх болжээ – зоос, чүдэнз, бохь, зарим нэг нь бол огт ашиглахгүй.

Та жийнсэн өмдний “тавь дахь халаас”-ны зориулалтыг мэддэг байсан уу? Та өдөр тутмын амьдралдаа энэ халаасыг ашигладаг уу? Бидэнтэй коммент хэсгээр сэтгэгдлээ хуваалцаарай.

22

Гоё

11

Гайхмаар

6

Ха Ха

4

Тэнэглэл

4

Хөөрхөн

1

Буруу

1

Бахархмаар

1

Харамсалтай

Баярлалаа!