3-р сарын 8-ны өдөр 239 хүнтэйгээр Куала Лумпураас Бээжингийн чиглэлд нисэж байсан онгоц сураггүй алга болоод 3 долоо хоног орчмын нүүр үзэж байна. Дэлхийн хэд хэдэн улс орны хамтарсан хайгуулын ажил цаг агаарын тааламжгүй байдлын улмаас түр зогссон байсан ба өнөөдөр дахин эхэлжээ. Малайзын ерөнхий сайд МН370 нислэгийн онгоцыг Энэтхэгийн далайн өмнөд хэсэгт осолдсон гэсэн мэдэгдлийг хийсэн ч онгоцонд явсан зорчигчдын ар гэрийнхнээс нотлох баримт, онгоцны үлдэгдэл зэргийг шаардаж байгаа юм.
Австралийн эрлийн багийнхан далайн усанд хоёр обьект олсон тухайгаа мэдэгдсэн ч энэ нь Боинг 777-200 онгоцтой холбоотой эсэх нь хараахан тогтоогдоогүй байгаа аж.
Даниел Тан онгоцны сэг олдох хүртэл ахыгаа амьд гэсэн итгэлээ алдахгүй хэмээжээ.
Онгоцонд явсан зорчигчдын олонхыг Хятад улсын иргэд бүрдүүлж байсан бөгөөд хангалттай мэдээлэл өгөхгүй байна, үнэнийг нууж байна хэмээн бухимдаж байгаа тэдний ар гэр, хамаатан саднууд өчигдөр Бээжин дэх Малайзын элчин сайдын яамны гадаа очиж, эсэргүүцэл илэрхийлсэн байна. Тэд усны сав мэтийг элчин сайдын яамны байр руу шидэж, элчин сайдтай уулзуулахыг шаардаж байжээ.
Бээжин дэх Малайзын элчин сайдын яамны гадаа эсэргүүцлээ илэрхийлж, уурлаж бухимдсан зорчигчдын ар гэрийнхэн
Британий Inmarsat пүүс хиймэл дагуулын дүн шинжилгээгээр эрлийн газрыг нарийвчлахад тусалж байна.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
